અમદાવાદગુજરાતટોપ ન્યૂઝટ્રેન્ડિંગ
અમદાવાદઃ AMCના ડિમોલિશનના વિરોધમાં આત્મવિલોપનનો પ્રયાસ કરનાર મહિલાએ દમ તોડ્યો
અમદાવાદ 16 ઓગસ્ટ 2025: અમદાવાદના જશોદાનગર વિસ્તારમાં ગેરકાયદેસર બાંધકામ તોડવા માટે ગયેલી અમદાવાદ મ્યુનિસિપલ કોર્પોરેશન (AMC) ટીમના વિરોધમાં આત્મવિલોપનનો પ્રયાસ કરનાર 39 વર્ષીય નર્મદાબહેન રમેશભાઈ કુમાવતે સારવાર દરમિયાન દમ તોડી દીધો છે. ગુરુવારે નર્મદાબહેને AMCની ડિમોલિશન કાર્યવાહીના વિરોધમાં આત્મવિલોપનનું પગલું ભર્યું હતું, જે બાદ તેમને એલ.જી. હોસ્પિટલમાં સારવાર માટે ખસેડવામાં આવ્યા હતા. જોકે, સારવાર દરમિયાન તેમણે દમ તોડી દીધો હતો.
ઘટનાના દિવસે AMCની ટીમ જશોદાનગરમાં ગેરકાયદેસર બાંધકામ તોડવા માટે પહોંચી હતી. આ કાર્યવાહીનો વિરોધ કરતા સ્થાનિક લોકો રોષે ભરાયા હતા અને AMCની ટીમની ગાડી પર પથ્થરમારો કર્યો હતો. આ ઘટનામાં નર્મદાબહેને આત્મવિલોપનનો પ્રયાસ કર્યો હતો, જે બાદ તેમની હાલત ગંભીર બની હતી. હોસ્પિટલમાં ચાલી રહેલી સારવાર દરમિયાન તેમનું મૃત્યુ નીપજ્યું.
આ ઘટનાએ સ્થાનિક વિસ્તારમાં તણાવનું વાતાવરણ સર્જ્યું છે. પોલીસે આ મામલે તપાસ હાથ ધરી છે, અને AMCની કાર્યવાહી દરમિયાન થયેલા વિરોધની ઘટનાની વિગતો એકત્ર કરવામાં આવી રહી છે.
