Video: ‘પહેલા મને બાંધ્યો પછી અંડરવેર ઉતાર્યું…’ આતંકીઓના ચંગુલમાંથી આઝાદ થયેલા બંધકની આપવીતી હચમચાવી દેશે
HD ન્યૂઝ ડેસ્ક, ૬ નવેમ્બર: તેઓએ મારા બધા કપડાં, મારું અંડરવેર, બધું જ ઉતારી દીધું. જ્યારે હું સંપૂર્ણપણે નગ્ન થઈ ગયો ત્યારે….” આટલું કહેતા જ 21 વર્ષના યુવકનો અવાજ ધીમો પડી ગયો. તે થોડો સંભળાયો અને પછી બોલ્યો કે જ્યારે એક પુરુષ બંધક તરીકે હું ખોરાક અને પાણી વિના મરી રહ્યો હતો.
મેં ઈશ્વરને પ્રાર્થના કરી હતી – મને બચાવી લો, મને આ સંકટમાંથી બહાર કાઢો. રોમ બ્રાસ્લાસ્કી તાજેતરમાં જ હમાસના ચંગુલમાંથી આઝાદ થયો છે. તે પહેલો પુરુષ ઈઝરાયેલી બંધક છે જેણે ખુલીને આરોપ લગાવ્યો છે કે ગાઝામાં કેદ દરમિયાન તેનું યૌન ઉત્પીડન કરવામાં આવ્યું હતું.
7 ઓક્ટોબરે તે ઇવેન્ટ પર હુમલા સમયે જ્યારે તેનું અપહરણ કરવામાં આવ્યું, ત્યારે તે સિક્યોરિટી ગાર્ડ તરીકે કામ કરી રહ્યો હતો. એક ઈન્ટરવ્યુમાં તેણે પેલેસ્ટિનિયન ઈસ્લામિક જેહાદ દ્વારા બંધક બનાવાયા બાદ પોતાની સાથે થયેલી આપવીતી શેર કરી છે. CNN એ આ રિપોર્ટ પર પેલેસ્ટિનિયન ઈસ્લામિક જેહાદનો સંપર્ક કરવાનો પ્રયાસ કર્યો પરંતુ આતંકવાદી સંગઠન તરફથી કોઈ જાણકારી મળી શકી નથી. આ પહેલા સોસના નામની યુવતીએ આરોપ લગાવ્યો હતો કે જ્યારે તે હમાસની બંધક હતી ત્યારે ગાર્ડે બંદૂકની અણી પર તેનું યૌન શોષણ કર્યું હતું.
હવે બ્રાસ્લાસ્કીએ કહ્યું છે કે તે નિશ્ચિતરૂપે યૌન શોષણ હતું. તેણે કહ્યું કે, “મારી સાથે જે થયું, તે યૌન હિંસા હતી અને તેનો હેતુ મને અપમાનિત કરવાનો હતો. તેઓ મારા આત્મસન્માન પર હુમલો કરવા માંગતા હતા અને તેમણે એ જ કર્યું.” આ ઈન્ટરવ્યુ ગયા અઠવાડિયે જ રેકોર્ડ કરવામાં આવ્યો છે. આ વીડિયો સોશિયલ મીડિયા પર આવી ગયો છે જેને ઘણા ઈઝરાયેલીઓ શેર કરી રહ્યા છે.
તે કહે છે કે મારા માટે તે સમય વિશે વાત કરવી ખૂબ મુશ્કેલ છે. બ્રાસ્લાસ્કી તે છેલ્લા 20 જીવિત બંધકોમાંનો એક છે જેમને ઈઝરાયેલ અને હમાસ વચ્ચેના યુદ્ધવિરામ કરાર હેઠળ બે વર્ષથી વધુ સમય કેદમાં રહ્યા બાદ ગયા મહિને મુક્ત કરવામાં આવ્યા હતા. તેને પેલેસ્ટિનિયન ઈસ્લામિક જેહાદ સંગઠને બંધક બનાવી રાખ્યો હતો, જે ગાઝામાં હમાસ સાથે જોડાયેલું એક પેલેસ્ટિનિયન આતંકવાદી જૂથ છે.
Former hostage Rom Braslavski showed extraordinary courage in sharing the horrors of his captivity, including a horrific sexual assault he endured while held by Islamic Jihad terrorists. His trembling voice, heard tonight in Israel and around the world, breaks through the walls… pic.twitter.com/MvGpNdRK7h
— יצחק הרצוג Isaac Herzog (@Isaac_Herzog) November 5, 2025
ખાવાના બદલામાં ધર્મ બદલવા કહ્યું
હમાસના આતંકીઓએ આ વર્ષની શરૂઆતમાં ખૂબ જ નબળા પડી ગયેલા બ્રાસ્લાસ્કીનો વીડિયો જારી કર્યો હતો. તસવીર જોઈને ભાવુક પિતાએ કહ્યું હતું કે તે પોતાના દીકરાને ઓળખી નથી રહ્યા. તેની માતાએ ઈઝરાયેલી મીડિયાને જણાવ્યું છે કે તેના પર ખાવાનું આપવાના બદલામાં ઈસ્લામ ધર્મ અપનાવવાનું દબાણ કરવામાં આવ્યું હતું.
હું નરકમાં રહ્યો
યૌન ઉત્પીડન પર બ્રાસ્લાસ્કીએ કહ્યું કે, “તે એક ભયાનક ઘટના હતી. તમે બસ ઈશ્વરને પ્રાર્થના કરો કે આ અટકી જાય. અને જ્યારે હું ત્યાં હતો ત્યારે દરરોજ, મારપીટ… હું મારી જાતને કહેતો હતો કે હું નરકમાં એક દિવસ વધુ જીવી ચુક્યો છું. કાલે સવારે, હું એક બીજા નરકમાં જાગીશ.”
કેટલાક અન્ય બંધકોએ આરોપ લગાવ્યો છે કે હમાસની કેદમાં તેમની સાથે યૌન ઉત્પીડડન અથવા દુર્વ્યવહાર કરવામાં આવ્યો. જોકે હમાસ તરફથી આનું ખંડન કરવામાં આવતું રહ્યું છે. નવો ખુલાસો એટલા માટે ચોંકાવનારો છે કારણ કે અત્યાર સુધી, ફક્ત મહિલા બંધકો જ આગળ આવી હતી, પહેલીવાર કોઈ પુરુષે આ આરોપ લગાવ્યો છે.
