Karwa Chauth 2026: હિન્દુ ધર્મમાં સુહાગન (પરિણીત) સ્ત્રીઓ માટે કરવા ચોથનું વ્રત અત્યંત પવિત્ર અને મહત્વપૂર્ણ માનવામાં આવે છે. આ દિવસે પરિણીત મહિલાઓ પોતાના પતિના લાંબા આયુષ્ય, ઉત્તમ સ્વાસ્થ્ય અને અખંડ સૌભાગ્યની કામના સાથે આખો દિવસ નિર્જળા (અન્ન-જળ વિના) ઉપવાસ રાખે છે. સાંજે વિધિવત પૂજા-અર્ચના કર્યા બાદ ચંદ્રદેવના દર્શન કરી અર્ઘ્ય અર્પણ કરવામાં આવે છે અને ત્યારબાદ પતિના હાથે જળ ગ્રહણ કરીને વ્રતના પારણાં કરવામાં આવે છે. (Karwa Chauth 2026)

અમારી WhatsApp ચેનલમાં જોડાવા આ લિંક પર ક્લીક કરો
https://whatsapp.com/channel/0029VauCUMx6LwHmdrOBwa2X

કરવા ચોથ 2026 ની સાચી તારીખ અને શુભ મુહૂર્ત

પંચાંગ અનુસાર, કાર્તિક મહિનાના વદ પક્ષની ચોથ (ચતુર્થી) તિથિએ આ વ્રત ઉજવવામાં આવે છે:

• ચતુર્થી તિથિ પ્રારંભ: 28 ઓક્ટોબર 2026, મોડી રાત્રે 01:07 વાગ્યે

• ચતુર્થી તિથિ સમાપ્તિ: 29 ઓક્ટોબર 2026, રાત્રે 10:11 વાગ્યે

• વ્રતની તારીખ: ઉદયા તિથિ અને ચંદ્રોદયની માન્યતા મુજબ, આ વર્ષે કરવા ચોથનું વ્રત 29 ઓક્ટોબર 2026 ના રોજ રાખવામાં આવશે.

• શુભ સંયોગ: આ દિવસે પરિધિ યોગની સાથે ચંદ્રદેવ પોતાની ઉચ્ચ રાશિ વૃષભમાં ગોચર કરશે અને ગૌરી યોગનો વિશેષ સંયોગ રચાશે, જે સુહાગન સ્ત્રીઓ માટે અત્યંત શુભ ફળદાયી માનવામાં આવે છે.

કરવા ચોથનું ધાર્મિક મહત્વ

ધાર્મિક માન્યતાઓ અનુસાર કરવા ચોથના દિવસે માતા પાર્વતી, ભગવાન શિવ, ગણેશજી અને કાર્તિકેયની પૂજા કરવાથી અખંડ સૌભાગ્યની પ્રાપ્તિ થાય છે. પરિણીત સ્ત્રીઓ પોતાના દાંપત્યજીવનમાં સુખ-શાંતિ અને પતિના દીર્ઘાયુ માટે આ વ્રત રાખે છે. કુંવારી કન્યાઓ પણ સુયોગ્ય અને ગુણવાન જીવનસાથી મેળવવાની કામના સાથે આ પાવન વ્રત કરી શકે છે.

આ પણ વાંચો:મક્કા-જેદ્દાહ સહિત સાઉદીમાં હુમલાનું એલર્ટ, 10 દિવસમાં બીજી ચેતવણી

પૂજાવિધિના સરળ નિયમો

વહેલી સવારે સ્નાન કરી વ્રતનો સંકલ્પ લો. સૂર્યોદય પૂર્વે સરગી (ફળ, સૂકો મેવો અને સાત્વિક ભોજન) ગ્રહણ કરવાની પરંપરા છે.  આખો દિવસ ઈશ્વરનું સ્મરણ કરતાં નિર્જળા ઉપવાસ રાખવો. સાંજે પૂજાસ્થળને સ્વચ્છ કરી શિવ પરિવાર (ભગવાન શિવ, માતા પાર્વતી, ગણેશજી અને કાર્તિકેય) તેમજ કરવા માતાની સ્થાપના કરી દીવો પ્રગટાવો અને કરવા ચોથની વ્રતકથા સાંભળો.

ચંદ્રોદય થતાં જ ચારણી (છલની) માંથી ચંદ્રદેવના દર્શન કરો અને કાચા દૂધ મિશ્રિત જળથી અર્ઘ્ય અર્પણ કરો. ત્યારબાદ ચારણીમાંથી જ પતિનો ચહેરો જોઈને તેમના ચરણસ્પર્શ કરી આશીર્વાદ લો. અંતે પતિના હાથે પાણી પીને વ્રત પૂર્ણ કરો.

આ પણ વાંચો:Rajsthan Accident : ગણેશ વિસર્જન બાદ ટ્રેક્ટર-ટ્રોલી પલટી, 4નાં મોત, 12 લોકો ઘાયલ

(Disclaimer : અહીં આપવામાં આવેલી માહિતી ધાર્મિક આસ્થા અને લોક માન્યતાઓ પર આધારિત છે. આનો કોઈ વૈજ્ઞાનિક પુરાવો નથી. HD NEWS કોઈ પણ વાતની સત્યતાનો દાવો કે પ્રમાણ આપતું નથી.)