‘બટવારા 1947’ના પ્રમોશન માટે લખનઉ પહોંચ્યા સની દેઓલ, CM યોગી સાથે કરી મુલાકાત

Promotion Of ‘Batwara 1947’ :બોલિવૂડ અભિનેતા સની દેઓલ અને પ્રીતિ ઝિંટા તેમની આગામી ફિલ્મ ‘બટવારા 1947’ને લઈને ચર્ચામાં છે. રાજકુમાર સંતોષીના નિર્દેશનમાં બનેલી આ ફિલ્મ ટૂંક સમયમાં સિનેમાઘરોમાં રિલીઝ થવાની છે. ફિલ્મના પ્રમોશન માટે શુક્રવારે 7 ઓગસ્ટે સની દેઓલ લખનઉ પહોંચ્યા હતા, જ્યાં તેમણે ઉત્તર પ્રદેશના મુખ્યમંત્રી યોગી આદિત્યનાથ સાથે મુલાકાત કરી હતી. આ દરમિયાન અભિનેત્રી પ્રીતિ ઝિંટા પણ તેમની સાથે હાજર રહી હતી.

સરકારી નિવાસસ્થાને થઈ મુલાકાત

સની દેઓલ અને પ્રીતિ ઝિંટાએ લખનઉમાં મુખ્યમંત્રી યોગી આદિત્યનાથના સરકારી નિવાસસ્થાને મુલાકાત કરી હતી. મુલાકાત દરમિયાન ફિલ્મ અને અન્ય મુદ્દાઓ અંગે વાતચીત થઈ હતી. મુલાકાત બાદ મુખ્યમંત્રીએ બંને કલાકારોને હિંદુ દેવી-દેવતાઓની મૂર્તિઓ ભેટમાં આપી હતી. ત્રણેયે સાથે ફોટોગ્રાફ્સ પણ પડાવ્યા હતા.

અમારી WhatsApp ચેનલમાં જોડાવા આ લિંક પર ક્લીક કરો

https://whatsapp.com/channel/0029VauCUMx6LwHmdrOBwa2X

સની દેઓલે મુલાકાતની તસવીરો સોશિયલ મીડિયા પર શેર કરીને મુખ્યમંત્રી સાથે મળીને ખુશી વ્યક્ત કરી હતી. યોગી આદિત્યનાથે પણ મુલાકાતની તસવીરો શેર કરી હતી.

લખનઉમાં ફિલ્મનું પ્રમોશન

‘બટવારા 1947’ની રિલીઝ પહેલાં સની દેઓલ અને પ્રીતિ ઝિંટા ફિલ્મના પ્રમોશન માટે લખનઉ પહોંચ્યા હતા. આ દરમિયાન સની દેઓલના પુત્ર કરણ દેઓલ પણ હાજર રહ્યા હતા.

ફિલ્મ 14 ઓગસ્ટ 2026ના રોજ સિનેમાઘરોમાં રિલીઝ થવાની છે. બોક્સ ઓફિસ પર તેનો મુકાબલો ઇમરાન હાશમીની ‘આવારાપન 2’ સાથે થવાની શક્યતા છે.

ભારત-પાકિસ્તાનના ભાગલા પર આધારિત છે ફિલ્મ

રાજકુમાર સંતોષીના નિર્દેશનમાં બનેલી ‘બટવારા 1947’ ભારત-પાકિસ્તાનના ભાગલાની પૃષ્ઠભૂમિ પર આધારિત છે. ફિલ્મમાં પ્રેમ, ત્યાગ અને હિંમતની કહાની રજૂ કરવામાં આવી છે.

ફિલ્મમાં સની દેઓલ અને પ્રીતિ ઝિંટા ઉપરાંત શબાના આઝમી, કરણ દેઓલ, અલી ફઝલ, અભિમન્યુ સિંહ, ખુશી હજારે અને કનિકા કપૂર સહિતના કલાકારો મહત્વની ભૂમિકામાં જોવા મળશે.

તાજેતરમાં ફિલ્મનું નવું ગીત ‘તબસ્સુમ’ પણ રિલીઝ કરવામાં આવ્યું છે, જેમાં અલી ફઝલ-ખુશી હજારે અને કરણ દેઓલ-કનિકા કપૂરના પાત્રો જોવા મળે છે.