ભારતનું પહેલું ઈચ્છામૃત્યુ, આખરે લવલી દીદીએ હરીશના માથે ચંદનનું તિલક લગાવી અંતિમ વિદાય આપી!

• ઓગસ્ટ 2013માં રક્ષા બંધનના દિવસે હરીશ તેની બહેન સાથે મોબાઇલ ફોન પર વાત કરતી વખતે પીજીના ચોથા માળેથી પડી ગયો હતો

National News: ગાઝિયાબાદના સાહિબાબાદના રહેવાસી હરીશ રાણાને અંતિમ વિદાય આપવા માટે સાહિબાબાદના મોહન નગરમાં બ્રહ્માકુમારી કેન્દ્ર, પ્રભુ મિલન ભવનની સિસ્ટર કુમારી લવલી દીદી 13 માર્ચે તેમના ઘરે આવી હતી. અહીં તેમણે પહેલા હરીશ રાણાના કપાળ પર ચંદનનું તિલક લગાવ્યું અને પછી તેને વિદાય આપી.

તેમણે કહ્યું, સૂઈ જાઓ, બધાને માફ કરીને અને બધાની માફી માંગીને… કંઈ વાંધો નહીં. બીકે લવલીએ કહ્યું કે તેમણે હરીશ માટે ધ્યાન પણ કર્યું, તેને શાંતિપૂર્ણ વિદાય આપી અને હરીશના માતાપિતાને સાંત્વના આપી હતી.

હરીશના બાળપણને યાદ કરતા માતાનું દુઃખ છલકાયું

માતા નિર્મલા દેવીએ હરીશના બાળપણને યાદ કરતા દુઃખ ભર્યા સ્વરે કહ્યું કે જ્યારે હરીશ બાળપણમાં ખૂબ જ તોફાન કરતો અને હું તેને ઠપકો આપતી ત્યારે તે એક ખૂણામાં છુપાઈ જતો. થોડા સમય પછી તે પાછો આવતો અને શાંતિથી મને ગળે લગાવતો. તે મારા ચહેરા પર વહાલ કરવાનું શરૂ કરતો. તે પહેલું બાળક હતો, તેથી તેને ઘરમાં સૌથી વધુ પ્રેમ અને સ્નેહ મળ્યો હરીશના બાળપણની યાદો શેર કરતી વખતે નિર્મલા દેવીની આંખો ભીની થઈ ગઈ.

"सबको माफ करते हुए, सबसे माफी मांगते हुए अब जाओ, ठीक है"

गाजियाबाद में 13 साल से कोमा में पड़े हरीश राणा को अंतिम विदाई !! pic.twitter.com/ANaHThV1qp

— ममता ट्राबल (@Mamtasulaniya) March 15, 2026

હું છેલ્લા 13 વર્ષથી મારા દીકરાનું દર્દ જોઈ રહી છું, હવે સહન નથી થતું

નિર્મલા દેવીના મતે હરીશનો જન્મ 12 સપ્ટેમ્બર, 1993ના રોજ દિલ્હીમાં થયો હતો. તે દિવસે આખો પરિવાર ખૂબ જ ખુશ હતો. આખા ઘરમાં ગીતો ગવાતા હતા. તેમના મતે હરીશે ક્યારેય કોઈ પણ બાબતનો આગ્રહ રાખ્યો નહીં. તેને જે પણ સમજાવવામાં આવે તે તે પ્રેમથી સ્વીકારતો હતો. હરીશે જુલાઈ 2010 માં ચંદીગઢ યુનિવર્સિટીમાં સિવિલ એન્જિનિયરિંગમાં પ્રવેશ મેળવ્યો હતો. 2013 માં તે અંતિમ વર્ષમાં હતો. ઓગસ્ટ 2013માં રક્ષા બંધનના દિવસે તે તેની બહેન સાથે મોબાઇલ ફોન પર વાત કરતી વખતે તેના પીજીના ચોથા માળેથી પડી ગયો હતો. ગંભીર રીતે ઘાયલ થયેલા હરીશને તાત્કાલિક ચંદીગઢના પીજીઆઈમાં દાખલ કરવામાં આવ્યો.

બાદમાં ડિસેમ્બર 2013 માં તેને દિલ્હીની LNJP હોસ્પિટલમાં દાખલ કરવામાં આવ્યો, જ્યાં ડોકટરોએ તેમને ક્વાડ્રિપ્લેજિયા હોવાનું નિદાન કર્યું, એક એવી સ્થિતિ જેના કારણે તેસંપૂર્ણપણે લકવાગ્રસ્ત અને જીવનભર પથારીવશ રહ્યો હતો.

અમારી WhatsApp ચેનલમાં જોડાવા આ લિંક પર ક્લીક કરો

https://whatsapp.com/channel/0029VauCUMx6LwHmdrOBwa2X

હરીશના અસહ્ય દર્દ અને શારિરીક અક્ષમતાના કારણે માતા-પિતાએ દિલ્હી હાઈકોર્ટમાં ઈચ્છા મૃત્યુની અપીલ કરી હતી, પરંતુ 8 જુલાઈ 2025ના રોજ હાઈકોર્ટે તેને ફગાવી દીધું હતું. ત્યારબાદ પરિવારે સુપ્રીમ કોર્ટમાં અરજી કરી. લગભગ આઠ મહિના બાદ 11 માર્ચ 2026ના રોજ સુપ્રીમ કોર્ટે ઐતિહાસિક ચુકાદો આપતા 32 વર્ષીય યુવકને ઈચ્છા મૃત્યુ માટે તેના માતા-પિતાની અરજીનો સ્વીકાર કર્યો હતો. ભારતમાં પ્રથમ વખત ઈચ્છા મૃત્યુનો અમલ થયો હતો અને 12 વર્ષથી કોમામાં રહેલા યુવકને જે લાઈફ સપોર્ટ સિસ્ટમ પર રાખવામાં આવ્યો હતો, તેને હટાવી લેવાની છૂટ આપવામાં આવી.

આ પણ વાંચોઃ ડેપ્યુટી CMનું પદ અને 80 બેઠકો, થલપતિ વિજયને ભાજપે ગઠબંધન માટે આપી મોટી ઓફર