LPGની સમસ્યાથી મળશે રાહત, શિવાલિક અને નંદાદેવી જહાજોએ હોફમુઝ સ્ટ્રેટ પાર કર્યું, 16 અને 17 માર્ચે ભારત પહોંચશે
LPG Crisis: ઈરાન પર અમેરિકા અને ઇઝરાયલી હુમલાઓ બાદ, ઈરાને હોર્મુઝ સ્ટ્રેટ બંધ કરી દીધું છે, જેના કારણે તેલ અને LPG સંકટ વધુ ઘેરું બન્યું છે. ભારત LPG સમસ્યાઓનો સામનો કરી રહ્યું છે, પરંતુ આ દરમિયાન, એક રાહતના સમાચાર સામે આવ્યા છે. ઈરાને હોર્મુઝ સ્ટ્રેટમાં ફસાયેલા બે જહાજોને પસાર થવા દીધા છે. બંને ભારતીય જહાજોએ આજે હોર્મુઝ સ્ટ્રેટ પાર કરી લીધું છે. આજે ભારત તરફથી માહિતી આપતાં રણધીર જયસ્વાલે જણાવ્યું હતું કે, આજે સવારે બે ભારતીય ધ્વજવાળા LPG જહાજોએ હોર્મુઝ સ્ટ્રેટને સુરક્ષિત રીતે પાર કરી લીધું છે. શિવાલિક અને નંદા દેવી નામના બંને જહાજોએ આજે સવારે હોર્મુઝ સ્ટ્રેટ સુરક્ષિત રીતે પાર કરી લીધા છે અને ભારત તરફ આગળ વધી રહ્યા છે. બંને જહાજો 16 અને 17 માર્ચે ભારત પહોંચશે.”
રણધીર જયસ્વાલે કહ્યું, અમે ગઈકાલે 30 મર્ચન્ટ નેવી અધિકારીઓન લાવ્યા હતા, કુલ સંખ્યા 3000 નાવિક છે. LPG વાહક જહાજોને પ્રાથમિકતાના આધારે બર્થિંગનો ઓર્ડર આપવામાં આવ્યો છે. છેલ્લા ત્રણ દિવસમાં અમને છ વાહક જહાજો મળ્યા છે. ભારતીય નૌકાદળના યુદ્ધજહાજો હાલમાં ઓમાન ખાડીમાં છે, જ્યાં તેઓ ટૂંક સમયમાં વેપારી જહાજોને એસ્કોર્ટ કરશે. ચોવીસ ભારતીય જહાજો પર્શિયન ખાડીમાં ફસાયેલા છે. આજે સવારે, બે ભારતીય જહાજોએ હોર્મુઝની સ્ટ્રેટ પાર કરી. દરેક જહાજ 46,000 મેટ્રિક ટન વહન કરી શકે છે.”
પેટ્રોલ અને ડીઝલની કોઈ કમી નથી
પેટ્રોલિયમ અને કુદરતી ગેસ મંત્રાલયના સંયુક્ત સચિવ સુજાતા શર્માએ જણાવ્યું હતું કે, “ક્રૂડ ઓઇલ અને રિફાઇનરીઓ અંગે, અમારી પાસે ક્રૂડ ઓઇલનો પૂરતો પુરવઠો છે અને અમારી રિફાઇનરીઓ સંપૂર્ણ ક્ષમતાથી કાર્યરત છે. રિટેલ સ્ટોર્સમાં સ્ટોકની અછતના કોઈ અહેવાલ નથી. પેટ્રોલ અને ડીઝલ પૂરતા પ્રમાણમાં ઉપલબ્ધ છે. અમે અમારી જરૂરિયાતોને પહોંચી વળવા માટે સ્થાનિક સ્તરે પૂરતું પેટ્રોલ અને ડીઝલ ઉત્પન્ન કરીએ છીએ; તેથી, અમને આયાત કરવાની કોઈ જરૂર નથી.”
PNG કનેક્શન ઉપલબ્ધ કરાવવામાં આવશે
કુદરતી ગેસ અંગે, મેં ગઈકાલે તમારું ધ્યાન સરકારના ઉદ્દેશ્ય તરફ દોર્યું હતું કે જ્યાં પણ વાણિજ્યિક ગ્રાહકોને LPG સપ્લાયમાં મુશ્કેલીઓ અથવા વિક્ષેપોનો સામનો કરવો પડી રહ્યો છે, તેમને PNG કનેક્શનમાં રૂપાંતરિત કરવા જોઈએ. આ ઉદ્દેશ્યને આગળ વધારવા માટે, GAIL (ગેસ ઓથોરિટી ઓફ ઈન્ડિયા લિમિટેડ) એ વિવિધ CGD ઓપરેટરો સાથે બેઠક યોજી હતી અને તેમને સલાહ આપી હતી કે શક્ય હોય ત્યાં તમામ પાત્ર વાણિજ્યિક ગ્રાહકોને PNG કનેક્શનની જોગવાઈ ઝડપી બનાવવામાં આવે…
આ પણ વાંચો: હાઈવે પર ડ્રાઇવિંગ થશે મોંઘું: સરકારે વાર્ષિક FASTag ટોલ પાસના દર વધાર્યા, જાણો હવે કેટલો થશે ખર્ચ?
