Keralam Elections 2026: ભાજપે 47 ઉમેદવારોની પ્રથમ યાદી જાહેર કરી, નેમોમથી ચૂંટણી લડશે રાજીવ ચંદ્રશેખર

Keralam Elections 2026: ભારતીય જનતા પાર્ટી (BJP) એ કેરલમ વિધાનસભા ચૂંટણી 2026 માટે ઉમેદવારોની પ્રથમ યાદી જાહેર કરી છે. આ યાદીમાં કુલ 47 ઉમેદવારોના નામનો સમાવેશ છે.

પાર્ટીએ કેરલમમાં પોતાની હાજરી મજબૂત કરવા માટે અગ્રણી ઉમેદવારોને મેદાનમાં ઉતાર્યા છે. પાર્ટીએ અનુભવી ઉમેદવારો અને પ્રાદેશિક વિચારણાઓને ધ્યાનમાં રાખીને ઉમેદવારોની પસંદગી કરી છે, જેથી આગામી ચૂંટણીઓમાં મજબૂત હાજરી સુનિશ્ચિત થાય.

દિગ્ગજો પર ભરોસો

ભાજેપે કેરલમ જીતવા માટે તેના સૌથી વિશ્વસનીય ઉમેદવારોને મેદાનમાં ઉતાર્યા છે. ભૂતપૂર્વ કેન્દ્રીય મંત્રી રાજીવ ચંદ્રશેખર નેમોમ વિધાનસભા બેઠક પરથી ચૂંટણી લડશે. નેમોમ ભાજપ માટે ગઢ માનવામાં આવે છે, જ્યાં પાર્ટીએ ભૂતકાળમાં સારું પ્રદર્શન કર્યું છે. રાજીવ ચંદ્રશેખરે તાજેતરના મહિનાઓમાં ઘણી વખત આ બેઠક પરથી ચૂંટણી લડવાની ઇચ્છા વ્યક્ત કરી હતી, અને હવે તેમના નામની સત્તાવાર જાહેરાત કરવામાં આવી છે. વી. મુરલીધરન કઝાકુટ્ટમથી ચૂંટણી લડશે.

આ ઉપરાંત, પાર્ટીના પ્રદેશ અધ્યક્ષ કે. સુરેન્દ્રનને મંજેશ્વરથી ઉમેદવાર બનાવવામાં આવ્યા છે. અન્ય નોંધપાત્ર નામોમાં પલક્કડથી શોભા સુરેન્દ્રન અને ત્રિશૂરથી પદ્મજા વેણુગોપાલનો સમાવેશ થાય છે. પાર્ટીએ ભૂતપૂર્વ અમલદાર આર. શ્રીલેખા, જેમણે વહીવટી અનુભવ સાથે રાજકારણમાં પ્રવેશ કર્યો છે, તેમને વટ્ટીયુરકાવુથી મેદાનમાં ઉતારીને બધાને આશ્ચર્યચકિત કર્યા છે.

મુખ્ય બેઠકોના સમીકરણો

ભાજપે પોતાની પહેલી યાદીમાં કેરલમની ભૌગોલિક અને સામાજિક વિવિધતાને ધ્યાનમાં લીધી છે. SC અને ST અનામત બેઠકો માટે પણ મજબૂત દાવેદારોની જાહેરાત કરવામાં આવી છે, જેમ કે માનન્થવાડી (ST) થી પી. શ્યામ રાજ અને અટ્ટીંગલ (SC) થી એડવોકેટ પી. સુધીર. કોઝિકોડ ઉત્તરથી નવ્યા હરિદાસ અને પુંજરથી પી. સી. જ્યોર્જ જેવા નામો પ્રભાવશાળી યાદીમાં ઉમેરો કરે છે. આ 47 બેઠકો માટે ઉમેદવારોની સમય પહેલા જાહેરાત કરીને, ભાજપે ચૂંટણી પ્રચારમાં આગળ વધવાનો પ્રયાસ કર્યો છે.

ડાબેરી મોરચાએ યાદી જાહેર કરી

બીજી તરફ, ડાબેરી મોરચાએ પણ પશ્ચિમ બંગાળ વિધાનસભા ચૂંટણી માટે ઉમેદવારોની પોતાની પ્રથમ યાદી જાહેર કરી છે. આ યાદીમાં 192 મતવિસ્તારોના ઉમેદવારોનો સમાવેશ થાય છે.

આ પણ વાંચો: ભારત આવી રેહલા શિવાલિક અને નંદા દેવી જહાજમાં કેટલા દિવસનો LPG છે?