ટીમ ઈન્ડિયામાં કોણ લેશે જસપ્રીત બુમરાહનું સ્થાન? રેસમાં છે આ 4 બોલર, BCCI ટૂંક સમયમાં કરશે જાહેરાત
Jasprit Bumrah injury update: શ્રીલંકા પ્રવાસ શરૂ થાય તે પહેલા જ ભારતીય ક્રિકેટ ટીમને મોટો ઝટકો લાગ્યો છે. શ્રીલંકા સામે રમાનારી 2 મેચોની ટેસ્ટ સિરીઝમાંથી ભારતનો સ્ટાર ફાસ્ટ બોલર જસપ્રીત બુમરાહ બહાર થઈ ગયો છે. ઈંગ્લેન્ડ સામેની વનડે સિરીઝ દરમિયાન બુમરાહને ડાબા ઘૂંટણમાં ઈજા થઈ હતી, જેના કારણે તે આ પ્રવાસમાં રમી શકશે નહીં.
પહેલા એવા અહેવાલો હતા કે બુમરાહે ફિટનેસ ટેસ્ટ પાસ કરી લીધો છે અને તે શ્રીલંકામાં ભારતીય પેસ એટેકની આગેવાની કરશે. પરંતુ બેંગલુરુ સ્થિત ‘BCCI સેન્ટર ઓફ એક્સેલન્સ’ ખાતે થયેલી તબીબી તપાસમાં સામે આવ્યું છે કે તેના ડાબા ઘૂંટણમાં હજુ પણ દુખાવો અને અસહજતા છે.
આગામી સમયમાં લાંબી ક્રિકેટ સીઝન રમાવાની હોવાથી ટીમ મેનેજમેન્ટ પોતાના મુખ્ય મેચ-વિનર બોલર અંગે કોઈ જોખમ લેવા માગતું નથી. BCCI એ હજુ સુધી સત્તાવાર રીતે બુમરાહના રિપ્લેસમેન્ટની જાહેરાત કરી નથી, પરંતુ ઘરોઈ ક્રિકેટમાં શાનદાર પ્રદર્શન કરનારા 4 યુવા ફાસ્ટ બોલરો ટીમ ઈન્ડિયાના દ્વાર ખટખટાવી રહ્યા છે.
1. આકિબ નબી (Aqib Nabi) – સૌથી પ્રબળ દાવેદાર
બુમરાહનું સ્થાન લેવાની રેસમાં જમ્મુ-કાશ્મીરનો ઝડપી બોલર આકિબ નબી સૌથી આગળ ચાલી રહ્યો છે:
* રણજી ટ્રોફી 2025-26 સીઝનમાં આકિબે માત્ર 10 મેચોમાં 60 વિકેટ ઝડપીને સમગ્ર ટુર્નામેન્ટમાં સૌથી વધુ વિકેટ લેવાનો રેકોર્ડ બનાવ્યો છે.
* તેણે તાજેતરમાં ઈન્ડિયા-એ ટીમ સાથે શ્રીલંકાનો પ્રવાસ કર્યો હતો, તેથી તેને ત્યાંની પીચોનો સારો અનુભવ છે.
* તે નવા બોલને બંને તરફ સ્વિંગ કરાવવાની સાથે નીચલા ક્રમે ઉપયોગી બેટિંગ પણ કરી શકે છે.
2. અર્શદીપ સિંહ (Arshdeep Singh) – લેફ્ટ આર્મ ઓપ્શન
ટીમ ઈન્ડિયાના વર્તમાન ફાસ્ટ બોલિંગ એટેકમાં ડાબોડી (Left-arm) ફાસ્ટ બોલરની કમી છે અને અર્શદીપ આ કમી પૂરી કરી શકે છે. શ્રીલંકાની પીચો પર નવા બોલથી તેની સ્વિંગ ઘાતક સાબિત થઈ શકે છે. ફર્સ્ટ ક્લાસ ક્રિકેટમાં અર્શદીપે 22 મેચમાં 67 વિકેટ ઝડપી છે, જેમાં બે વાર ૫ વિકેટ હોલ સામેલ છે.
3. અંશુલ કમ્બોજ (Anshul Kamboj) – ગાલેનો અનુભવ કામ લાગશે
હરિયાણાનો પેસર અંશુલ કમ્બોજ પણ આ રેસમાં બનેલો છે. અંશુલ ભારત માટે ટેસ્ટ ડેબ્યૂ કરી ચૂક્યો છે. તાજેતરમાં ઈન્ડિયા-એ સાથે શ્રીલંકા પ્રવાસ દરમિયાન તેણે ગાલે ઈન્ટરનેશનલ સ્ટેડિયમમાં લાંબા સ્પેલ ફેંક્યા હતા. ભારત અને શ્રીલંકા વચ્ચે પ્રથમ ટેસ્ટ મેચ આ જ મેદાન પર રમાવાની હોવાથી અંશુલને આ પરિસ્થિતિઓનો લાભ મળી શકે છે.
4. યશ ઠાકુર (Yash Thakur) – કરી શકે છે સરપ્રાઈઝ એન્ટ્રી
વિદર્ભનો ફાસ્ટ બોલર યશ ઠાકુર પણ પસંદગીકારોની રડારમાં છે. તેણે ઈન્ડિયા-એ પ્રવાસ દરમિયાન 2 ફર્સ્ટ-ક્લાસ મેચમાં ૫ વિકેટ લીધી હતી. આ સિવાય ઝિમ્બાબ્વે સામેની તાજેતરની ટી20 સિરીઝમાં તેણે ભારતની સીનિયર ટીમ માટે ડેબ્યૂ પણ કર્યું હતું.
આ પણ વાંચોઃ ‘જય શ્રી રામ’ ટી-શર્ટથી લઈને નોટોમાં ફોર્મ્યુલા સુધી, સરફરાઝે વધારી ATSની ચિંતા
આ પણ વાંચોઃ અમદાવાદમાં પરિણીતાનો ગંભીર આક્ષેપ: પતિના અન્ય સ્ત્રી સાથે સંબંધ, વિરોધ કરતાં ઘરેથી કાઢી મૂકી
અમારી WhatsApp ચેનલમાં જોડાવા આ લિંક પર ક્લીક કરો
https://whatsapp.com/channel/0029VauCUMx6LwHmdrOBwa2X
