T20 World Cup 2026: વેસ્ટઈન્ડીઝની જીતે વધારી ભારતની મુશ્કેલી, સેમીફાઈનલ માટે હવે ‘કરો અથવા મરો’ જેવી સ્થિતિ

નવી દિલ્હીઃ 24 ફેબ્રુઆરી, 2026: ટી20 વર્લ્ડ કપ 2026ના સુપર 8 રાઉન્ડમાં ભારતની સેમીફાઈનલની આશાને મોટો ફટકો પડ્યો છે. સોમવારે મુંબઈમાં રમાયેલી મેચમાં વેસ્ટઈન્ડીઝે ઝિમ્બાબ્વેને 107 રનના વિશાળ અંતરથી હરાવીને ધમાકેદાર જીત મેળવી છે. આ મોટી જીત સાથે વેસ્ટઈન્ડીઝનો નેટ રન રેટ (NRR) ઘણો સુધરી ગયો છે. બીજી તરફ, ટીમ ઈન્ડિયા અગાઉ સાઉથ આફ્રિકા સામે 76 રને હારી હોવાથી તેનો રન રેટ માઈનસમાં છે. હવે સેમીફાઈનલમાં પહોંચવા માટે ભારતે તેની આગામી બંને મેચો (ઝિમ્બાબ્વે અને વેસ્ટઈન્ડીઝ સામે) મોટા અંતરથી જીતવી પડશે.

ભારતની સેમીફાઈનલની સફર: હવે શું છે સમીકરણો?

ભારતની આગામી મેચ ગુરુવાર, 26 ફેબ્રુઆરીએ ચેન્નાઈમાં ઝિમ્બાબ્વે સામે રમાશે. ભારતનું ભાગ્ય હવે સાઉથ આફ્રિકા અને વેસ્ટઈન્ડીઝ વચ્ચેની મેચ પર પણ નિર્ભર છે.

વિકલ્પ 1: ભારત બંને મેચ જીતી જાય તો

• જો ભારત ઝિમ્બાબ્વે અને વેસ્ટઈન્ડીઝ બંનેને હરાવે, તો તેના 4 પોઈન્ટ થશે.
• જો સાઉથ આફ્રિકા તેની ત્રણેય મેચ જીતે, તો ભારત અને આફ્રિકા સીધા સેમીફાઈનલમાં પહોંચશે.
• જો સાઉથ આફ્રિકા વેસ્ટઈન્ડીઝ સામે હારી જાય, તો ભારત, વેસ્ટઈન્ડીઝ અને આફ્રિકા ત્રણેયના 4-4 પોઈન્ટ થશે અને નિર્ણય Net Run Rate પર આવશે.

વિકલ્પ 2: જો ભારત એક મેચ જીતે અને એક હારે તો?

• આ સ્થિતિમાં સેમીફાઈનલનો રસ્તો અત્યંત મુશ્કેલ બનશે.
• જો ભારત માત્ર વેસ્ટઈન્ડીઝને હરાવે અને આફ્રિકા તેની બાકીની બંને મેચ જીતે, તો ભારત, ઝિમ્બાબ્વે અને વેસ્ટઈન્ડીઝ વચ્ચે 2-2 પોઈન્ટની ટાઈ પડશે, જ્યાં રન રેટ નિર્ણાયક બનશે.
• પરંતુ જો સાઉથ આફ્રિકા તેની બંને મેચ હારી જાય, તો સૂર્યકુમાર યાદવની કેપ્ટન્સીવાળી ટીમ ઈન્ડિયા સેમીફાઈનલની રેસમાંથી બહાર થઈ જશે.

સુપર 8: ગ્રુપ-1ના બાકીના મુકાબલા