દેશના પાટનગર દિલ્હી અને નેપાળ બોર્ડરના વિસ્તાર પાસે મોડી રાત્રે 2 ના સમયગાળા દરમિયાન ભૂકંપના આંચકાનો અનુભવ થયો હતો. આ ભૂકંપની તિવ્રતા 6.3 રિક્ટરસ્કેલ હોવાનું જાણવામાં આવ્યું છે. દિલ્હી ઉપરાંત નેપાળમાં પણ ભૂકંપનો અનુભવ થયો હોવાનું જાણવા મળી રહ્યું છે. જેમાં આશરે 6 લોકોના મોત થયા છે.
દિલ્હીના ઘણા વિસ્તારોમાં રાત્રે લગભગ 1.57 વાગ્યે આ ભૂકંપના આંચકાથી લોકો અચાનક જાગી ગયા હતા. લોકો ગભરાઈને ઘરોની બહાર નીકળી ગયા હતા. જો કે ભૂકંપના કારણે દિલ્હી-એનસીઆરમાં કોઈ જાનહાનીના અહેવાલ મળ્યા નથી. સિસ્મોલોજી સેન્ટર અનુસાર, તેનું કેન્દ્ર નેપાળ સરહદ નજીક ઉત્તરાખંડના પિથોરાગઢ જિલ્લાના 90 કિમી દક્ષિણપૂર્વમાં હતું.
Nepal | An earthquake of magnitude 6.3 occurred in Nepal, Manipur at around 1.57 am on Nov 9. The depth of the earthquake was 10 km below the ground: National Center for Seismology
Strong tremors from the earthquake were also felt in Delhi pic.twitter.com/YNMRQiPEud
— ANI (@ANI) November 8, 2022
ભૂકંપનો આંચકો દિલ્હી ઉપરાંત ઉત્તરાખંડ, હિમાચલ અને ઉત્તર પ્રદેશમાં કેટલીક જગ્યાએ ભૂકંપના આંચકા અનુભવાયા છે. નેપાળના દોતી જિલ્લામાં ભૂકંપ બાદ મકાન ધરાશાયી થતાં લગભગ 6 લોકોના મોત થયા છે. આ ઘટના રાત્રે 2.12 કલાકે બની હતી. આ પછી પણ નેપાળમાં ત્રણ વખત ભૂકંપના આંચકા અનુભવાયા હતા.
આ પણ વાંચો : સાયન્સ સિટી ખાતે મોટી સંખ્યામાં લોકોએ ટેલિસ્કોપથી માણ્યું ચંદ્રગ્રહણ : જુઓ તસવીરો
દિલ્હી-એનસીઆરમાં કોઈ નુકસાનની જાણ નથી
હાલ મળતી માહિતી અનુસાર ભારતમાં ભૂકંપના આંચકાથી દિલ્હી-એનસીઆરમાં કોઈ નુકસાન થયું નથી, તેમ છતાં લોકો ડરી ગયા અને ઘરની બહાર નીકળી ગયા. ભૂકંપના આંચકા દરમિયાન લોકોએ ઘરમાં પંખા હલતા હોવાનો અહેસાસ કર્યો હતો. સાથે જ લોકોએ કંપન પણ અનુભવ્યું હતું.
