નવી દિલ્હી, 31 ઓક્ટોબર, 2025: અમેરિકાની ઓટો દિગ્ગજ ફોર્ડ મોટર કંપની ભારતમાં આશરે 32.50 અબજ રૂપિયાનું રોકાણ કરવા જઇ હી છે. કંપનીએ ચાર વર્ષ પહેલા બંધ કરેલા પોતાની ફેક્ટરીને ફરીથી ચાલુ કરશે અને હાઇ એન્ડ એન્જિન બનાવશે. આ નિર્ણય એવા સમયે આવ્યો છે જ્યારે અમેરિકાના પ્રમુખ ડોનાલ્ડ ટ્રમ્પ મેક ઇન અમેરિકા નીતિને જોર શોરથી આગળ વધારી રહ્યા છે. બ્લૂમબર્ગના એક રિપોર્ટમાં સૂત્રોને ટાંકીને જણાવ્યું છે કે કંપની આ રોકાણન ઔપચારીક ઘોષણા એકાદ સપ્તાહમાં કરી શકે છે.
નોંધનીય છે કે ફોર્ડે 1995માં ચેન્નાઈ નજીક પોતાની પહેલી ફેક્ટરી સ્થાપી હતી અને 2015માં ગુજરાતના સાણંદમાં બીજો પ્લાન્ટ શરૂ કર્યો હતો. 2020માં જ્યારે જીમ ફાર્લી ફોર્ડના સીઈઓ બન્યા, ત્યારે તેમણે મહિન્દ્રા એન્ડ મહિન્દ્રા લિમિટેડ સાથેની પ્રસ્તાવિત ભાગીદારી રદ કરી હતી. એક વર્ષ કરતાં પણ ઓછા સમય પછી, તેમણે ભારતીય બજારમાંથી સંપૂર્ણપણે બહાર નીકળવાનો નિર્ણય લીધો હતો. તેમણે જણાવ્યું હતું કે કંપની હવે ભારત અને બ્રાઝિલ જેવા ઓછા અથવા કોઈ નફાકારકતા ધરાવતા બજારોમાં રોકાણ કરી શકશે નહીં. ભારત છોડતા સુધીમાં ફોર્ડને 2 અબજ ડોલરતી વધુનું નુકસાન થયું હતું. ત્યારબાદ, કંપનીએ તેનો સાણંદ વાહન પ્લાન્ટ ટાટા મોટર્સને વેચી દીધો હતો.
તમિલનાડુ પ્લાન્ટ ફરી શરૂ થશે
સૂત્રો અનુસાર, ફોર્ડ તમિલનાડુમાં તેના જૂના મરાઈમલાઈ નગર પ્લાન્ટને ફરી શરૂ કરવાની યોજના બનાવી રહી છે. નિકાસ માટે ઉચ્ચ-પ્રદર્શનવાળા એન્જિન બનાવવા માટે પ્લાન્ટને નવી ટેકનોલોજીથી સંપૂર્ણપણે ફરીથી સજ્જ કરવામાં આવશે. આ પ્લાન્ટ વાર્ષિક 200,000થી વધુ એન્જિનનું ઉત્પાદન કરવાની ક્ષમતા ધરાવશે. જ્યારે તે સ્પષ્ટ નથી કે આ એન્જિન કયા દેશોમાં નિકાસ કરવામાં આવશે, તે ચોક્કસ છે કે તે યુનાઇટેડ સ્ટેટ્સમાં નિકાસ કરવામાં આવશે નહીં.
ભારતમાં નવેસરથી વિશ્વાસ
ફોર્ડનું આ પગલું સીઈઓ જીમ ફાર્લી દ્વારા નવી વ્યૂહરચનાનો એક ભાગ છે, જે ભારતને વૈશ્વિક ઉત્પાદન કેન્દ્ર તરીકે ફરીથી સ્થાન આપી રહ્યા છે. આ નિર્ણય ભારત અને યુનાઇટેડ સ્ટેટ્સ વચ્ચે વધતા વેપાર તણાવના સમયે આવ્યો છે.
ટ્રમ્પનું મુખ્ય ચૂંટણી વચન ખાસ કરીને ઓટો ઉદ્યોગમાં યુનાઇટેડ સ્ટેટ્સમાં ઉત્પાદનને પ્રોત્સાહન આપવાનું હતું. તેમના પ્રથમ કાર્યકાળ દરમિયાન, જ્યારે કંપનીએ યુનાઇટેડ સ્ટેટ્સની બહાર ઉત્પાદન વધારવાની યોજના બનાવી ત્યારે તેમણે ફોર્ડની ટીકા કરી હતી. જો કે, તાજેતરના વર્ષોમાં, ટ્રમ્પે અમેરિકન ફેક્ટરીઓમાં ફોર્ડ દ્વારા નોંધપાત્ર રોકાણોની જાહેરાતની પ્રશંસા કરી છે.
ભારતમાં અમેરિકન કંપનીઓ દ્વારા રોકાણમાં વધારો
તાજેતરના મહિનાઓમાં રાજકીય તણાવ વધતા હોવા છતાં, ઘણી અમેરિકન કંપનીઓ ભારતમાં તેમનો ઉત્પાદન આધાર મજબૂત કરી રહી છે. મે 2025માં, ટ્રમ્પે ભારતમાં ઉત્પાદન શરૂ કરવા માટે એપલ ઇન્ક.ને નિશાન બનાવ્યું હતું, પરંતુ આ હોવા છતાં, કંપનીએ ભારતમાં તેની પાંચ ફેક્ટરીઓમાં આઇફોનનું ઉત્પાદન વધાર્યું છે.
આ પણ વાંચોઃ શેર, મ્યુચ્યુઅલ ફંડ કે ડીમેટ, દરેકનો હિસાબ મળશે આ એક જ જગ્યાએ
