IPL 2026: CSK સામે હાર બાદ હાર્દિક પાંડ્યાનું નિરાશાભર્યું નિવેદન

IPL 2026:    IPL 2026માં મુંબઈ ઈન્ડિયન્સ માટે સીઝન ખૂબ નિરાશાજનક સાબિત થઈ રહી છે. ચેન્નાઈ સુપર કિંગ્સ સામે 8 વિકેટથી મળેલી કરારી હાર બાદ ટીમના કપ્તાન હાર્દિક પાંડ્યાનું દુઃખ જાહેર થયું છે.

ચેપોકમાં રમાયેલા આ મુકાબલામાં મુંબઈ ઈન્ડિયન્સ માત્ર 159 રન જ બનાવી શકી, જે લક્ષ્ય ચેન્નાઈએ સરળતાથી હાંસલ કરી લીધું. આ હાર મુંબઈની સીઝનની 7મી હાર છે, જેના કારણે ટીમની પ્લેઓફમાં પહોંચવાની આશા હવે લગભગ સમાપ્ત થઈ ગઈ છે.

હાર્દિક પાંડ્યાનો પ્રતિભાવ

મેચ બાદ હાર્દિક પાંડ્યાએ કહ્યું કે, “આ ફક્ત એક મેચની વાત નથી, આખું સીઝન જ અમારી તરફ નથી રહ્યું.” તેમણે સ્વીકાર્યું કે ચેન્નાઈએ બેટિંગ, બોલિંગ અને ફિલ્ડિંગ – ત્રણેય વિભાગમાં મુંબઈ કરતા સારું પ્રદર્શન કર્યું.

અમારી WhatsApp ચેનલમાં જોડાવા આ લિંક પર ક્લીક કરો

https://whatsapp.com/channel/0029VauCUMx6LwHmdrOBwa2X

બેટિંગ પર ઉઠાવ્યા સવાલ

હાર્દિકે ખાસ કરીને બેટિંગ યુનિટ પર નિરાશા વ્યક્ત કરી. તેમણે જણાવ્યું કે, “અમારા બેટ્સમેન બોલને યોગ્ય રીતે કનેક્ટ કરી શક્યા નહીં, જ્યારે તેમની બોલિંગ ખૂબ અસરકારક રહી.” મુંબઈએ 180-190નો સ્કોર કરવાનો લક્ષ્ય રાખ્યો હતો, પરંતુ મધ્ય ઓવરમાં મોમેન્ટમ ગુમાવી દીધું.

બોલિંગ વિશે શું કહ્યું?

બોલિંગ પર વાત કરતાં હાર્દિકે કહ્યું કે ટીમે ઉપલબ્ધ વિકલ્પો સાથે શ્રેષ્ઠ પ્રયાસ કર્યો, પરંતુ ચેન્નાઈના બેટ્સમેનોએ સમજદારીપૂર્વક રમત રમી અને મેચ પોતાના નામે કરી.

મેચનો સરવાળો

મુંબઈ માટે નમન ધીર (57) અને રિયાન રિકલ્ટન (37) એ થોડી લડત આપી, જ્યારે અન્ય બેટ્સમેન ખાસ અસરકારક સાબિત થયા નહોતા. બીજી તરફ, ચેન્નાઈ માટે કપ્તાન ઋતુરાજે અણનમ 67 રન બનાવ્યા અને ટીમને જીત અપાવી.

પોઈન્ટ્સ ટેબલ પર અસર

મુંબઈ ઈન્ડિયન્સે અત્યાર સુધી 9 મેચમાં માત્ર 2 જીત મેળવી છે અને 4 પોઈન્ટ સાથે 9મા સ્થાન પર છે. બીજી તરફ ચેન્નાઈ સુપર કિંગ્સે 9માંથી 4 મેચ જીતી 8 પોઈન્ટ મેળવ્યા છે અને પ્લેઓફ માટેની દોડમાં હજુ જળવાઈ છે.

આ પણ વાંચો : દિલ્હીમાં 30 વર્ષીય જજનું શંકાસ્પદ મૃત્યુ: બાથરૂમમાં મળ્યો મૃતદેહ, આત્મહત્યાની આશંકા