IBC: સરકાર ચોમાસુ સત્રમાં આઇબીસીમાં સુધારા ખરડો લાવી શકે છે, જાણો શુ થઇ શકે છે ફેરફાર

નવી દિલ્હી, તા. 21 મેઃ કેન્દ્ર સરકાર આગામી ચોમાસુ સત્રમાં ઇનસોલ્વન્સી એન્ડ બેન્કરપ્સી કૉડ (IBC)માં સુધારાનો પ્રસ્તાવ મુકી શકે છે. સૂત્રોના અનુસાર ઇનસોલ્વન્સી એન્ડ બેન્કરપ્સી કૉડની કલમ 31 (4)માં સુધારો કરવામાં આવશે. આ ખાસ ભાગ સમાધાન યોજના માટે સીસીઆઇની પૂર્વ મંજૂરી અનિવાર્ય કરે છે. સૂત્રોએ કહ્યુ કે આઇબીસીથી કોમ્પીટીશન કમિશન ઓફ ઇન્ડિયા (સીસીઆઇ) પર કામનું ભારણ ઘટશે.

તેમના મતે, એકવાર નવો સુધારો અમલમાં આવ્યા પછી, IBC રૂટ હેઠળ કંપની પ્લાનિંગ રિઝોલ્યુશન માટે CCIની મંજૂરીની જરૂર રહેશે નહીં.

AGI ગ્રીનપેકના રિઝોલ્યુશન પ્લાનની સુનાવણી દરમિયાન સુપ્રીમ કોર્ટના તાજેતરના અવલોકનોને ધ્યાનમાં રાખીને IBCમાં સુધારાનું આયોજન કરવામાં આવ્યું છે. જાન્યુઆરી 2025માં, સુપ્રીમ કોર્ટે કથિત રીતે ટિપ્પણી કરી હતી કે AGI ગ્રીનપેક લિમિટેડ દ્વારા નાદાર હિન્દુસ્તાન નેશનલ ગ્લાસ (HNG) લિમિટેડને ભારતીય સ્પર્ધા પંચ (CCI)ની મંજૂરી વિના હસ્તગત કરવાની બિડ અસમર્થ છે અને તેને રદ કરવી જોઈએ.

સુપ્રીમ કોર્ટના આદેશમાં કહેવામાં આવ્યું હતું કે, “AGI ગ્રીનપેકનો રિઝોલ્યુશન પ્લાન ટકાઉ નથી કારણ કે તે ઇનસોલ્વન્સી એન્ડ બેન્કરપ્સી કૉડ (IBC)ની કલમ 31(4)ની જોગવાઈ હેઠળ ફરજિયાત CCI પાસેથી પૂર્વ મંજૂરી મેળવવામાં નિષ્ફળ ગઇ હતી. પરિણામે, જરૂરી CCI મંજૂરી વિના, 28 ઓક્ટોબર, 2022ના રોજ કમિટી ઓફ ક્રેડિટર્સ (CoC) દ્વારા મંજૂર કરાયેલ રિઝોલ્યુશન પ્લાનને યથાવત્ રાખી શકાતો નથી અને તેને રદ કરવામાં આવે છે.

આ પણ વાંચોઃ મહારાષ્ટ્ર : થાણેના કલ્યાણમાં બિલ્ડીંગનો સ્લેબ ધરાશાયી થયો, 6 લોકોના મૃત્યુ