કોંગ્રેસે PM મોદી માટે બુક કરી ફ્લાઇટની ટિકિટ, ક્યાં મોકલવા માંગે છે પાર્ટી? પવન ખેરાએ કહ્યું, “જરા રાહ જુઓ…”

કોંગ્રેસ પાર્ટીએ પ્રધાનમંત્રી નરેન્દ્ર મોદી પર આકરા પ્રહારો શરૂ કર્યા છે, જેઓ હાલમાં આસામની મુલાકાતે છે. કોંગ્રેસ નેતા પવન ખેરાએ સોશિયલ મીડિયા પ્લેટફોર્મ “X” પર પોસ્ટ કરીને મોદીને હિંસાગ્રસ્ત મણિપુરની મુલાકાત લેવાની માંગ કરી છે. તેમની પોસ્ટથી રાજકીય ગરમાવો વધ્યો છે.

ખેડાનો કટાક્ષ: મણિપુરને ભૂલશો નહીં

પવન ખેડાએ તેમની પોસ્ટમાં લખ્યું છે કે ચૂંટણીવાળા રાજ્યો સરકારની ટોચની પ્રાથમિકતા બની જાય છે, પરંતુ મણિપુરને નજર અંદાજ ન કરવુ જોઈએ. તેમણે કહ્યું કે મણિપુરમાં 2023 થી હિંસા ચાલી રહી છે અને પરિસ્થિતિ હજુ પણ સંપૂર્ણપણે સામાન્ય થઈ નથી.

તેમણે એમ પણ લખ્યું કે પ્રધાનમંત્રી હાલમાં આસામમાં છે, અને મણિપુર ત્યાંથી દૂર નથી. તેથી, તેમણે ત્યાં પણ મુલાકાત લેવી જોઈએ અને લોકોને મળવું જોઈએ. તેમના મતે, પ્રધાનમંત્રીની હાજરી મણિપુરના લોકોને આશ્વાસન આપી શકે છે.

ફ્લાઇટ ટિકિટનો ફોટો શેર કર્યો

કોંગ્રેસ નેતાએ તેમની પોસ્ટ સાથે ગુવાહાટીથી ઇમ્ફાલની ફ્લાઇટ ટિકિટનો ફોટો પણ શેર કર્યો. તેમણે લખ્યું કે પ્રધાનમંત્રીની સુવિધા માટે ટિકિટ બુક કરવામાં આવી છે અને તેમને ફક્ત વિમાનમાં ચઢવાની જરૂર છે. તેમણે એમ પણ કહ્યું કે તેમની પાસે પ્રધાનમંત્રીનો નંબર નહોતો, તેથી તેઓ સોશિયલ મીડિયા પર ટિકિટ શેર કરી રહ્યા છે. કેન્દ્ર સરકારના ‘PM CARES’ ફંડનો ઉલ્લેખ કરતા ખેડાએ કહ્યું કે પ્રધાનમંત્રીએ મણિપુર જઈને એ બતાવવું જોઈએ કે તેમને ખરેખર રાજ્યની ચિંતા છે.

Dear PM @narendramodi,

We understand that poll-bound states are always your top priority. But Manipur should not be abandoned. The state has been burning since 2023 – and it is burning again.

You are already in Assam today. Manipur is just an hour away. Please go there as well.… pic.twitter.com/kW2zBJICSS

— Pawan Khera 🇮🇳 (@Pawankhera) February 14, 2026

મણિપુરમાં 2023 થી હિંસા

મણિપુરમાં 2023 થી વંશીય હિંસાની ઘટનાઓ નોંધાઈ રહી છે. વિપક્ષ સતત કેન્દ્ર સરકાર પર સવાલ ઉઠાવી રહ્યો છે. સરકારનો દાવો છે કે પરિસ્થિતિ સુધારવા અને શાંતિ પુનઃસ્થાપિત કરવા માટે પગલાં લેવામાં આવી રહ્યા છે.

સોશિયલ મીડિયા પર ચર્ચા શરૂ થઈ

પ્રધાનમંત્રી કાર્યાલયે હજુ સુધી આ નિવેદનનો કોઈ જવાબ આપ્યો નથી. આ સમગ્ર મુદ્દાએ સોશિયલ મીડિયા પર ગરમાગરમ ચર્ચા જગાવી છે. કોંગ્રેસના સમર્થકો તેને મણિપુરની ઉપેક્ષા ગણાવી રહ્યા છે, જ્યારે વિરોધીઓ તેને રાજકીય સ્ટંટ ગણાવી રહ્યા છે.

આ પણ વાંચો: ભારતમાં ખાડાના કારણે થતા મોતમાં ચિંતાજનક વધારો, છેલ્લા પાંચ વર્ષમાં 9,438 મૃત્યુ, ઉત્તર પ્રદેશમાં સૌથી વધુ