અક્ષર પટેલને બેવડો ઝટકો લાગ્યો: હાર બાદ BCCIએ એક્શન લીધી, સામે આવ્યું કારણ

નવી દિલ્હી, 14 એપ્રિલ 2025: મુંબઈ ઈંડિયંસ વિરુદ્ધ દિલ્હી કેપિટલ્સની ટીમને 12 રનથી રોમાંચક મેચમાં હારનો સામનો કરવો પડ્યો. મેચમાં મુંબઈએ પહેલા બેટીંગ કરતા 205 રન બનાવ્યા. ત્યાર બાદ દિલ્હી તરફથી કરુણ નાયરે શાનદાર 89 રનની ઈનિંગ્સ રમી અને એક સમયે ટીમ જીત તરફ આગળ વધતી દેખાઈ રહી હતી. પણ 19મી ઓવરમાં દિલ્હી ટીમના ત્રણ બેટ્સમેન રન આઉટ થઈ ગયા અને ટાર્ગેટથી 12 રન પાછળી રહી ગયા. દિલ્હી કેપિટલ્સને બેવડો ઝટકો લાગ્યો છે. એક તો મેચ હારી ગયા અને બીજુ કપ્તાન અક્ષર પટેલ પર સ્લો ઓવરના કારણે દંડ પણ લાગ્યો.

12 લાખનો દંડ ભરવો પડશે

દિલ્હી કેપિટલ્સના કપ્તાન અક્ષર પટેલ પર સ્લો ઓવર રેટના કારણે 12 લાખનો દંડ લાગ્યો છે. આઈપીએલની આચાર સંહિતાના અનુચ્છેદ 2.22 અનુસાર સીઝનમાં પહેલી વાર કોઈ ટીમને સ્લો ઓવર રેટનું ઉલ્લંઘન કરવા પર 12 લાખનો દંડ લાગ્યો છે. અક્ષરનો હાલની સીઝનમાં સ્લો ઓવર રેટનો પહેલો ગુન્હો છે.

દિલ્હી કેપિટલ્સ ટીમ પોઈન્ટ ટેબલમાં બીજા સ્થાને પહોંચી

મુંબઈ ઈન્ડિયન્સ સામેની મેચ હાર્યા બાદ, દિલ્હી કેપિટલ્સ ટીમે પોઈન્ટ ટેબલમાં પોતાનું નંબર-1 સ્થાન ગુમાવી દીધું છે. હવે ગુજરાત ટાઇટન્સ ટીમ પ્રથમ સ્થાને પહોંચી ગઈ છે. દિલ્હીની ટીમે અત્યાર સુધીમાં કુલ 5 મેચ રમી છે, જેમાંથી તેણે ચાર જીતી છે અને એક મેચ હારી છે. ૮ પોઈન્ટ સાથે તેનો નેટ રન રેટ વત્તા ૦.૮૯૯ છે. તે પોઈન્ટ ટેબલમાં બીજા સ્થાને છે.

કરુણ નાયરની 89 રનની ઇનિંગ જીત અપાવી શકી નહીં

મુંબઈ ઈન્ડિયન્સ તરફથી સૂર્યકુમાર યાદવ, તિલક વર્મા અને નમન ધીરે સારું પ્રદર્શન કર્યું હતું. તિલક 33 બોલમાં 59 રન બનાવ્યા અને તેમના કારણે ટીમ 205 રન બનાવવામાં સફળ રહી. આ પછી, દિલ્હી કેપિટલ્સની શરૂઆત ખૂબ જ ખરાબ રહી જ્યારે જેક ફ્રેઝર મેકગર્ક ખાતું ખોલાવ્યા વિના પેવેલિયન પરત ફર્યા. દિલ્હી માટે કરુણ નાયરે 40 બોલમાં 89 રન બનાવ્યા, પરંતુ તે ટીમને જીત અપાવી શક્યો નહીં. તેમના સિવાય અભિષેક પોરેલે 33 રનનું યોગદાન આપ્યું. પરંતુ ટીમ ૧૯મી ઓવરમાં ઓલઆઉટ થઈ ગઈ અને માત્ર ૧૯૩ રન જ બનાવી શકી.

આ પણ વાંચો: યે તો ઝૂક ગયા: બધા ટેરિફ પાછા લો, અમેરિકા સામે હોંશિયારી કરનારું ચીન હવે માઈ-બાપ કરવા લાગ્યું