India vs Sri Lanka 2nd Test: કોલંબોના ઐતિહાસિક સિંહાલીઝ સ્પોર્ટ્સ ક્લબ ક્રિકેટ ગ્રાઉન્ડ ખાતે શ્રીલંકા સામે રમાઈ રહેલી બીજી ટેસ્ટ મેચમાં ભારતીય ટીમના વિકેટકીપર બેટ્સમેન ઋષભ પંત અને ધ્રુવ જુરેલે એક અદ્ભુત અને અનોખો કીર્તિમાન સ્થાપિત કર્યો છે. ઈજામાંથી પુનરાગમન કરીને પંત અને જુરેલે સાતમી વિકેટ માટે 112 રનની મજબૂત ભાગીદારી નોંધાવી હતી. આ સાથે જ તેમણે 11 વર્ષ જૂનો ચેતેશ્વર પૂજારા અને અમિત મિશ્રાની જોડીનો રેકોર્ડ તોડીને શ્રીલંકાની ધરતી પર એક નવો ઈતિહાસ રચી દીધો છે.

41 વર્ષના ઇતિહાસમાં બીજી વાર બન્યો આ અદભુત સંયોગ

ભારતીય ક્રિકેટ ટીમે ઓગસ્ટ 1985 માં શ્રીલંકાની ધરતી પર પોતાની સૌપ્રથમ ટેસ્ટ મેચ રમી હતી. આ વાતને 41 વર્ષ પૂરા થઈ ચૂક્યા છે. આ 41 વર્ષના લાંબા ઇતિહાસમાં ટેસ્ટ ક્રિકેટમાં આ માત્ર બીજી જ એવી ક્ષણ છે જ્યારે કોઈ ભારતીય જોડીએ શ્રીલંકામાં સાતમી કે તેથી નીચેની વિકેટ માટે 100 થી વધુ રનની ભાગીદારી કરી હોય. આ પહેલા 2015 માં કોલંબોના આ જ સિંહાલીઝ મેદાન પર ચેતેશ્વર પૂજારા અને અમિત મિશ્રાએ આઠમી વિકેટ માટે 104 રન ઉમેર્યા હતા. પરંતુ પંત અને જુરેલે 112 રન બનાવીને રનની સરસાઈમાં તેમને પાછળ છોડી દીધા છે.

અમારી WhatsApp ચેનલમાં જોડાવા આ લિંક પર ક્લીક કરો

https://whatsapp.com/channel/0029VauCUMx6LwHmdrOBwa2X

ઈજા છતાં પંતનું આક્રમક પુનરાગમન

રવિવારે ઓગસ્ટ ના રોજ પહેલા દિવસની રમત દરમિયાન કાંડામાં બોલ વાગવાના કારણે ઋષભ પંત રિટાયર્ડ હર્ટ થઈને બહાર નીકળી ગયા હતા. પરંતુ સોમવારે સરંશ જૈનના આઉટ થયા બાદ પંત ફરીથી બેટિંગ માટે મેદાનમાં ઉતર્યા હતા. તેમણે શાનદાર વાપસી કરતા 63 રનની મહત્વપૂર્ણ ઇનિંગ્સ રમી હતી, જેમાં 6 ચોગ્ગા અને 2 છગ્ગા સામેલ હતા. બીજી તરફ ધ્રુવ જુરેલે અદ્ભુત ધૈર્ય દર્શાવતા અણનમ 95 રન બનાવ્યા હતા. આ જોડીએ મધ્યમ ક્રમને મજબૂતી આપી ભારતીય ટીમની સ્થિતિ અત્યંત મજબૂત કરી દીધી હતી.

કોલંબોમાં 11મી વખત બન્યો 400 પ્લસ રનનો વિશાળ સ્કોર

કોલંબોના સિંહાલીઝ સ્પોર્ટ્સ ક્લબ સ્ટેડિયમમાં આ 11મી વખત બન્યું છે જ્યારે કોઈ ટીમે ટેસ્ટ મેચની પ્રથમ ઇનિંગ્સમાં 400 થી વધુ રનનો વિશાળ સ્કોર બનાવ્યો હોય. ભૂતકાળના આંકડા દર્શાવે છે કે અગાઉ જ્યારે પણ કોઈ ટીમે 400 થી વધુ રન બનાવ્યા હોય, તેમાંથી 6 વખત તે ટીમનો વિજય થયો છે, જ્યારે 4 મેચ પરિણામ વિના ડ્રો રહી છે. ભારતીય ટીમે પણ આ મેદાન પર ચાના સમય સુધીમાં 8 વિકેટે 475 રન બનાવીને મેચ પર પોતાની પકડ મજબૂત બનાવી લીધી હતી.

અમારી WhatsApp ચેનલમાં જોડાવા આ લિંક પર ક્લીક કરો

https://whatsapp.com/channel/0029VauCUMx6LwHmdrOBwa2X

ભારતનો પ્રથમ દાવ

મેચમાં ટોસ જીતીને ભારતીય કેપ્ટન શુભમન ગિલે પ્રથમ બેટિંગ કરવાનો નિર્ણય લીધો હતો. ભારત આ શ્રેણીમાં ઓગસ્ટમાં ગાલે  ખાતે રમાયેલી પ્રથમ ટેસ્ટ જીતીને 1-0 થી આગળ છે. પ્રથમ દાવમાં ઓપનર યશસ્વી જયસ્વાલે 45 રન અને કે.એલ. રાહુલે 18 રન બનાવ્યા હતા. ત્યારબાદ દેવદત્ત પડિક્કલે શ્રેણીની પોતાની બીજી ટેસ્ટ સદી ફટકારતા 193 બોલમાં 12 ચોગ્ગા સાથે 117 રનની રમણીય ઇનિંગ્સ રમી હતી. કેપ્ટન ગિલે 50 રન અને રવીન્દ્ર જાડેજાએ 43 રનનું યોગદાન આપ્યું હતું. શ્રીલંકા તરફથી અસિતા ફર્નાન્ડોએ 4 વિકેટ અને કેશરા નુવંથાએ 2 વિકેટ ઝડપી હતી, જ્યારે પ્રભાત જયસૂર્યા અને લાહિરુ કુમારાને 1-1 વિકેટ મળી હતી.

આ પણ વાંચો: ધ્રુવ જુરેલની સદી માટે 13 બોલનું સસ્પેન્સ, ડ્રેસિંગ રૂમમાં ગિલની ધડકન વધી