ઋષિ સુનક બ્રિટનના PM પદે ચૂંટાતા સસરા નારાયણ મૂર્તિએ આપી પહેલી પ્રતિક્રિયા, BIG Bએ વાઈસરોયથી સંબોધ્યા
લંડનઃ ઋષિ સુનક ટૂંક સમયમાં બ્રિટનના વડાપ્રધાન પદની ખુરશી સંભાળવા જઈ રહ્યા છે. દિવાળીના દિવસે એટલે કે સોમવારે, તેઓ કન્ઝર્વેટિવ પાર્ટીના નેતા તરીકે બિનહરીફ ચૂંટાયા હતા, જેનાથી તેમના માટે PM બનવાનો રસ્તો સાફ થઈ ગયો છે. ભારતીય મૂળના ઋષિ સુનક બ્રિટનના વડાપ્રધાન બનવાને લઈને ભારતમાં પણ ખુશીની લહેર છે. તે જ સમયે, તેમના સસરા અને ઇન્ફોસિસના સહ-સ્થાપક નારાયણ મૂર્તિએ પણ આ પ્રસંગે ખુશી વ્યક્ત કરી છે.
જમાઈના વડાપ્રધાન બનવા પર નારાયણ મૂર્તિએ પ્રથમ પ્રતિક્રિયા આપી છે. મૂર્તિએ તેમના જમાઈને અભિનંદન પાઠવ્યા છે. નારાયણ મૂર્તિએ કહ્યું, ‘ઋષિને અભિનંદન. અમને તેના પર ગર્વ છે અને તેની સફળતાની શુભેચ્છા. મૂર્તિએ વધુમાં કહ્યું કે અમને પૂરો વિશ્વાસ છે કે ઋષિ બ્રિટનના લોકો માટે સારું કામ કરશે.
NR Narayana Murthy, Infosys founder & father-in-law of Britain's next PM Rishi Sunak: "Congratulations to Rishi. We are proud of him and we wish him success. We are confident he will do his best for the people of the United Kingdom."
(File pics) pic.twitter.com/ARqmSIICDf
— ANI (@ANI) October 25, 2022
બ્રિટનમાં પહેલીવાર કોઈ હિન્દુ વડાપ્રધાન
ઋષિ સુનકનો જન્મ 12 મે 1980ના રોજ સાઉથેમ્પટનમાં થયો હતો. તેમના પિતા ડોક્ટર, જ્યારે માતા ફાર્માસિસ્ટ હતા. ઋષિએ ઈંગ્લેન્ડ, વિન્ચેસ્ટર અને ઓક્સફર્ડની પ્રખ્યાત યુનિવર્સિટીઓમાં અભ્યાસ કર્યો છે. આ પહેલીવાર છે જ્યારે કોઈ હિન્દુ બ્રિટનના પીએમ બનવા જઈ રહ્યા છે. અગાઉ ઋષિ બોરિસ જોનસનની સરકારમાં નાણામંત્રી હતા.
હવે બ્રિટનને મળ્યા છે નવા વાઈસરોયઃ અમિતાભ બચ્ચન
સોશિયલ મીડિયા પર ખૂબ જ એક્ટિવ રહેતા અમિતાભ બચ્ચન દેશ અને દુનિયાની દરેક હિલચાલ પર નજર રાખે છે. આવી સ્થિતિમાં બ્રિટનના નવા વડાપ્રધાન ઋષિ સુનકના બનવા જેવા મોટા સમાચાર પર તેઓ કેવી રીતે પ્રતિક્રિયા આપવાનું ભુલે? ઋષિ સુનકને અભિનંદન આપતાં અમિતાભ બચ્ચને બ્રિટન પર સીધો પ્રહાર કર્યો હતો. પોતાના ઓફિશિયલ એકાઉન્ટ પર લખ્યું, ‘ભારત માતા કી જય, હવે બ્રિટનને આપણા દેશ તરફથી વડાપ્રધાન તરીકે નવા વાઈસરોય મળ્યા છે.’
T 4449 – Bharat mata ki Jai ????????????
Now the UK finally has a new Viceroy as its Prime Minister from the Mother Country .. ????????— Amitabh Bachchan (@SrBachchan) October 24, 2022
અમિતાભ બચ્ચન બોલિવૂડના એ કલાકારોમાંથી એક છે, તેઓ જે પણ બોલે છે કે લખે છે, તે ખૂબ જ વિચારીને કરે છે. અમિતાભ સીધો જ બ્રિટન પર કટાક્ષ કર્યો છે. 200 વર્ષ ગુલામ રાખ્યા પછી બ્રિટને 1947માં આપણો દેશ છોડ્યો ત્યારે તેણે નવા-નવા આઝાદ થયેલા આપણા દેશ પર એક વોઇસરોયની નિમણૂક કરી હતી. તેની દલીલ એવી હતી કે દેશ હમણાં જ આઝાદ થયો છે, તેને પોતાનું કામ-કાજ પણ યોગ્ય રીતે ચલાવવાની ખબર નથી, આવી સ્થિતિમાં આ વોઈસરોય દેશ પર નજર રાખશે.
જાણો ઋષિ સુનકને
ફાર્માસિસ્ટ માતા અને ચિકિત્સક પિતાના પુત્ર, સુનકે ઇંગ્લેન્ડની સૌથી પ્રખ્યાત શાળાઓમાંની એક, વિન્ચેસ્ટર અને પછી ઓક્સફોર્ડમાં શિક્ષણ મેળવ્યું હતું. ત્યારબાદ તેણે ગોલ્ડમેન સૅક્સ ગ્રુપ ઇન્કમાં ત્રણ વર્ષ કામ કર્યું હતુ.
સુનકે સ્ટેનફોર્ડ, કેલિફોર્નિયાથી એમબીએ કર્યું જ્યાં તેમની મુલાકાત ભારતની અગ્રણી સોફ્ટવેર કંપની ઇન્ફોસિસના સહ-સ્થાપક નારાયણ મૂર્તિની પુત્રી અક્ષતા મૂર્તિ સાથે થઈ હતી. બાદમાં ઋષિ સુનકે વર્ષ 2009માં અક્ષતા મૂર્તિ સાથે લગ્ન કર્યા હતા. સુનક દંપતીને બે દીકરીઓ છે- કૃષ્ણા અને અનુષ્કા છે.
