પશ્ચિમ આફ્રિકામાં ભારતીય દંપતી મૃત હાલતમાં મળી આવતા ખળભળાટ, મૃત્યુનું કારણ અકબંધ

આબિદજાન, 03 માર્ચ: પશ્ચિમ આફ્રિકન દેશ કોટ ડી’આવિયરમાં ભારતીય દૂતાવાસે સંતોષ ગોયલ અને સંજય ગોયલ તરીકે ઓળખાતા બે ભારતીય નાગરિકોના મૃત્યુની પુષ્ટિ કરી છે. આ ભારતીય યુગલ આબિદજાનમાં મૃત હાલતમાં મળી આવ્યું હતું. દૂતાવાસે મૃતકના પરિવાર પ્રત્યે ઊંડી સંવેદના વ્યક્ત કરી હતી અને આ મુશ્કેલ સમયમાં તેમને શક્ય તમામ મદદ કરવાની ખાતરી આપી હતી.

Two Indian nationals have been found dead in Abidjan. Local police is investigating the case. The Embassy is providing all possible support to the family of deceased persons and is in touch with local authorities to expedite the investigation.@MEAIndia @CPVIndia

— India in Ivory Coast (@EOIIvoryCoast) March 2, 2024

ભારતીય દૂતાવાસે ટ્વિટર પર પોસ્ટ કરેલા એક સત્તાવાર નિવેદનમાં જણાવ્યું છે કે તે મૃતદેહોને ભારત પરત લાવવાની સુવિધા માટે સ્થાનિક અધિકારીઓ સાથે સક્રિય રીતે સંકલન કરી રહ્યું છે. દૂતાવાસે એમ પણ કહ્યું છે કે તે પીડિત પરિવારને શક્ય તમામ મદદ કરશે. દૂતાવાસે પોસ્ટમાં જણાવ્યું હતું કે, અમે સંતોષ ગોયલ અને સંજય ગોયલના પરિવાર પ્રત્યે દિલથી સંવેદના વ્યક્ત કરીએ છીએ. અમારું દૂતાવાસ આ દુ:ખદ સમયે પરિવારને તમામ શક્ય સહાય પૂરી પાડવા માટે સંપૂર્ણપણે પ્રતિબદ્ધ છે. નશ્વર દેહને ભારત પાછા લાવવામાં આવે તે સુનિશ્ચિત કરવા માટે સ્થાનિક અધિકારીઓ સાથે સતત સંપર્કમાં છે.

દૂતાવાસે ભારપૂર્વક જણાવ્યું હતું કે ભારતીય નાગરિકોના મૃત્યુ પાછળનું કારણ શોધવાના પ્રયાસો ચાલુ છે. દૂતાવાસના નિવેદનમાં કહેવામાં આવ્યું છે કે, આ પરિસ્થિતિમાં સ્પષ્ટતા લાવવા માટે અમે સંબંધિત અધિકારીઓ સાથે સહયોગ કરવાનું ચાલુ રાખીશું.અમે આ બાબતની સંપૂર્ણ તપાસ સુનિશ્ચિત કરવા માટે સ્થાનિક અધિકારીઓ સાથે મળીને કામ કરી રહ્યા છીએ.

આ પણ વાંચો: ન્યૂયોર્કમાં એક બિલ્ડિંગમાં ભીષણ આગ ફાટી નીકળી, એક ભારતીય પત્રકારનું મૃત્યુ