આઈપીએલ 2025 : શુભમન ગિલના 90 રન, ગુજરાતે જીત માટે કોલકાતાને આપ્યો આ ટાર્ગેટ
કોલકાતા, 21 એપ્રિલ : આઈપીએલ 2025માં આજે ગુજરાત ટાઈટન્સ અને કોલકાતા નાઈટ રાઈડર્સ વચ્ચે ઈડન ગાર્ડન્સમાં મેચ રમાઈ રહી છે. આ મેચમાં કોલકાતાએ ટોસ જીતીને પ્રથમ બોલિંગ કરવાનો નિર્ણય લીધો હતો. ગુજરાત તરફથી ઓપનર કેપ્ટન શુભમન ગિલ અને સાઈ સુદર્શને જોરદાર શરૂઆત આપી હતી. 20 ઓવરના અંતે ગુજરાતે 3 વિકેટ ગુમાવી 198 રન કર્યા હતા અને કોલકાતાને જીત માટે 199 રનનો ટાર્ગેટ આપ્યો હતો. જેમાં કેપ્ટન શુભમન ગિલના માત્ર 55 બોલમાં 90 રન હતા.
કોલકાતા નાઈટ રાઈડર્સ (પ્લેઈંગ ઈલેવન): રહેમાનુલ્લા ગુરબાઝ, સુનીલ નારાયણ, અજિંક્ય રહાણે, વેંકટેશ ઐયર, રિંકુ સિંહ, મોઈન અલી, આન્દ્રે રસેલ, રમનદીપ સિંહ, હર્ષિત રાણા, વૈભવ અરોરા, વરુણ ચક્રવર્તી.
ગુજરાત ટાઇટન્સ (પ્લેઇંગ ઇલેવન): સાઇ સુદર્શન, શુભમન ગિલ (કેપ્ટન), જોસ બટલર (વિકેટકીપર), શેરફેન રધરફોર્ડ, રાહુલ તેવટિયા, વોશિંગ્ટન સુંદર, શાહરૂખ ખાન, રાશિદ ખાન, સાઇ કિશોર, પ્રસિદ્ધ કૃષ્ણા, મોહમ્મદ સિરાજ.
ગુજરાત ટાઇટન્સે વર્તમાન IPL સિઝનમાં શાનદાર પ્રદર્શન કર્યું છે અને અત્યાર સુધીમાં સાતમાંથી પાંચ મેચ જીતી છે. બીજી તરફ કોલકાતા નાઈટ રાઈડર્સે એટલી જ મેચ રમી છે અને ત્રણમાં જીત મેળવી છે. મુલ્લાનપુરમાં પંજાબ કિંગ્સ (PBKS) સામે 112 રનના ટાર્ગેટનો પીછો કરતી વખતે KKRને તેની પાછલી મેચમાં પરાજયનો સામનો કરવો પડ્યો હતો જ્યારે તેઓ 95 રનમાં ઓલઆઉટ થઈ ગયા હતા.
ઈન્ડિયન પ્રીમિયર લીગમાં અત્યાર સુધીમાં કોલકાતા નાઈટ રાઈડર્સ અને ગુજરાત ટાઈટન્સ વચ્ચે 4 મેચ રમાઈ છે. આ સમયગાળા દરમિયાન ગુજરાત ટાઇટન્સે 2 મેચ જીતી હતી. જ્યારે કોલકાતા નાઈટ રાઈડર્સ માત્ર 1 મેચ જીતી શકી છે. ગત સિઝનમાં બંને ટીમો વચ્ચે મેચ રમાઈ હતી જે વરસાદના કારણે ધોવાઈ ગઈ હતી.
