માં ના ખોળામાંથી દોઢ વર્ષના માસુમને ઉઠાવી ગયો દીપડો, જંગલ પાસે મળ્યો વિકૃત મૃતદેહ

બલરામપુર: ઉત્તર પ્રદેશના તેરાઈ વિસ્તારમાં દીપડાનો આતંક વધી રહ્યો છે. ત્યારે સોહલેવા જંગલ વિસ્તારમાં એક દીપડાએ દોઢ વર્ષના બાળકને તેની માતાના ખોળામાંથી છીનવી લીધું. ગામની બહારના જંગલમાં બાળકનો વિકૃત મૃતદેહ મળી આવ્યો. માહિતી મળતાં વન વિભાગની ટીમે દીપડાને પકડવાના પ્રયાસો તેજ કર્યા છે. ત્યાં જ, બાળકના મૃત્યુથી પરિવાર દુ:ખી છે.

દીપડો બાળકને મોંમાં રાખીને લઈ ગયો

પ્રાદેશિક વન અધિકારી મનોજ કુમારના જણાવ્યા અનુસાર, સોહલેવા વન વિસ્તારના નવલગંજ ગામમાં, ધન્નાવતી તેના દોઢ વર્ષના પુત્ર રોહિત સાથે તેના ઘરના ઓટલા પર સૂતી હતી. શનિવારે રાત્રે લગભગ 2 વાગ્યે તે રડવાનો અવાજ સાંભળીને જાગી, તો જોયુ કે એક દીપડો તેના બાળકને મોંમાં લઈને જઈ રહ્યો હતો. બાળકને લઈ જતો જોઈને, ધન્નાવતીએ બુમો પાડી. જ્યાં સુધીમાં તેનો પરિવાર આવ્યો ત્યાં સુધીમાં, દીપડો માસૂમ બાળક સાથે ગાયબ થઈ ગયો હતો.

ફોઈના ઘરે આવ્યો હતો માસુમ

ગામલોકોએ ઘટના અંગે પોલીસ અને વન વિભાગને જાણ કરી. માહિતી મળતાં, પોલીસ અને વન વિભાગની ટીમો ઘટનાસ્થળે પહોંચી અને શોધખોળ શરૂ કરી, જેમાં ગામની પશ્ચિમે જંગલ પાસે બાળકનો વિકૃત મૃતદેહ મળી આવ્યો. ગુરુદાસપુરવા ગામની રહેવાસી ઘન્નાવતી તેની ભાભીના ઘરે લગ્નમાં હાજરી આપવા આવી હતી.

ત્રણ ટીમો તૈનાત, ટ્રેપિંગ કેમેરા લગાવાયા

પ્રાદેશિક વન અધિકારી મનોજ કુમારે રવિવારે જણાવ્યું હતું કે મૃતદેહને પોસ્ટમોર્ટમ માટે મોકલવામાં આવ્યો છે. ઘટના સ્થળ નજીક હજુ સુધી કોઈ પગના નિશાન મળ્યા નથી. દીપડાને શોધવા માટે વન વિભાગની ટીમો તૈનાત કરવામાં આવી છે. દીપડો ટૂંક સમયમાં ફસાઈ જશે. જિલ્લા મેજિસ્ટ્રેટ વિપિન જૈને જણાવ્યું કે દીપડાને શોધવા માટે ટ્રેપિંગ કેમેરા લગાવવામાં આવી રહ્યા છે. વન વિભાગની ત્રણ ટીમો બનાવવામાં આવી છે. દીપડાને પકડવા માટે પાંજરું ગોઠવવા સૂચના આપવામાં આવી છે. જંગલી પ્રાણીઓના વધતા હુમલાઓને ધ્યાનમાં રાખીને, ડ્રોન કેમેરા લગાવવા પણ સૂચના આપવામાં આવી છે. ડીએમએ ગ્રામજનોને અપીલ કરી છે કે તેઓ તેમના ઘરની બહાર બલ્બ વગેરે સળગાવીને લાઇટ ચાલુ રાખે અને ઘરની અંદર દરવાજા બંધ રાખીને સૂવે. દિવસ દરમિયાન પણ તમારા બાળકોને જંગલની નજીક એકલા ન જવા દો.

આ પણ વાંચો: લગ્ન પ્રસંગમાં જમવાનુ બનાવતી વખતે રસોઈયો ઉકળતા તેલમાં પડ્યો, પાંચ દિવસની સારવાર બાદ મોત