અહાન પાંડેને છોકરીએ મોકલ્યો હતો લોહીથી લખેલો લેટર, બનવા ઈચ્છતી હતી ગર્લફ્રેન્ડ
- અહાનની માતા ડીન પાંડેએ જણાવ્યું કે તેમના પુત્રનો સૌથી મોટો ચાહક 80 વર્ષથી વધુ ઉંમરનો છે, જ્યારે સૌથી નાનો ચાહક ફક્ત અઢી વર્ષનો છે
HD ન્યુઝ ડેસ્કઃ ફિલ્મ સૈયારાથી બોલિવૂડમાં ધમાકેદાર શરૂઆત કરનાર અહાન પાંડે Ahaan Pandayએ ખૂબ જ ઓછા સમયમાં જબરદસ્ત લોકપ્રિયતા મેળવી છે. દર્શકોએ આ રોમેન્ટિક ડ્રામા ફિલ્મમાં અહાનના અભિનય અને અનિત પડ્ડા સાથેની તેની કેમેસ્ટ્રીની પ્રશંસા કરી હતી, જે 2025 ની સૌથી વધુ કમાણી કરનારી ફિલ્મોમાંની એક હતી. જો કે તાજેતરના એક ઇન્ટરવ્યુમાં, અહાનની માતા ડીન પાંડેએ ફેમના એક આશ્ચર્યજનક પાસાં વિશે વાત કરી હતી.
અહાનને ચાહકો તરફથી અપાર પ્રેમ મળ્યો
ધ નોડ સાથેની એક મુલાકાતમાં, ડીને જણાવ્યું કે અહાનને દરેક ઉંમરના લોકો પસંદ કરે છે. તેમણે કહ્યું કે તેમના પુત્રનો સૌથી મોટો ચાહક 80 વર્ષથી વધુ ઉંમરનો છે, જ્યારે સૌથી નાનો ચાહક ફક્ત અઢી વર્ષનો છે. ચાહકોના પત્રો વિશે ડીને કહ્યું કે ઘણા પત્રો ખૂબ જ ભાવનાત્મક હોય છે, જેમાં લોકો લખે છે કે અહાને તેમના જીવન પર કેવી અસર કરી છે. અહાન પ્રેમથી તેના ચાહકોને પોતાની આર્મી કહે છે.
ડીને આગળ કહ્યું કે કેટલીક યુવતીઓ અહાન સાથે લગ્ન કરવા અથવા તેની ગર્લફ્રેન્ડ બનવા વિશે નિર્દોષતાથી લખે છે, જે તેને ખૂબ જ પ્રેમાળ લાગે છે. જ્યારે હું જોઉં છું કે લોકો મારા દીકરાને ખૂબ પ્રેમ કરી રહ્યા છે, ત્યારે મને ગર્વ અને ભાવુકતા બંનેનો અનુભવ થાય છે.
View this post on Instagram
લોહીથી લખેલો પત્ર મળતા પરિવાર પરેશાન થયો
ડીને એક એવી ઘટના પણ શેર કરી જેણે તેમને પરેશાન કર્યા હતા. તેમણે કહ્યું કે થોડા મહિના પહેલા તેમને લોહીથી લખેલો એક પત્ર મળ્યો હતો. આ ઘટનાથી આખો પરિવાર ચોંકી ગયો હતો. તેમણે ચાહકને જવાબ આપતા સ્પષ્ટ કહ્યું કે આવું કરવું નુકસાનકારક છે અને અહાન ક્યારેય નહીં ઈચ્છે કે કોઈ તેમના માટે પોતાને નુકસાન પહોંચાડે.
અહાનના આગામી પ્રોજેક્ટ્સ
સૈયારાની સફળતા પછી અહાન પાંડેને અનેક એવોર્ડ્સ મળી ચૂક્યા છે. આ ફિલ્મ 2025 ની સૌથી મોટી હિટ ફિલ્મોમાંની એક હતી. અહાન હવે યશ રાજ ફિલ્મ્સના બેનર હેઠળ તેના આગામી પ્રોજેક્ટ માટે તૈયારી કરી રહ્યો છે. તે અલી અબ્બાસ ઝફર દ્વારા દિગ્દર્શિત એક્શન-રોમાન્સ ફિલ્મમાં જોવા મળશે, જેમાં શર્વરી પણ છે. આ ફિલ્મમાં ઐશ્વર્ય ઠાકરે વિલનની ભૂમિકા ભજવશે.
