જયપુરના ચૌમુનમાં મસ્જિદ અતિક્રમણ વિવાદ હિંસક બન્યો, 75 લોકોની અટકાયત, ઇન્ટરનેટ સેવાઓ સ્થગિત

રાજસ્થાનના જયપુરના ચૌમુનમાં મસ્જિદના અતિક્રમણ અંગેનો વિવાદ હિંસામાં ફેરવાઈ ગયો. પોલીસ પર પથ્થરમારો કરવામાં આવ્યો, જેમાં અનેક પોલીસકર્મીઓ ઘાયલ થયા. પરિસ્થિતિને કાબૂમાં લેવા માટે ટીયર ગેસના શેલ છોડવા પડ્યા અને લગભગ 75 લોકોની અટકાયત કરવામાં આવી. વિસ્તારમાં તણાવને કારણે ઇન્ટરનેટ સેવાઓ સ્થગિત કરવામાં આવી છે.

જયપુરના ચૌમુનથી મોટી ખબર આવી છે. અહીં અચાનક હોબાળો મચી ગયો. એક મસ્જિદની બહાર મૂકેલા પથ્થરો હટાવવાને લઈને બે જૂથો વચ્ચે વિવાદ શરૂ થયો. પશ્ચિમ જયપુરના ડીસીપી હનુમાન પ્રસાદ મીણાએ જણાવ્યું કે, અહીં કલંદરી મસ્જિદ છે, જ્યાં અતિક્રમણને લઈને લાંબા સમયથી વિવાદ ચાલી રહ્યો હતો. આ દરમિયાન ગુરુવારે અડધી રાત્રે અચાનક વિસ્તારમાં તણાવ ફેલાઈ ગયો.

જાણવા મળ્યુ છે કે એક ચોક્કસ સમુદાયના કેટલાક સભ્યોએ પોલીસ પર પથ્થરમારો શરૂ કર્યો હતો, જેના કારણે પરિસ્થિતિને કાબૂમાં લેવા માટે ટીયર ગેસનો ઉપયોગ કરવાની ફરજ પડી હતી. હિંસક અથડામણમાં અડધા ડઝનથી વધુ પોલીસકર્મીઓ ઘાયલ થયા હતા. પરિસ્થિતિ વણસતા પોલીસે કાર્યવાહી કરી અને એક ડઝન મહિલાઓ સહિત લગભગ 75 પથ્થરમારો કરનારાઓની અટકાયત કરી.

ચૌમુન બસ સ્ટેન્ડ પોલીસ છાવણીમાં ફેરવાયું

સાવચેતીના ભાગરૂપે, ચૌમુન બસ સ્ટેન્ડ અને આસપાસના વિસ્તારને પોલીસ છાવણીમાં ફેરવી દેવામાં આવ્યા છે. સ્પેશિયલ ઓપરેશન્સ કમિશનર રાહુલ પ્રકાશ, એડિશનલ પોલીસ કમિશનર ડૉ. રાજીવ પચાર અને મનીષ અગ્રવાલ સહિત અનેક વરિષ્ઠ અધિકારીઓ ઘટનાસ્થળે પહોંચ્યા. અધિકારીઓ વ્યક્તિગત રીતે પરિસ્થિતિનું નિરીક્ષણ કરી રહ્યા છે. વિસ્તારમાં તણાવને ધ્યાનમાં રાખીને ભારે પોલીસ દળ તૈનાત કરવામાં આવ્યું છે. પરિસ્થિતિ હવે નિયંત્રણમાં હોવાનું જાણવા મળે છે.

#WATCH | Jaipur, Rajasthan: Security forces were deployed after a stone pelting incident in Chomu.

DCP West, Jaipur, Hanuman Prasad Meena says, “There is a Kalandari Mosque here where a dispute over encroachment had been ongoing for quite some time. One party voluntarily… pic.twitter.com/Ag8VkRbAA7

— ANI (@ANI) December 26, 2025

ડીસીપી હનુમાન પ્રસાદ મીણાએ ઘટનાની વિગતો આપતાં કહ્યું કે એક પક્ષે સ્વેચ્છાએ અતિક્રમણ દૂર કર્યું હતું, પરંતુ કેટલાક લોકોએ લોખંડના એંગલ લગાવીને તેને કાયમી ધોરણે ફરીથી ઊભું કરવાનો પ્રયાસ કર્યો હતો. જ્યારે પોલીસ આ બાંધકામો દૂર કરી રહી હતી, ત્યારે કેટલાક લોકોએ પોલીસ પર પથ્થરમારો કર્યો હતો. સંડોવાયેલા તમામ લોકો સામે કડક કાર્યવાહી કરવામાં આવશે.

ઈન્ટરનેટ સેવાઓ બંધ

અહેવાલ મુજબ, ચૌમુનમાં ઈન્ટરનેટ સેવાઓ બંધ કરી દેવામાં આવી છે. 26 ડિસેમ્બરે સવારે 7:00 વાગ્યાથી 27 ડિસેમ્બરે સવારે 7:00 વાગ્યા સુધી સેવાઓ સ્થગિત રહેશે. શાંતિ જાળવવા માટે ઈન્ટરનેટ સેવાઓનું કામચલાઉ સ્થગિતીકરણ અમલમાં મૂકવામાં આવ્યું છે.

આ પણ વાંચો: મનરેગા–અરવલ્લી મુદ્દે કોંગ્રેસ આક્રમક, રાહુલ ગાંધીની આગેવાનીમાં ગુજરાતથી દિલ્હી સુધી પદયાત્રાની તૈયારી