Census 2026: ગુજરાતમાં હાલ વસતી ગણતરી મોકૂફ, આ કારણે લેવાયો નિર્ણય

Gujarat Census 2026 Postponed: ગુજરાતમાં 2026ની વસતી ગણતરી 5 એપ્રિલથી શરૂ થવાની હતી, પરંતુ રાજ્યમાં યોજાનારી સ્થાનિક સ્વરાજ્યની ચૂંટણીને ધ્યાનમાં રાખીને સરકારે આ કાર્યક્રમને હાલ માટે મોકૂફ રાખી દીધો છે.

નવી તારીખ ટૂંક સમયમાં જાહેર કરવામાં આવશે

હાલ વસતી ગણતરી પાછ ઠેલાવાતા હવે નવી તારીખ ટૂંક સમયમાં જાહેર કરવામાં આવશે. નોંધનીય છે કે, વસતી ગણતરીની કામગીરીને પંચાયત તેમજ મહાનગરપાલિકા મતદાન સાથે હોવાથી જનગણના વિભાગે સરકારને આ કામગીરી સ્થગિત કરવાની સૂચના આપી હતી. સરકાર દ્વારા આ દરખાસ્તને મંજૂરી આપવામાં આવી છે અને હાલના સમયમાં ગુજરાતમાં વસતી ગણતરીની કોઈ કાર્યવાહી શરૂ થશે નહીં.

દેશભરમાં પ્રથમ તબક્કો શરુ

દેશભરમાં વસતી ગણતરીનો પહેલો તબક્કો પહેલી એપ્રિલ 2026થી શરૂ થઈ ચૂક્યો છે અને તે 30 સપ્ટેમ્બર 2026 સુધી ચાલુ રહેશે. પ્રથમ તબક્કામાં ‘હાઉસ લિસ્ટિંગ’, એટલે કે મકાન અને ઘરાનાં માળખાની વિગતો એકત્રિત કરવામાં આવશે. બીજા તબક્કો ફેબ્રુઆરી 2027માં યોજાનાર છે, જેમાં લોકોની જાતિ સહિત વ્યક્તિગત માહિતી એકત્ર કરવામાં આવશે. આ 2026ની ગણતરીમાં ભારતની સ્વતંત્રતા પછી પહેલીવાર જાતિ આધારિત માહિતી એકઠી કરવામાં આવશે, જે અગાઉ 1931માં કરવામાં આવી હતી.

અમારી WhatsApp ચેનલમાં જોડાવા આ લિંક પર ક્લીક કરો

https://whatsapp.com/channel/0029VauCUMx6LwHmdrOBwa2X

વસતી ગણતરી દરમિયાન પૂછાશે 33 સવાલો

વસતી ગણતરી દરમિયાન એક વ્યક્તિથી કુલ 33 સવાલો પૂછવામાં આવે તેવી શક્યતા છે, જેમાં ઘરની માળખાકીય માહિતી, શૈક્ષણિક અને વ્યાવસાયિક પરિસ્થિતિ સહિતના વિવિધ મુદ્દાઓનો સમાવેશ થાય છે. હલનાયક સમાચાર અને સોશિયલ મીડિયા પર ચાલી રહેલી ચર્ચાને કારણે ગુજરાત સરકારે સમયે નિર્ણય લઈને નોટિફિકેશન બહાર પાડ્યું છે, જેનાથી અનિષ્ટ આશ્ચર્ય અને ભ્રમ અટકાવવામાં આવ્યો.

આ પણ વાંચો : તૈયારી રાખજો, વસતી ગણતરીમાં આ 33 સવાલો પૂછાશે