શારદીય નવરાત્રિ 2025: ત્રિપુરા સુંદરી મંદિર રહસ્યમય શક્તિપીઠ, જ્યાં દેવી સતીના ચરણ પડ્યા! જાણો નવરાત્રિ પૂજા વિધિ અને મહત્વ

 ત્રિપુરા, 24 સપ્ટેમ્બર 2025:  માતા ત્રિપુરા સુંદરી મંદિર પૂર્વોત્તર ભારતના ત્રિપુરા રાજ્યમાં આવેલું એક મહત્વનું અને પ્રાચીન શક્તિપીઠ છે, જેને સ્થાનિક લોકો “માતાબાડી” તરીકે પણ ઓળખે છે. 15મી સદીમાં મહારાજા ધન માણિક્ય દ્વારા નિર્મિત આ મંદિર દેવી સતીના જમણા ચરણ પડવાના સ્થળ તરીકે માન્યતા પ્રાપ્ત કરે છે અને તે તંત્ર સાધના માટે પણ પ્રખ્યાત છે.

દેવી ત્રિપુરા સુંદરીની કાળા ગ્રેનાઈટ પથ્થરની મૂર્તિ મંદિરનું મુખ્ય આકર્ષણ છે અને અહીં નવરાત્રિ તથા દિવાળી પર વિશેષ પૂજા-અર્ચના થાય છે.

ત્રિપુરા સુંદરી મંદિરનો ઇતિહાસ શું છે?

ત્રિપુરા સુંદરી દસ મહાવિદ્યાઓમાંથી એક સૌમ્ય કોટીની માતા છે. અહીં તેમની સાથે વિરાજમાન ભૈરવને ત્રિપુરેશ તરીકે ઓળખવામાં આવે છે. માતાની આ પીઠને કૂર્મપીઠ પણ કહેવામાં આવે છે.

ત્રિપુરા સુંદરી મંદિરનું રહસ્ય શું છે?

ત્રિપુરાના ગોમતી જિલ્લામાં આવેલું ત્રિપુરા સુંદરી મંદિર માત્ર 524 વર્ષ જૂનું પવિત્ર ધામ નથી, પરંતુ તે દેવી શક્તિનું જીવંત પ્રતીક પણ માનવામાં આવે છે.

માન્યતા છે કે, અહીં માતા સતીનો જમણો પગ પડ્યો હતો, જેના કારણે તેને શક્તિપીઠનો દરજ્જો પ્રાપ્ત થયો છે. અહીં પહોંચનાર દરેક ભક્ત એક અદ્ભુત દિવ્ય શાંતિ અને ઊર્જાનો અનુભવ કરે છે.

ત્રિપુરા સુંદરી મંદિર કેમ પ્રખ્યાત છે?

આ દેશના સૌથી પવિત્ર હિંદુ તીર્થસ્થળોમાંનું એક છે અને આસામના કામાખ્યા મંદિર પછી, પૂર્વોત્તર ભારતના આ મંદિરમાં સૌથી વધુ શ્રદ્ધાળુઓ આવે છે. ત્રિપુરા રાજ્યનું નામ આ મંદિરના નામ પરથી જ રાખવામાં આવ્યું છે.

શારદીય નવરાત્રિમાં ત્રિપુરા સુંદરીમાં પૂજા કેવી રીતે થાય છે?

ત્રિપુરા સુંદરી મંદિરમાં શારદીય નવરાત્રિમાં મા દુર્ગાના નવ અવતારોની પૂજા ખૂબ ઉત્સાહ અને ભક્તિથી થાય છે. મંદિર એક ‘કૂર્મ પીઠ’ એટલે કે કાચબાના આકારની ટેકરી પર આવેલું છે અને તે પૂર્વ ભારતના 51 શક્તિપીઠોમાંનું એક છે.

પૂજામાં ખાસ કરીને દેવી ત્રિપુરસુંદરીનું આહ્વાન કરવામાં આવે છે અને ‘ॐ ह्रीं श्रीं त्रिपुर सुंदरीयै नमः’ મંત્રનો જાપ કરવામાં આવે છે. ભક્તો વિવિધ મનોકામનાઓની પૂર્તિ માટે દાડમનો ભોગ ધરાવે છે.

ત્રિપુરા સુંદરી મંદિરમાં શારદીય નવરાત્રિની પૂજા વિધિ અને સામગ્રી

પૂજાનો સમય

નવરાત્રિ દરમિયાન, ખાસ કરીને સવારે 9 વાગ્યે અથવા રાત્રે 9 થી 11 વાગ્યાની વચ્ચે પૂજા કરવામાં આવે છે.

મંત્ર જાપ

કમલગટ્ટાની માળાથી ‘ॐ श्रीं ऊं’ અથવા ‘ॐ ह्रीं श्रीं त्रिपुर सुंदरीयै नमः’ મંત્રનો જાપ કરો.

ભોગ

દેવી ત્રિપુરસુંદરીને દાડમનો ભોગ ચઢાવવામાં આવે છે.

અન્ય સામગ્રી

પૂજામાં ધૂપ, દીપ, રોલી, ચંદન, નારિયેળ, ફૂલ અને મિષ્ટાન્ન વગેરેનો ઉપયોગ થાય છે.

ડિસ્ક્લેમર: અહીં આપવામાં આવેલી માહિતી ફક્ત માન્યતાઓ અને જાણકારીઓ પર આધારિત છે. અહીં એ જણાવવું જરૂરી છે કે HD ન્યુઝ કોઈ પણ પ્રકારની માન્યતા, માહિતીની પુષ્ટિ નથી કરતું. કોઈ પણ માહિતી અથવા માન્યતાને અમલમાં લાવતા પહેલાં સંબંધિત નિષ્ણાતની સલાહ લો.

આ પણ વાંચો : આટલી હદે ક્રુરતા! નવજાતના મોંમાં પથ્થર ઠૂસ્યો; ફેવીક્વિક ચીપકાવી અને જંગલમાં ફેંકી દીધો