X પર ‘Tap and Hold’નો ક્રેઝ, આખરે આ ટ્રેન્ડમાં એવું શું ખાસ છે?
Tech News : સોશિયલ મીડિયા પ્લેટફોર્મ X પર આજકાલ ‘ટૅપ એન્ડ હોલ્ડ’ (Tap & Hold) ટ્રેન્ડ ભારે વાયરલ થઈ રહ્યો છે. યુઝર્સનો દાવો છે કે પોસ્ટ કરવામાં આવેલી તસવીર પર થોડી સેકન્ડ સુધી આંગળી દબાવી રાખવાથી (Hold કરવાથી) તે ફોટો વધુ ડિટેલ અને અલગ અંદાજમાં જોવા મળે છે. ખાસ કરીને આર્ટિફિશિયલ ઈન્ટેલિજન્સ (AI) દ્વારા બનાવવામાં આવેલી તસવીરો માટે આ ટ્રેન્ડનો સૌથી વધુ ઉપયોગ થઈ રહ્યો છે.
આ પ્રકારની ઈમેજીસ બનાવવા માટે AI ઈમેજ જનરેટર ટૂલ્સનો ઉપયોગ કરવામાં આવે છે, જેમાં છુપાયેલી ડિટેલ્સ કે લેયર્સ ઉમેરવામાં આવે છે. X (ટ્વિટર) પર ઈમેજ ફોર્મેટ (જેમ કે Live Photo કે GIF/Video ઈન્ટરેક્શન) અને યુઝર એન્ગેજમેન્ટ વધારવા માટે ક્રિએટર્સ આ ટ્રીકનો ઉપયોગ કરી રહ્યા છે, જેથી લોકો તેમની પોસ્ટ પર વધુ સમય વિતાવે.
શું છે ‘Tap and Hold’ ટ્રેન્ડ અને કેમ થઈ રહ્યો છે ઝડપથી વાયરલ?
સોશિયલ મીડિયા પ્લેટફોર્મ X પર છેલ્લા કેટલાક દિવસોથી ‘ટૅપ એન્ડ હોલ્ડ’ (Tap & Hold) ટ્રેન્ડ ખૂબ જ ઝડપથી વાયરલ થઈ રહ્યો છે. આ ટ્રેન્ડ અંતર્ગત યુઝર્સ સ્ક્રીન પર દેખાતી કોઈ તસવીર પર થોડી સેકન્ડ સુધી આંગળી દબાવી રાખીને (Hold કરીને) તેને જોવાનો પ્રયાસ કરે છે.
યુઝર્સનો દાવો છે કે તસવીર પર ટૅપ કરીને હોલ્ડ કરવાથી તે પહેલાં કરતાં વધુ ક્લિયર, શાર્પ અને હાઈ-ડેફિનેશનમાં જોવા મળે છે. આ અનુભવ બાદ લોકો હવે દરેક તસવીર પર આ રીત અજમાવી રહ્યા છે, જેથી જાણી શકાય કે ફોટાની પાછળ કોઈ છુપાયેલું સરપ્રાઈઝ કે ઝીણી વિગતો (બારીક ડિટેલ્સ) રહેલી છે કે નહીં.
હકીકતમાં ‘ટૅપ એન્ડ હોલ્ડ’ કરવાથી તસવીરમાં કોઈ નવો બદલાવ કે ચમત્કાર થતો નથી. સોશિયલ મીડિયા પ્લેટફોર્મ X પર જ્યારે પણ કોઈ પોસ્ટ સ્ક્રોલ થાય છે, ત્યારે ડેટા અને સ્પીડ બચાવવા માટે શરૂઆતમાં ઈમેજનું હલકું અને કમ્પ્રેસ્ડ વર્ઝન (Low Resolution) બતાવવામાં આવે છે. આ કારણે ફોટાની ઝીણી વિગતો કે બારીકાઈઓ સ્પષ્ટ દેખાતી નથી.
જ્યારે કોઈ યુઝર તસવીર પર ક્લિક કરીને થોડી સેકન્ડ સુધી આંગળી દબાવી રાખે છે (Hold કરે છે), ત્યારે સિસ્ટમ તેને ફુલ સ્ક્રીન મોડમાં કન્વર્ટ કરે છેઆ ક્ષણે ઈમેજનું અસલી હાઈ રેઝોલ્યુશન (Full HD/4K) વર્ઝન સંપૂર્ણપણે લોડ થઈ જાય છે. હાઈ ક્વોલિટી લોડ થતાં જ તસવીર પહેલાં કરતાં વધુ શાર્પ, સ્પષ્ટ અને આકર્ષક દેખાવા લાગે છે.
જાપાની એઆઈ આર્ટિસ્ટથી શરૂ થયો ટ્રેન્ડ
આ ટ્રેન્ડ ત્યારે સૌથી વધુ ચર્ચામાં આવ્યો જ્યારે જાપાનની જાણીતી એઆઈ આર્ટિસ્ટ @sarasara_aiart એ પોતાની અદ્ભુત AI કલાકૃતિઓ X (ટ્વિટર) પર શેર કરી. ત્યારબાદ સોશિયલ મીડિયા પર હજારો યુઝર્સે સાયન્સ ફિક્શન, કાલ્પનિક અને જાદુઈ દુનિયા (ફૅન્ટેસી થીમ) પર આધારિત AI તસવીરો પોસ્ટ કરવાનું શરૂ કરી દીધું.
અમારી WhatsApp ચેનલમાં જોડાવા આ લિંક પર ક્લીક કરો
https://whatsapp.com/channel/0029VauCUMx6LwHmdrOBwa2X
આ પ્રકારની હાઈ-ક્વોલિટી અને મનમોહક ઈમેજીસ બનાવવા માટે વિવિધ એડવાન્સ્ડ AI ટૂલ્સ અને ટેકનિકનો ઉપયોગ કરવામાં આવે છે. આ તસવીરો બનાવવા માટે Gemini, ChatGPT, Leonardo AI, અને Grok જેવા પાવરફુલ આર્ટિફિશિયલ ઈન્ટેલિજન્સ ટૂલ્સનો ઉપયોગ કરવામાં આવે છે.
તસવીરમાં શ્રેષ્ઠ ડિટેલિંગ મેળવવા માટે યુઝર્સ પ્રોમ્પ્ટ લખતી વખતે ‘અલ્ટ્રા ડિટેઈલ્ડ’ (Ultra Detailed), ‘હાઈ રેઝોલ્યુશન’ (High Resolution), ‘8K’ અને ‘ફોટોરિયાલિસ્ટિક’ (Photorealistic) જેવા સ્પેશિયલ શબ્દોનો ઉમેરો કરે છે. ઈમેજ બની ગયા બાદ તેને ‘અપસ્કેલ’ (Quality Upscale) કરીને X પર પોસ્ટ કરવામાં આવે છે, જેથી યુઝર્સ જ્યારે તેના પર ‘ટૅપ એન્ડ હોલ્ડ’ (Tap & Hold) કરે ત્યારે તેનો ક્રિસ્ટલ ક્લિયર હાઈ-ક્વોલિટી લુક સામે આવી શકે.
આ પણ વાંચો :રાજકોટમાં એક જ પરિવારના 3 સભ્યોનો સામૂહિક આપઘાતનો પ્રયાસ, મહિલાનું મોત
આ પણ વાંચો :ભારત-શ્રીલંકા ટેસ્ટ સિરીઝનું સંપૂર્ણ શેડ્યૂલ જાહેર, ક્યારે અને ક્યાં રમાશે મેચ?
