Nitin Gadkari: કેન્દ્રીય મંત્રી નીતિન ગડકરીએ સરકારની E20 ઇથેનોલ મિશ્રણ બળતણ નીતિને નિશાન બનાવતી અપમાનજનક પોસ્ટ્સ અને ડીપફેક્સ શેર કરવા અંગે બોમ્બે હાઈકોર્ટમાં અરજી દાખલ કરી છે. બાર એન્ડ બેન્ચના અહેવાલ મુજબ, ભાજપના નેતાએ આ ખોટી સામગ્રી સામે મેટા, એક્સ, ગૂગલ અને અન્ય પ્લેટફોર્મ્સ સામે સિવિલ કેસ દાખલ કરવાની પરવાનગી માંગી હતી, જેને કોર્ટે મંજૂરી આપી દીધી છે.

સોશિયલ મીડિયા પર ખોટા આરોપો અને પરિવારને જોડવાનો વિવાદ

ગડકરીએ આરોપ લગાવ્યો છે કે સોશિયલ મીડિયા પરની કેટલીક સામગ્રી તેમને અને તેમના પરિવારને E20 નીતિના લાભો સાથે જોડી રહી છે, જ્યારે વાસ્તવમાં પેટ્રોલિયમ મંત્રાલય આ નીતિનું સંચાલન કરી રહ્યું છે. તેમની અરજીમાં જણાવવામાં આવ્યું છે કે સોશિયલ મીડિયા પર પ્રસારિત થતી કેટલીક પોસ્ટ્સમાં ખોટો દાવો કરવામાં આવી રહ્યો છે કે તેઓ આ કાર્યક્રમ માટે વ્યક્તિગત રીતે જવાબદાર છે અને તેમને તથા તેમના પરિવારને તેનો આર્થિક લાભ મળી રહ્યો છે.

અમારી WhatsApp ચેનલમાં જોડાવા આ લિંક પર ક્લીક કરો

https://whatsapp.com/channel/0029VauCUMx6LwHmdrOBwa2X

E20 નીતિનો હેતુ અને વાહન માલિકોની ચિંતા

આ ઘટનાક્રમ E20 નીતિની આલોચના વચ્ચે સામે આવ્યો છે. આ નીતિ દેશમાં ઇંધણની આયાત ઘટાડવા અને વાહનોના ઉત્સર્જનને નિયંત્રિત કરવા માટે પેટ્રોલમાં 20% ઇથેનોલ ભેળવવાનો પ્રયાસ કરે છે. જોકે, ઘણા વાહન માલિકોએ ખાસ કરીને જૂના વાહન મોડેલોમાં આ ઇંધણના ઉપયોગ અંગે પોતાની ચિંતા વ્યક્ત કરી છે, જેના કારણે સોશિયલ મીડિયા પર વિવિધ ચર્ચાઓ ચાલી રહી છે.

ગડકરીનો બચાવ અને ટીકાકારોને ખુલ્લો પડકાર

આ તમામ વિવાદો વચ્ચે કેન્દ્રીય મંત્રી ગડકરીએ હંમેશા ઇથેનોલ-બ્લેન્ડિંગ કાર્યક્રમને મજબૂત ટેકો આપ્યો છે. આ મહિનાની શરૂઆતમાં તેમણે ટીકાકારોને એક મોટો પડકાર ફેંકતા કહ્યું હતું કે જો E20 પેટ્રોલના કારણે કોઈપણ કારમાં કોઈ સમસ્યા ઉદ્ભવી હોય, તો માત્ર એક જ કારનું નામ જણાવો. તેમણે સ્પષ્ટ કર્યું હતું કે આ ઇંધણના ઉપયોગથી વાહનોને નુકસાન થવાના દાવાઓમાં કોઈ તથ્ય નથી અને આ કાર્યક્રમ દેશના હિતમાં છે.

આ પણ વાંચો: મુંબઈમાં વિદ્યાર્થી આંદોલન દરમિયાન બબાલ, કોમેડિયન રોનક રજાણીએ પોલીસ પર લગાવ્યા ગંભીર આરોપો