જયા બચ્ચને ‘ટોયલેટ એક પ્રેમ કથા’ની નિંદા કરી, અક્ષય કુમારે જડબેસલાક જવાબ આપ્યો

મુંબઈ, 11 એપ્રિલ 2025 :  અક્ષય કુમારની મોસ્ટ અવેટેડ ફિલ્મ ‘કેસરી: ચેપ્ટર 2’ 18 એપ્રિલના રોજ સિનેમાઘરોમાં રિલીઝ થવા જઈ રહી છે. આવી સ્થિતિમાં, અક્ષયે ફિલ્મની રિલીઝના એક અઠવાડિયા પહેલા મુંબઈમાં ‘કેસરી: ચેપ્ટર 2’ ની પ્રેસ મીટ યોજી હતી. પ્રેસ મીટ દરમિયાન, એક પત્રકારે અક્ષયને કહ્યું કે તાજેતરમાં જયા બચ્ચને તેમની ફિલ્મ ‘ટોઇલેટ: એક પ્રેમ કથા’ ના નામની ટીકા કરી હતી અને તેને ફ્લોપ ગણાવી હતી.

ઝડપી, સચોટ અને પ્રમાણિત સમાચાર મેળવવા નીચે જણાવેલા અમારા કોઈપણ વૉટ્સએપ ગ્રુપમાં જોડાઈ શકો છો

અક્ષયનો જડબાતોડ જવાબ
પ્રેસ મીટ દરમિયાન, અક્ષયને પૂછવામાં આવ્યું કે જ્યારે તેના સાથી કલાકારો તેની ફિલ્મોની ટીકા કરે છે ત્યારે તેને કેવું લાગે છે. અક્ષયે કહ્યું, “મેં જે પ્રકારની ફિલ્મ બનાવી છે તેની ટીકા ફક્ત કોઈ મૂર્ખ જ કરી શકે છે. મેં ‘પેડમેન’ બનાવી છે. તમે જ કહો. જેમ કે – ‘ટોઇલેટ એક પ્રેમ કથા’, ‘એરલિફ્ટ’, ‘કેસરી 1’ બની હતી, ‘કેસરી 2’ બનાવી છે. આવી ઘણી ફિલ્મો છે, તેથી કોઈ મૂર્ખ જ આ ફિલ્મોની ટીકા કરશે.” ત્યારે અક્ષયને કહેવામાં આવ્યું કે જયા બચ્ચને તેની ફિલ્મની ટીકા કરી હતી. અક્ષયે કહ્યું, “જો તેમણે આવું કહ્યું હોય, તો તે સાચા છે. જો મેં આવી ફિલ્મ બનાવીને ભૂલ કરી હોય, તો તે સાચી હોઈ શકે છે.”

જયા બચ્ચનનું નિવેદન
તાજેતરમાં એક કોન્ક્લેવમાં, જયા બચ્ચને ‘ટોઇલેટ એક પ્રેમ કથા’નો ઉલ્લેખ કર્યો હતો અને કહ્યું હતું કે, “ફિલ્મનું નામ જુઓ; હું ક્યારેય આવા નામવાળી ફિલ્મ નહીં જોઉં. આ તો કોઈ નામ છે? તમે મને કહો, શું તમે આવા નામવાળી ફિલ્મ જોવા માંગો છો? જુઓ, આટલા બધા લોકોમાંથી, ભાગ્યે જ ચાર લોકો ફિલ્મ જોવા માંગે છે; આ ખૂબ જ દુઃખદ છે. આ ફ્લોપ છે.”