તારા લગ્ન ક્યારે શથે? સવાલોથી કંટાળી 30 વર્ષીય યુવક 20માં માળેથી કુદી પડ્યો
તાજેતરમાં, શહેરમાં લગ્ન ન થવાને કારણે માનસિક તણાવમાં આવી આત્મહત્યા કરવાની એક વધુ દુઃખદ ઘટના સામે આવી છે. તેલંગાણાના હૈદરાબાદના અટ્ટાપુરનો રહેવાસી 30 વર્ષીય પ્રવીણ લાંબા સમયથી લગ્ન કરવામાં અસમર્થતાને કારણે હતાશાથી પીડાતો હતો. તેની વધતી ઉંમર અને લગ્નજીવનમાં વારંવાર નિષ્ફળતાઓને કારણે તે એકલતા અને લાચારી અનુભવી રહ્યો હતો.
પરિવાર અને મિત્રોના લગ્ન જોવા અને વારંવાર “તારા લગ્ન ક્યારે થશે?” જેવા પ્રશ્નો સાંભળવાથી તેનો માનસિક તણાવ વધુ વધ્યો. એવું કહેવામાં આવી રહ્યું છે કે પ્રવીણ છેલ્લા કેટલાક દિવસોથી ખૂબ જ પરેશાન હતો, અને આ માનસિક તણાવને કારણે તેણે આ ખતરનાક પગલું ભર્યું.
20 માળની ઇમારત પરથી કૂદીને આત્મહત્યા કરી
અહેવાલો અનુસાર, રવિવારે બપોરે તે 20 માળની ઇમારતના ધાાબા પર ગયો અને ત્યાંથી કૂદી પડ્યો. ગંભીર રીતે ઘાયલ પ્રવીણનું ઘટનાસ્થળે જ મોત નીપજ્યું. માહિતી મળતાં, પોલીસ ઘટનાસ્થળે પહોંચી અને પ્રવીણના મૃતદેહને કબજે લીધો. પોલીસે કેસ નોંધીને તપાસ શરૂ કરી છે. એવું માનવામાં આવે છે કે લગ્ન ન થવાને કારણે હતાશ થઈને યુવકે આત્મહત્યા કરી લીધી.
ડિપ્રેશન અને માનસિક તણાવથી પીડાતા લોકોને મદદ કરવા અને આત્મહત્યા અટકાવવા માટે, ઘણી સ્વૈચ્છિક સંસ્થાઓ ટોલ-ફ્રી હેલ્પલાઇન નંબરો દ્વારા સેવાઓ પૂરી પાડી રહી છે. જો કોઈ મુશ્કેલીમાં હોય, તો તેઓ નીચેના નંબરોનો સંપર્ક કરી શકે છે:
માનસિક સ્વાસ્થ્ય સહાય કેન્દ્ર
રાષ્ટ્રીય હેલ્પલાઇન (Tele-MANAS): કેન્દ્ર સરકાર દ્વારા શરૂ કરાયેલ આ સેવા 24 કલાક ઉપલબ્ધ છે.
નંબર: 14416 અથવા 1800 891 4416
આ પણ વાંચો: 2026નું સૂર્યગ્રહણ લાવશે તણાવ? કુંભ સહિત આ પાંચ રાશિઓ જોખમમાં
