છત્તીસગઢમાં સુરક્ષાદળોને મોટી સફળતા મળી, અત્યાર સુધીમાં 13 નક્સલીઓને કર્યા ઠાર

બીજાપુર (છત્તીસગઢ), 03 એપ્રિલ: છત્તીસગઢના બીજાપુરમાં સુરક્ષાદળો અને નક્સલવાદીઓ વચ્ચે મોટી અથડામણ થઈ છે. 2 એપ્રિલના રોજ થયેલા એન્કાઉન્ટરમાં ઘણા નક્સલવાદીઓ માર્યા ગયા હોવાના અહેવાલ છે. આ એન્કાઉન્ટર બાદ અત્યાર સુધીમાં 13 નક્સલીઓના મૃતદેહ મળી આવ્યા છે. પ્રાપ્ત માહિતી અનુસાર, આ એન્કાઉન્ટર 2 એપ્રિલના રોજ ગંગાલુર પોલીસ સ્ટેશન વિસ્તારના કોરચોલીના જંગલોમાં થયું હતું.

#UPDATE | Chhattisgarh: A total of 13 bodies of naxals recovered so far following the encounter between naxals and security forces in Bijapur district.

The encounter ensued yesterday, 2nd April.

— ANI MP/CG/Rajasthan (@ANI_MP_CG_RJ) April 3, 2024

એન્કાઉન્ટરમાં ઘણા નક્સલવાદીઓ પણ ઘાયલ થયા છે. તેમને શોધવા માટે સુરક્ષા દળો દ્વારા સર્ચ ઑપરેશન ચલાવવામાં આવી રહ્યું છે અને વિસ્તારને ચારે બાજુથી ઘેરી લેવામાં આવ્યો છે. માર્યા ગયેલા નક્સલવાદીઓ પાસેથી INSAS LMG જેવા ઓટોમેટિક હથિયારો પણ મળી આવ્યા છે. ડીઆરજી, સીઆરપીએફ, કોબ્રા બટાલિયન અને બસ્તર બટાલિયનના જવાનો નક્સલવાદીઓ સામેના આ એન્કાઉન્ટરમાં સામેલ થયા છે. આ એન્કાઉન્ટર કેટલાક કલાકો સુધી ચાલ્યું હતું. સર્ચ ઑપરેશન ચાલુ છે.

ઘણા નક્સલવાદીઓ નાસી છૂટ્યા હતા

સુરક્ષા દળોની કાર્યવાહીથી ડરી ગયેલા નક્સલવાદીઓ સ્થળ પરથી ભાગી ગયા હતા. વિસ્તારમાં સર્ચ ઑપરેશન ચાલી રહ્યું છે. આ ઘટના સાથે, આ વર્ષે અત્યાર સુધીમાં બીજાપુર જિલ્લા સહિત બસ્તર ક્ષેત્રમાં સુરક્ષા દળો સાથે અલગ-અલગ એન્કાઉન્ટરમાં 37 નક્સલવાદીઓ માર્યા ગયા છે, પોલીસ અધિકારીઓએ જણાવ્યું હતું. સુકમા જિલ્લો બસ્તર લોકસભા ક્ષેત્રમાં છે જ્યાં 19 એપ્રિલે સામાન્ય ચૂંટણીના પ્રથમ તબક્કામાં મતદાન થશે.

આ પણ વાંચો: છત્તીસગઢમાં 6 નક્સલીઓ ઠાર, સુરક્ષાદળોનું સર્ચ ઑપરેશન ચાલુ