અમેરિકાથી મુંબઈ આવતી એર ઈંડિયાની ફ્લાઈટમાં ખામી સર્જાઈ, કોલકાતા એરપોર્ટ પર મુસાફરોને રઝળવાનો વારો આવ્યો
કોલકાતા, 17 જૂન 2025: અમેરિકાના સાન ફ્રાન્સિસ્કોથી કોલકાતા થઈને મુંબઈ જઈ રહેલી એર ઈન્ડિયાની ફ્લાઈટના એન્જિનમાં ટેકનિકલ ખામી સર્જાઈ હતી. જેના કારણે મંગળવારે કોલકાતા એરપોર્ટ પર રોકાઈને મુસાફરોને નીચે ઉતારવા પડ્યા હતા.
અમેરિકાથી મોડી રાત્રે કોલકાતા પહોંચેલી ફ્લાઈટ
સાન ફ્રાન્સિસ્કોથી કોલકાતા થઈને મુંબઈ જતી એર ઈન્ડિયાની ફ્લાઈટ નંબર AI-180 રાત્રે 12:45 વાગ્યે શહેરના એરપોર્ટ પર સમયસર પહોંચી હતી, પરંતુ ડાબા એન્જિનમાં ટેકનિકલ ખામીને કારણે ફ્લાઈટ મોડી પડી હતી.
VIDEO | Kolkata: An Air India flight from San Francisco to Mumbai via Kolkata suffered a technical snag in one of its engines, requiring passengers to be deplaned during a scheduled halt at the city airport early on Tuesday.
Flight AI180 arrived on time at the city airport at… pic.twitter.com/0MSUiiwPdZ
— Press Trust of India (@PTI_News) June 17, 2025
મુસાફરોને સવારે 5 વાગ્યાની આસપાસ ઉતરવાનું કહેવામાં આવ્યું હતું
સવારે 05:20 વાગ્યે વિમાનમાં પાઈલટ દ્વારા જાહેરાત કરવામાં આવી હતી, જેમાં તમામ મુસાફરોને ઉતરવાનું કહેવામાં આવ્યું હતું. ફ્લાઈટના કેપ્ટને મુસાફરોને કહ્યું હતું કે આ નિર્ણય ફ્લાઇટ સલામતીના હિતમાં લેવામાં આવી રહ્યો છે.
ટેકનિકલ ખામી બાદ ફ્લાઇટનું નિરીક્ષણ કરવામાં આવી રહ્યું છે
વીડિયોમાં બતાવવામાં આવ્યું છે કે એર ઈન્ડિયાના વિમાનનું ડાબું એન્જિન કોલકાતા એરપોર્ટના ટાર્મેક પર ઊભું છે, જ્યારે ગ્રાઉન્ડ સ્ટાફ વિસ્તારનું નિરીક્ષણ કરી રહ્યો છે. ટેકનિકલ ખામી બાદ વિમાન એરપોર્ટ પર પાર્ક કરવામાં આવ્યું હતું.
ગઈકાલે પણ એર ઈન્ડિયાના વિમાનમાં ટેકનિકલ ખામી સર્જાઈ હતી
અહીં ઉલ્લેખનિય છે કે સોમવારે હોંગકોંગથી નવી દિલ્હી જઈ રહેલી એર ઈન્ડિયાની બોઈંગ 787-8 ડ્રીમલાઈનર ફ્લાઇટને ટેકનિકલ ખામીની શંકાને કારણે હોંગકોંગ પરત ફરવું પડ્યું હતું. ફ્લાઇટ 22,000 ફૂટની ઊંચાઈએ ઉડાન ભરી હતી, પરંતુ સાવચેતી રૂપે, પાયલોટે બપોરે 1:15 વાગ્યે (સ્થાનિક સમય) પ્લેનને હોંગકોંગમાં સુરક્ષિત રીતે લેન્ડ કરાવ્યું હતું. પ્લેનમાં ટેકનિકલ ખામી શું હતી? તે હજુ સ્પષ્ટ નથી. એર ઈન્ડિયાના આ વિમાનની તપાસ કરવામાં આવી રહી છે.
આ પણ વાંચો: ઈરાનમાં ફસાયેલા ભારતીયો માટે સરકારે બનાવ્યો કંટ્રોલ રુમ, આ હેલ્પલાઈન નંબર પર સંપર્ક કરી શકશો
