Stock Market: રોકાણકારો ખાસ વાંચે, આ તારીખે બંધ રહેશે શેરમાર્કેટ, જાણો કેમ?

National News: ભારત સરકારે 14 એપ્રિલ, મંગળવારના રોજ આંબેડકર જયંતિ નિમિત્તે રજા જાહેર કરી છે. આ નિર્ણય મિનિસ્ટ્રી ઓફ પર્સનલ, પબ્લિક ગ્રીવેન્સ એન્ડ પેન્શનને આધીન જારી નોટિફિકેશન અનુસાર લેવામાં આવ્યો છે. આ દિવસે દેશભરમાં તમામ કેન્દ્ર સરકારની કચેરીઓ અને ઔદ્યોગિક સંસ્થાઓ બંધ રહેશે.

આંબેડકર જયંતિનું શું મહત્ત્વ છે?

ભારતીય બંધારણના મુખ્ય ઘડવૈયા, સમાજ સુધારક અને સમાનતા અને સામાજિક ન્યાયના પ્રબળ હિમાયતી ડૉ. બી.આર. આંબેડકરની જન્મજયંતિ નિમિત્તે દર વર્ષે 14 એપ્રિલે આંબેડકર જયંતિ (જેને ભીમ જયંતિ તરીકે પણ ઓળખવામાં આવે છે) ઉજવવામાં આવે છે. આ દિવસને સમાનતા દિવસ તરીકે પણ ઉજવવામાં આવે છે.

14 એપ્રિલે બેંકો બંધ રહેશે

રિઝર્વ બેંક ઓફ ઈન્ડિયાના રજાના કેલેન્ડર મુજબ 14 એપ્રિલના રોજ દેશના મોટાભાગના રાજ્યોમાં બેંકો બંધ રહેશે. આ દિવસે ઘણા પ્રાદેશિક તહેવારો પણ ઉજવવામાં આવે છે, બેંકો બંધ રહેશે, પરંતુ ઓનલાઈન બેંકિંગ સેવાઓ કાર્યરત રહેશે. બેંક શાખાઓ બંધ રહેશે, પરંતુ ડિજિટલ સેવાઓ ચાલુ રહેશે. UPI, NEFT, RTGS અને ઇન્ટરનેટ બેંકિંગ 24×7 ઉપલબ્ધ રહેશે.

અમારી WhatsApp ચેનલમાં જોડાવા આ લિંક પર ક્લીક કરો

શેરબજાર પણ બંધ રહેશે

14 એપ્રિલના રોજ નેશનલ સ્ટોક એક્સચેન્જ અને બોમ્બે સ્ટોક એક્સચેન્જના બધા સેગમેન્ટ બંધ રહેશે. તેમાં ઇક્વિટી, ઇક્વિટી ડેરિવેટિવ્ઝ, કરન્સી ડેરિવેટિવ્ઝ અને કોમોડિટી ડેરિવેટિવ્ઝ સામેલ છે. આ એપ્રિલ 2026 ની છેલ્લી ટ્રેડિંગ રજા હશે.

આ અઠવાડિયે બેંકો ક્યારે બંધ રહેશે?

• 15-16 એપ્રિલ: પ્રાદેશિક નવું વર્ષ (કેટલાક રાજ્યોમાં)
• 20 એપ્રિલ: બસવ જયંતિ અને અક્ષય તૃતીયા (કર્ણાટક)

આ પણ વાંચોઃ ઈરાનમાં દુનિયાનું સૌથી મોટું નેટવર્ક શટડાઉન, 1000 કલાકથી ઈન્ટરનેટ બંધ