ટોપ ન્યૂઝટ્રેન્ડિંગનેશનલ

છત્તીસગઢમાં લાગુ થશે યુનિફોર્મ સિવિલ કોડ, જસ્ટિસ રંજના દેસાઈના નેતૃત્વમાં સમિતિની રચના

Uniform Civil Code: છત્તીસગઢમાં યુનિફોર્મ સિવિલ કોડ (UCC) લાગુ કરવામાં આવશે, જેના માટે એક સમિતિનું ગઠન કરવામાં આવ્યું છે. આ માટે જરૂરી તમામ તૈયારીઓ પૂર્ણ કરવામાં આવી રહી છે. કેબિનેટની બેઠક બાદ નિર્ણયની માહિતી આપતા ઉપ મુખ્યમંત્રી અરુણ સાવે જણાવ્યું કે સમાન કાયદા અને નાગરિકતા માટે આ નિર્ણય લેવામાં આવ્યો છે. અરુણ સાવે કહ્યું કે તેમાં અનેક ડ્રાફ્ટ્સને ધ્યાનમાં લેવામાં આવ્યા છે. આ નિયમ તૈયાર કરવા માટે સમિતિ નિયમ મુજબ ડ્રાફ્ટ તૈયાર કરશે. UCC લાગુ કરવા માટે નિવૃત્ત ન્યાયમૂર્તિ રંજના પ્રસાદ દેસાઈના નેતૃત્વમાં સમિતિ રચવામાં આવી છે.

નિવૃત્ત ન્યાયાધીશ રંજના પ્રસાદના નેતૃત્વ હેઠળની સમિતિ

અરુણ સાવે જણાવ્યું કે આ રચાયેલ સમિતિ લોકો પાસેથી પણ અભિપ્રાય લેશે. તેના હેઠળ સમાજના પ્રબુદ્ધ લોકોના વિચારોને પણ સમાવેશ કરવામાં આવશે. આ માટે એક પોર્ટલ બનાવવામાં આવશે, જ્યાં દરેક વ્યક્તિ પોતાના અભિપ્રાય આપી શકશે. અરુણ સાવે વધુમાં જણાવ્યું કે નિવૃત્ત ન્યાયાધીશ રંજના પ્રસાદ દેસાઈની ટીમ પોતાનો અહેવાલ રજૂ કરશે, ત્યારબાદ આગળની કાર્યવાહી કરવામાં આવશે.

સમિતિની રિપોર્ટ પરથી તૈયાર થશે UCC

ડેપ્યુટી સીએમ અરુણ સાવે વધુમાં જણાવ્યું કે રિપોર્ટ આવ્યા બાદ તેને કેબિનેટમાં રજૂ કરવામાં આવશે. ત્યારબાદ તેને અમલમાં મૂકવામાં આવશે. સાય કેબિનેટ દ્વારા UCC અંગે લેવાયેલો નિર્ણય ખૂબ જ મહત્વપૂર્ણ માનવામાં આવી રહ્યો છે. યુનિફોર્મ સિવિલ કોડ લાગુ થવાથી નાગરિકો માટે એક નવી કાનૂની સંહિતા બનશે. ભાજપના ઘોષણાપત્રમાં પણ યુનિફોર્મ સિવિલ કોડનો ઉલ્લેખ કરવામાં આવ્યો હતો અને હવે તેને અમલમાં મૂકવાની પ્રક્રિયા શરૂ થઈ રહી છે.

આ પણ વાંચો: કોંગ્રેસની બે મહિલા કાઉન્સિલરોનો ‘વંદે માતરમ’ ગાવાનો ઇનકાર, પોલીસે ગુનો નોંધ્યો

Back to top button