ટ્રેન્ડિંગયુટિલીટી

EPFOની SWP સ્કીમ છે કમાલ, જાણો તેના 6 મોટા ફાયદા

EPFO SWP scheme :  EPFO તરફથી સિસ્ટમેટિક વિડ્રોલ પ્લાન (SWP) ને મંજૂરી આપી દેવામાં આવી છે. આ લાગુ થવાથી હવે નિવૃત્ત કર્મચારીઓને દર મહિને નિયમિત આવકનો એક વિકલ્પ મળી શકશે. કેન્દ્રીય શ્રમ મંત્રીએ તેના અન્ય ફાયદાઓ વિશે માહિતી આપી છે.

અમારી WhatsApp ચેનલમાં જોડાવા આ લિંક પર ક્લીક કરો

https://whatsapp.com/channel/0029VauCUMx6LwHmdrOBwa2X

EPFO એ સિસ્ટમેટિક વિડ્રોલ પ્લાન (SWP) ને મંજૂરી આપી છે, જે કરોડો કર્મચારીઓને નિવૃત્તિ પછી નિયમિત આવક સુનિશ્ચિત કરશે. કેન્દ્રીય શ્રમ મંત્રી મનસુખ માંડવિયાએ SWP અંગે જણાવ્યું કે કર્મચારીઓની નિયમિત આવકની ખાતરી માટે આ નિયમ રજૂ કરવામાં આવ્યો છે.

તેમણે પોતાના ઈન્સ્ટાગ્રામ હેન્ડલ પર એક પોસ્ટ કરીને EPFOના SWP ના ફાયદાઓની માહિતી આપી છે. કેન્દ્રીય મંત્રીએ જણાવ્યું કે નિવૃત્તિ પછી PF ની બચત પોતાની સુવિધા મુજબ હપ્તામાં મેળવી શકાય છે અને બાકી રહેલી રકમ પર વળતર પણ મળશે.

શું છે EPFOની SWP યોજના?

કર્મચારી ભવિષ્ય નિધિ સંગઠન (EPFO) ની સિસ્ટમેટિક વિડ્રોલ પ્લાન (SWP) યોજના હેઠળ હવે PF ની સંપૂર્ણ રકમ એકસાથે ઉપાડવાને બદલે પોતાની જરૂરિયાત મુજબ હપ્તામાં ઉપાડવાની સુવિધાની જોગવાઈ જણાવવામાં આવી છે. આ વ્યવસ્થાથી કર્મચારીઓને નિવૃત્તિ પછી પણ નિયમિત આવકનો ટેકો મળી શકે છે.

સિસ્ટમેટિક વિડ્રોલ પ્લાન (SWP) એક એવી વ્યવસ્થા છે, જેના હેઠળ કર્મચારી પોતાના PF ખાતામાં જમા સંપૂર્ણ રકમ એકસાથે ઉપાડવાને બદલે નિશ્ચિત સમયાંતરે નક્કી કરેલા હપ્તામાં મેળવી શકે છે. તેનાથી નિવૃત્તિ પછીની આર્થિક જરૂરિયાતો પૂરી કરવામાં મદદ મળી શકે છે.

આ પણ વાંચોઃ 3 મહિનામાં બીજી વખત FBI પર સાયબર હુમલો, ગુનેગારોના રેકોર્ડ રાખતો ડેટાબેઝ હેક

SWP યોજનાની 6 મોટી ખાસિયત

  1. પોતાની પસંદગી મુજબ નક્કી કરો ઉપાડનો સમયગાળો: આ યોજના હેઠળ સભ્યો પોતાની જરૂરિયાત મુજબ દર મહિને, દર ત્રણ મહિને અથવા દર છ મહિને PF ની રકમ ઉપાડવાનો વિકલ્પ પસંદ કરી શકે છે.

  2. બાકી રહેલી રકમ પર મળતું રહેશે વ્યાજ: ખાતામાં જે પૈસા ઉપાડવામાં નહીં આવે, તેના પર વ્યાજ મળતું રહેશે. આનાથી બાકી રહેલી જમા રકમ વધતી રહી શકે છે.

  3. જમા રકમ પર રહેશે તમારો અધિકાર: PF ખાતામાં જમા બાકી રહેલી સંપૂર્ણ રકમ પર સભ્યનો અધિકાર યથાવત રહેશે. જરૂરિયાત મુજબ હપ્તામાં પૈસા ઉપાડવાની સુવિધા મળશે.

  4. નિવૃત્તિ પછી વધારાનો આર્થિક સહારો: નિયમિત સમયાંતરે મળતી રકમ નિવૃત્તિ પછીના ખર્ચ પૂરા કરવામાં મદદરૂપ થઈ શકે છે. તેનાથી આર્થિક સુરક્ષાને મજબૂતી મળી શકે છે.

  5. પરિવાર અને નોમિનીને પણ સુરક્ષા: સભ્યના મૃત્યુની સ્થિતિમાં નોમિનીને બાકીની રકમ એકસાથે લેવા અથવા હપ્તામાં મેળવવાનો વિકલ્પ મળી શકે છે.

  6. સંપૂર્ણપણે સ્વૈચ્છિક રહેશે યોજના: SWP નો વિકલ્પ પસંદ કરવો ફરજિયાત રહેશે નહીં. સભ્યો પોતાની ઈચ્છા અને જરૂરિયાત મુજબ આ સુવિધા પસંદ કરી શકશે.

કર્મચારીઓને શું થશે ફાયદો?

આ વ્યવસ્થાનો સૌથી મોટો ફાયદો એ છે કે કર્મચારીઓને નિવૃત્તિ સમયે પોતાની સંપૂર્ણ PF રકમ એકસાથે ઉપાડવાની જરૂર રહેશે નહીં. તેઓ પોતાની જરૂરિયાત મુજબ નિયમિત ઉપાડ કરી શકશે અને ખાતામાં બાકી રહેલી રકમ પર વ્યાજનો લાભ પણ મેળવી શકે છે. EPFO ની SWP વ્યવસ્થા કર્મચારીઓ માટે નિવૃત્તિ પછી નિયમિત આવક અને નાણાકીય સુરક્ષાનો એક ઉપયોગી વિકલ્પ સાબિત થઈ શકે છે. તેનાથી કામદારોને પોતાની મહેનતની કમાણીનું વધુ સારી રીતે સંચાલન કરવામાં મદદ મળશે.

આ પણ વાંચોઃ રામાયણ પર ભડકી VHP, મહર્ષિ વાલ્મીકિની વાર્તા સાથે છેડછાડનો આરોપ

Back to top button