સુરતમાં પત્નીઓની અદલા-બદલીનો ખેલ શરુ થયો, પાર્ટનર સ્વેપિંગમાં ફસાયેલીએ મહિલાએ ધડાકો કર્યો

Surat Partner Swapping: પશ્ચિમી સંસ્કૃતિના અનુસરણમાં આંધળી બનેલી આજની જનતા હવે સારા-નરસાનો ભેદ ભુલી ગઈ છે. લગ્ન જેવા પવિત્ર સંબંધો અને પતિ-પત્ની વચ્ચેના લગાણીભર્યા સંબંધોને નેવે મૂકી આજના લોકોમાં દુષણ ઘુસી ગયું છે. ત્યારે હવે આ ભયાનક ગંદકી ગુજરાતમાં પણ આવી ગઈ છે. રાજકોટની એક મહિલાએ આ અંગે મોટો ખુલાસો કરતા જણાવ્યું છે કે મારા લગ્ન 2022માં થયા હતા. લગ્નના માત્ર ત્રણ મહિનામાં જ મને ખબર પડી કે મારા પતિ મને એવી પ્રવૃતિમાં સામેલ કરવા માગે છે, જેના માટે હું તૈયાર નહોતી. આ મહિલાના પતિએ તેને પાર્ટનર સ્વેપિંગમાં જોડાવા માટે સમજાવવાનો પ્રયાસ કર્યો અને કહ્યું હતું કે આમા એન્જોયમેન્ટ અને પૈસા બંને મળે છે. પણ જ્યારે મહિલાએ આ વાતનો વિરોધ કર્યો ત્યારે તેની સામે એક એવા નેટવર્કનો પર્દાફાશ થયો, જેના કારણે તેને લગ્નજીવન અને વિશ્વાસને હચમચાવી નાખ્યો.
સમ્રગ ઘટનાની વાત કરીએ તો સુરતમાં ચર્ચાનો વિષય બનેલા પાર્ટનર સ્વેપિંગ મામલે હવે રાજકોટની એક મહિલાએ પોતાની આપવીતી રજૂ કરી છે. મહિલાના જણાવ્યા અનુસાર, તેના લગ્ન વર્ષ 2022માં થયા હતા. લગ્નજીવન શરૂ થયાના માત્ર ત્રણ મહિનામાં જ તેને એવી હકીકતો જાણવા મળી હતી, જેણે તેના જીવનને સંપૂર્ણપણે બદલાવી નાખ્યું.
ભોગ બનનારી મહિલાએ જણાવ્યું કે તેના પતિ તેને પાર્ટનર સ્વેપિંગ જેવી પ્રવૃત્તિમાં સામેલ કરવા માંગતા હતા. જોકે, તેણે શરૂઆતથી જ આ પ્રકારની બાબતોનો વિરોધ કર્યો હતો અને તેમાં જોડાવા માટે સ્પષ્ટ ના પાડી હતી. મહિલાના જણાવ્યા મુજબ, તેના પતિએ તેને સમજાવવાનો પ્રયાસ કર્યો હતો કે આ પ્રવૃત્તિમાં “એન્જોયમેન્ટ” અને “પૈસા” બંને મળે છે. મહિલાના કહેવા મુજબ, પતિએ તેને જણાવ્યું હતું કે આ નેટવર્કમાં નાના-મોટા, વિવિધ આર્થિક સ્તરના લોકો જોડાયેલા છે. જેમાં આર્થિક મુશ્કેલીનો સામનો કરતા લોકો પણ સામેલ છે અને સારા આર્થિક રીતે સક્ષમ લોકો પણ આ પ્રકારની પ્રવૃત્તિમાં ભાગ લે છે.
મહિલાના જણાવ્યા અનુસાર, સમગ્ર પ્રક્રિયા સોશિયલ મીડિયા દ્વારા શરૂ થાય છે. સૌથી પહેલા લોકો સોશિયલ મીડિયા પ્લેટફોર્મ પર ખાસ ID બનાવે છે. ત્યારબાદ એકબીજાની ઓળખ અને વિશ્વસનીયતા ચકાસવા માટે ખાતરી કરવામાં આવે છે કે સામેવાળા ખરેખર કપલ છે કે નહીં. આ પ્રક્રિયા બાદ તેઓ વ્યક્તિગત રીતે મુલાકાત કરે છે અને ત્યાર પછી હોટલમાં રૂમ બુક કરીને મળવાની વ્યવસ્થા કરવામાં આવે છે. મહિલાના જણાવ્યા પ્રમાણે, આ સમગ્ર નેટવર્કમાં અંદાજે 15થી 20 લોકો સક્રિય રીતે જોડાયેલા હોવાનું તેને જાણવા મળ્યું હતું. તેણે દાવો કર્યો કે આ પ્રવૃત્તિ કોઈ એક વિસ્તાર કે વર્ગ પૂરતી મર્યાદિત નથી, પરંતુ અલગ-અલગ પૃષ્ઠભૂમિ ધરાવતા લોકો તેમાં જોડાયેલા હોવાનું સામે આવ્યું છે.
અમારી WhatsApp ચેનલમાં જોડાવા આ લિંક પર ક્લીક કરો
https://whatsapp.com/channel/0029VauCUMx6LwHmdrOBwa2X
આ પણ વાંચો: Gold Price Today: સોનાના ભાવમાં સતત ઘટાડો યથાવત, જાણો શું છે આજના લેટેસ્ટ રેટ












