પૈસા તૈયાર રાખો… આ મોટી કંપની લાવી રહી છે IPO, માત્ર મંજૂરીની છે રાહ
Carlsberg India IPO: શેરબજારમાં સ્થિરતા આવતાની સાથે જ કંપનીઓ હવે પોતાના IPO લાવવાની તૈયારીઓમાં લાગી ગઈ છે. આ વર્ષે ભારતની મોટી કંપનીઓ જેવી કે NSE અને Jio નો પણ IPO લોન્ચ થવાનો છે. આ સાથે જ ઘણા SME અને મેનબોર્ડ IPO પણ કતારમાં છે.
આ બધાની વચ્ચે, ડેનમાર્કની શરાબ (બીયર) બનાવતી કંપની કાર્લ્સબર્ગ ઈન્ડિયા (Carlsberg India) ના IPO ની પણ જોરશોરથી તૈયારીઓ ચાલી રહી છે. રોઈટર્સના એક રિપોર્ટ અનુસાર, કંપનીએ અત્યંત ગોપનીય રીતે આ માટેના ડ્રાફ્ટ ડોક્યુમેન્ટ (DRHP) ફાઈલ કરી દીધા છે. આ IPO દ્વારા કંપની અંદાજે 700 મિલિયન ડોલર (લગભગ 6,665 કરોડ રૂપિયા) સુધીનું મોટું ભંડોળ એકઠું કરી શકે છે.
આ વર્ષના અંત સુધીમાં આવી શકે છે IPO
રિપોર્ટમાં જણાવ્યા મુજબ, ડેનિશ શરાબ બનાવતી કંપની દ્વારા શેરોના સેકન્ડરી સેલ મારફતે આ લિસ્ટિંગ કરવામાં આવશે અને આ પ્રક્રિયા આ વર્ષના અંત સુધીમાં પૂર્ણ થઈ શકે છે. સૂત્રોના જણાવ્યા અનુસાર, કંપની આ પ્રસ્તાવિત ઓફર માટે કોટક મહિન્દ્રા કેપિટલ કંપની તેમજ જેપી મોર્ગન ચેઝ એન્ડ કંપની (JPMorgan Chase & Co) અને સિટીગ્રુપ ઇન્ક (Citigroup Inc) ની ભારતીય બ્રાન્ચ સાથે મળીને કામ કરી રહી છે.
જોકે, રિપોર્ટમાં એમ પણ જણાવાયું છે કે શેરની સાઈઝ, તેનું સ્ટ્રક્ચર અને સમય સહિતની અન્ય વિગતોમાં હજુ પણ ફેરફાર થવાની શક્યતાઓ છે. આ કંપની ભારતમાં બીયર બનાવવા, તેના ડિસ્ટ્રિબ્યુશન અને માર્કેટિંગના બિઝનેસ સાથે સંકળાયેલી છે. ભારતમાં આ કંપનીનો મોટો દબદબો છે. હવે તે ઓપન માર્કેટમાંથી નાણાં એકત્ર કરવા જઈ રહી છે.
જૂન મહિનામાં નોંધાયો નવો રેકોર્ડ
નોંધનીય બાબત એ છે કે, જૂન મહિનામાં ફાઈલ કરાયેલા ડ્રાફ્ટ પ્રોસ્પેક્ટસ દ્વારા કંપનીઓ રેકોર્ડબ્રેક રકમ એકઠી કરવાનો પ્રયાસ કરી રહી છે. જેમાં જિયો પ્લેટફોર્મ્સ લિમિટેડ અને નેશનલ સ્ટોક એક્સચેન્જ ઓફ ઈન્ડિયા (NSE) લિમિટેડ જેવી મેગા ડીલના પેપર્સ પણ સામેલ છે, જે કદાચ ભારતના અત્યાર સુધીના બે સૌથી મોટા IPO સાબિત થઈ શકે છે.
પ્રાઇમડેટાબેઝ ડોટ કોમ (PrimeDatabase.com) ના ડેટા મુજબ, ગયા મહિને લગભગ 12 IPO એ 885 અબજ રૂપિયા (9.3 અબજ ડોલર) થી વધુનો ટાર્ગેટ રાખ્યો હતો. આ આંકડાએ ગયા વર્ષે જુલાઈમાં નોંધાયેલા 700 અબજ રૂપિયાથી વધુના માસિક રેકોર્ડને પણ પાર કરી લીધો છે, જ્યારે 32 કંપનીઓએ ડ્રાફ્ટ પેપર ફાઈલ કર્યા હતા.
ભારતમાં કાર્લ્સબર્ગનો કારોબાર
કાર્લ્સબર્ગ ઈન્ડિયા દેશની બીજી સૌથી મોટી શરાબ બનાવતી કંપની છે. જેનો ભારતીય બજારમાં માર્કેટ શેર લગભગ 22% જેટલો છે. ડેનિશ કંપનીએ વર્ષ 2007 માં ભારતમાં એન્ટ્રી કરી હતી. તેમની સત્તાવાર વેબસાઈટ અનુસાર, કંપની દેશભરમાં 14 શરાબ બનાવતી ફેક્ટરીઓ ચલાવે છે, જેમાં કંપનીની માલિકીના આઠ મોટા પ્લાન્ટ પણ સામેલ છે.
DISCLAIMER: બિઝનેસને લગતો આ આર્ટિકલ ન્યૂઝ આધારિત છે જેમાં રિસ્કનું પ્રમાણ વધારે હોય શકે છે, કોઈ પણ જગ્યાએ રોકાણ કે બિઝનેસને લગતો વહીવટ કરતા પહેલા એક વખત માર્કેટ નિષ્ણાંતની સલાહ જરૂર લેવી જોઈએ, humdekhenge.in કોઈ પણ મુશ્કેલી માટે બંધનકર્તા રહેશે નહીં જેની ખાસ નોંધ લેવી.
આ પણ વાંચોઃ Flipkart GOAT Sale: 4 જુલાઈથી શરૂ થશે સૌથી મોટો સેલ, એક દિવસ પહેલાં જ માણી શકો છો આ ઓફરની મજા
અમારી WhatsApp ચેનલમાં જોડાવા આ લિંક પર ક્લીક કરો
