ચીન બોર્ડરથી દિલ્હી બજારમાં પહોંચ્યુ 800 કરોડનું સોનું, ITBPએ જપ્ત કર્યું 108 કિલો ગોલ્ડ

નવી દિલ્હીઃ 9 સપ્ટેમ્બર, 2025: Gold Smuggling: ભારતીય તપાસ અને સુરક્ષા એજન્સીઓએ ચીનની સરહદથી દેશમાં આવતા વિદેશી સોનાની તપાસ અંગે અનેક ખુલાસા કર્યા છે. આ એક એવો કેસ છે જેમાં કેન્દ્રીય અર્ધલશ્કરી દળ ITBP સહિત ઘણી એજન્સીઓ સામેલ છે.

800 કરોડ રૂપિયાનું 1064 કિલો સોનું વેચાયું

આ કેસનો પર્દાફાશ કરવાનો શ્રેય આઈટીબીપીને જાય છે. આરોપી તેંદુ તાશીએ 2023 અને 2024 દરમિયાન તેના સોનાની દાણચોરી સિન્ડિકેટના અન્ય સભ્યોની મદદથી ચીન સરહદથી 800 કરોડ રૂપિયાનું 1064  કિલો સોનું સફળતાપૂર્વક ભારતમાં દાણચોરી કરી હતી. ખાસ વાત એ છે કે આ સોનું દિલ્હીના બજારમાં વેચવામાં આવ્યું હતું.

ચીન સરહદથી દિલ્હીમાં સોનાની દાણચોરી કરવામાં આવી હતી. ITBP પછી, DRI આ કેસમાં સામેલ થયું હતું. DRI એ ઘણા લોકોની અટકાયત કરી અને પૂછપરછ કરી. તપાસમાં ખુલાસો થયો કે, વિદેશી મૂળના સોનાની ખરીદી માટે ક્રિપ્ટોકરન્સી દ્વારા ચીની બાજુના ભૂ-ચુમ-ચુમને ચુકવણી કરવામાં આવી હતી.

દિલ્હી-એનસીઆરમાં પાંચ સ્થળોએ દરોડા

ભારત-ચીન સરહદ પર તૈનાત ITBP એ વિદેશી મૂળનું 108 કિલો સોનું જપ્ત કર્યું હતું. DRI પછી, એન્ફોર્સમેન્ટ ડિરેક્ટોરેટ પણ આ કેસમાં સામેલ થયું. ITBP દ્વારા જપ્ત કરાયેલા વિદેશી સોનાના સંદર્ભમાં, શ્રીનગર પ્રાદેશિક કાર્યાલયના એન્ફોર્સમેન્ટ ડિરેક્ટોરેટ (ED)એ દિલ્હી-NCRમાં પાંચ સ્થળોએ દરોડા પાડ્યા હતા. ફોરેન એક્સચેન્જ મેનેજમેન્ટ એક્ટ, 1999 (FEMA)ની જોગવાઈઓ હેઠળ લદ્દાખમાં રહેણાંક અને વાણિજ્યિક પરિસરમાં પણ શોધખોળ હાથ ધરવામાં આવી હતી. આના પરિણામે ગુનાઈત દસ્તાવેજો મળી આવ્યા હતા.

DRIએ 10 લોકોની અટકાયત કરી

આ પહેલાં, DRI તપાસમાં જાણવા મળ્યું હતું કે, આરોપીઓ લાંબા સમયથી સોનાની દાણચોરીમાં સામેલ હતા. 1064 કિલો વિદેશી મૂળના સોનાનો વ્યવહાર કરવામાં આવ્યો હતો. ચુકવણી USDT/Tether દ્વારા કરવામાં આવી હતી. DRIએ COFEPOSA હેઠળ 10 વ્યક્તિઓની અટકાયત કરી હતી. તેઓ હજુ પણ COFEPOSA કસ્ટડીમાં છે. તપાસમાં જાણવા મળ્યું હતું કે, દાણચોરી કરાયેલા વિદેશી મૂળનું સોનું એક ચીની નાગરિક ભૂ-ચુમ-ચુમ દ્વારા ગેરકાયદે રીતે ભારત-ચીન સરહદ (તિબેટ પ્રદેશ) દ્વારા ભારતમાં તેન્ડુ તાશી નામના વ્યક્તિને મોકલવામાં આવી રહ્યું હતું.

તપાસમાં થયો ખુલાસો

તપાસમાં એ પણ બહાર આવ્યું કે, તિબેટનો રહેવાસી તેનઝિન ખાંડપ, ભૂ-ચુમ-ચુમથી વિદેશી મૂળના સોનાનો નિયુક્ત આપ-લે કરનારો હતો. ED તપાસમાં ખુલાસો થયો કે તેને સોનું ભારત-ચીન સરહદ પર લઈ જવા અને સરહદની ચીન બાજુ પર ભારતીય કુલીઓને સોંપવાનું કામ સોંપવામાં આવ્યું હતું. એવું પણ બહાર આવ્યું કે, તેન્ડુ તાશીના નિર્દેશ પર, તેનઝિન સંફેલ (તેનઝિન ખાંડપના કાકા)એ ચીનથી 108 કિલો FO સોનું એકત્રિત કરવા માટે બે કુલીઓની ભરતી કરી હતી. તેની મોડસ ઓપરેન્ડી સફળ રહી હતી. તેન્ડુ તાશીએ વર્ષ 2023 અને 2024 માં તેના અન્ય સાથીઓની મદદથી સોનાની દાણચોરી કરી હતી. ચીન સરહદથી દિલ્હીમાં 800 કરોડ રૂપિયાનું 1064 કિલો સોનું દાણચોરી કરવામાં આવ્યું હતું. દાણચોરી કરેલું સોનું દિલ્હીના વિવિધ ઝવેરીઓ/વેપારીઓને વેચવામાં આવ્યું હતું. ઉપરોક્ત વિદેશી મૂળના સોનાની ખરીદી માટે ચુકવણી ક્રિપ્ટોકરન્સી (USDT/Tether) દ્વારા ચીની બાજુના ભૂ-ચુમ-ચુમને કરવામાં આવી હતી.

આ પણ વાંચોઃ નેપાળમાં વિરોધીઓનું પ્રદર્શન વધુ ઉગ્ર બન્યું, પૂર્વ PMના પત્નીને જીવતા સળગાવ્યા

આ પણ વાંચોઃ NSE ને મળ્યા નવા ચેરમેન, શેરબજારમાં બે વર્ષથી ખાલી હતું આ મહત્વપૂર્ણ પદ