Nepal Election 2026: નેપાળમાં આજે નવી સરકાર પસંદ કરવા માટે મહત્વપૂર્ણ મતદાન (Nepal General Election) થઈ રહ્યું છે. ગયા વર્ષે થયેલા વ્યાપક Gen-Z વિરોધ પ્રદર્શનો પછી આ પ્રથમ મોટી ચૂંટણી છે, તેથી દેશ-વિદેશમાં તેની ઉપર નજીકથી નજર રાખવામાં આવી રહી છે. તે દેખાવો દરમિયાન સરકાર ઉથલાઈ ગઈ હતી અને ઓછામાં ઓછા 77 લોકોના જીવ ગયા હતા. હવે આ ચૂંટણીથી નક્કી થશે કે વચગાળાની સરકાર પછી દેશનું રાજકીય ભવિષ્ય કઈ દિશામાં જશે.
હાલમાં દેશનું નેતૃત્વ કાર્યકારી વડાપ્રધાન Sushila Karki પાસે છે. તેમણે લોકોને કોઈપણ પ્રકારના ભય અથવા દબાણ વગર મતદાન કરવા માટે અપીલ કરી છે અને લોકશાહી મજબૂત બનાવવામાં ભાગ લેવા કહ્યું છે.
જૂના નેતાઓ માટે કસોટી
નેપાળની રાજનીતિ છેલ્લા ઘણા વર્ષોથી થોડા મોટા નેતાઓની આસપાસ કેન્દ્રિત રહી છે. તેમાં શેર બહાદુર દેઉબા (Sher Bahadur Deuba), કે. પી. શર્મા ઓલી (K. P. Sharma Oli) અને પુષ્પ કમલ દહલ (Pushpa Kamal Dahal) જેવા નેતાઓનો સમાવેશ થાય છે. આ ચૂંટણી નક્કી કરશે કે મતદારો આ જૂના નેતાઓ પર ફરીથી વિશ્વાસ કરશે કે નવી રાજકીય દિશા પસંદ કરશે.
#WATCH | Kathmandu, Nepal | A voter says, "We want a good candidate to win, we support our young generation… The main issue in Nepal is political instability and we want stability and the issue of corruption to be resolved…" https://t.co/Wvrx9mBGMU pic.twitter.com/enbOJayzln
— ANI (@ANI) March 5, 2026
લોકોમાં ગૂસ્સો અને બદલાવની માંગ
હાલના વર્ષોમાં બેરોજગારી, ભ્રષ્ટાચાર અને રાજકીય અસ્થિરતા જેવા મુદ્દાઓને કારણે લોકોમાં અસંતોષ વધ્યો છે. આ અસંતોષને કારણે યુવાનો દ્વારા મોટા વિરોધ પ્રદર્શન થયા હતા, જેના કારણે હાલની ચૂંટણીને પરિવર્તનની તક તરીકે જોવામાં આવી રહી છે.
યુવા ચહેરાઓનો ઉદય
આ ચૂંટણીમાં ઘણા યુવા નેતાઓ મેદાનમાં ઉતર્યા છે. તેમાં સૌથી ચર્ચિત નામ રબી લામિછાને (Rabi Lamichhane)નું છે, જે પહેલા મીડિયા ક્ષેત્રમાં જાણીતા હતા અને હવે રાજકારણમાં લોકપ્રિય યુવા નેતા તરીકે ઉભરી રહ્યા છે.
#WATCH | Kathmandu, Nepal: Voting begins for Nepal's 2026 general election.
Visuals from the Annapurna Vinayak School polling centre. pic.twitter.com/cxurWFcgeJ
— ANI (@ANI) March 5, 2026
ઓલી સામે કઠિન પડકાર
74 વર્ષીય K. P. Sharma Oli પોતાના ઝાપા-૫ મત વિસ્તારમાં કઠિન પડકારનો સામનો કરી રહ્યા છે. તેમને યુવા નેતા Balen Shah તરફથી મજબૂત ટક્કર મળી રહી છે, જે યુવાનોમાં ખૂબ લોકપ્રિય છે.
રેપરથી રાજકારણમાં પ્રવેશ
35 વર્ષીય Balen Shah પહેલા રેપર તરીકે જાણીતા હતા અને બાદમાં રાજકારણમાં આવ્યા. તેઓ કાઠમંડુના પૂર્વ મેયર રહી ચૂક્યા છે અને પોતાને યુવાનો દ્વારા ચાલિત રાજકીય પરિવર્તનના પ્રતીક તરીકે રજૂ કરે છે.
ગગન થાપા પણ ચર્ચામાં
આ ચૂંટણીમાં Gagan Thapa પણ મહત્વપૂર્ણ ઉમેદવાર તરીકે સામે આવ્યા છે. તેઓ નેપાળી કોંગ્રેસના નવા નેતા છે અને સરલાહી-4 મત વિસ્તારમાંથી ચૂંટણી લડી રહ્યા છે. નેપાળનો મોટો ભાગ પર્વતીય અને બરફીલા વિસ્તારોમાં આવેલો છે, જેના કારણે ચૂંટણી યોજવી મોટી પડકારરૂપ બને છે. ચૂંટણી પંચે દુરસ્ત વિસ્તારોમાં મતદાન સામગ્રી પહોંચાડવા માટે વિશેષ વ્યવસ્થા કરી છે. વિશ્વનું સૌથી ઊંચું શિખર Mount Everest સહિત દુનિયાના 10 સૌથી ઊંચા શિખરોમાંથી 8 નેપાળમાં આવેલા છે.
સંસદ માટે 275 સભ્યો
આ ચૂંટણીમાં મતદારો સંસદના નીચલા ગૃહ ‘હાઉસ ઑફ રિપ્રેઝેન્ટેટિવ્સ’ માટે કુલ 275 સભ્યો પસંદ કરશે. તેમાં 165 સભ્યો સીધા મતદાનથી અને 110 સભ્યો પ્રમાણસર પ્રતિનિધિત્વ પ્રણાલી દ્વારા ચૂંટાશે.
અમારી WhatsApp ચેનલમાં જોડાવા આ લીંક પર ક્લીક કરો
https://whatsapp.com/channel/0029VauCUMx6LwHmdrOBwa2X
સરકાર રચવામાં લાગી શકે સમય
નિષ્ણાતોના મત મુજબ જો કોઈ એક પક્ષને સ્પષ્ટ બહુમતી નહીં મળે તો ગઠબંધન સરકાર બનાવવા માટે લાંબી ચર્ચા અને વાટાઘાટો કરવાની જરૂર પડી શકે છે. તેથી અંતિમ પરિણામો અને નવી સરકારની રચનામાં થોડો સમય લાગી શકે છે. આ રીતે, નેપાળની આજની ચૂંટણી માત્ર સરકાર બદલવાની પ્રક્રિયા નથી, પરંતુ તે દેશના રાજકીય ભવિષ્ય અને યુવાનોની વધતી ભૂમિકા માટે પણ મહત્વપૂર્ણ વળાંક સાબિત થઈ શકે છે.
આ પણ વાંચો : રિક્ષા ચાલકના બેંક ખાતામાંથી કોરોડોના વ્યવહારો થયા, EDના અધિકારીઓ પણ ચોંક્યા
