આવો માણસ સેનામાં શું કરતો હતો? ઈસાઈ ઓફિસરની કટ્ટરતા પર સુપ્રીમ કોર્ટની આકરી ટિપ્પણી

નવી દિલ્હી: 25 નવેમ્બર, 2025: સશસ્ત્ર દળોમાં ધાર્મિક આચરણ સાથે જોડાયેલા એક મહત્ત્વપૂર્ણ કેસમાં સુપ્રીમ કોર્ટે મંગળવારે (25 નવેમ્બર) ભારતીય સેનામાંથી બરતરફ કરાયેલા ખ્રિસ્તી અધિકારી સેમ્યુઅલ કમલેસનની અરજીને ફગાવી દીધી છે. કોર્ટે તેમના આચરણને ઘોર અનુશાસનહીનતા (Gross Indiscipline) ગણાવીને કહ્યું કે, આવા ઝઘડાળુ (Cantankerous) અને ધાર્મિક કટ્ટર વ્યક્તિઓ સેનામાં ન હોઈ શકે.

મુખ્ય ન્યાયાધીશ (CJI) સૂર્ય કાંતની અધ્યક્ષતાવાળી બેન્ચે કહ્યું કે, “જો કોઈ સેના અધિકારીનું આવું વલણ હશે તો પછી શું કહેવું! આ ઘોર અનુશાસનહીનતા છે. તે ભલે ગમે તેટલા સારા અધિકારી રહ્યા હોય, પણ ભારતીય સેના માટે મિસફિટ છે… સેના પાસે આજે જેટલી મોટી જવાબદારીઓ છે, તેમાં આવા વ્યક્તિઓને જગ્યા આપી શકાય નહીં.”

શું હતો મામલો?

થર્ડ હોર્સ કેવલરી રેજિમેન્ટના પૂર્વ લેફ્ટનન્ટ સેમ્યુઅલ કમલેસનને માર્ચ 2017માં બરતરફ કરવામાં આવ્યા હતા. ખ્રિસ્તી અધિકારી હોવાના કારણે તેમણે પોતાની રેજિમેન્ટમાં યોજાતી ધાર્મિક પરેડ (મંદિર અને ગુરુદ્વારા) માં ભાગ લેવાનો ઇનકાર કરી દીધો હતો. તેમણે વરિષ્ઠ અધિકારીના એ આદેશનું પાલન કરવાનો ઇનકાર કરી દીધો હતો, જેમાં તેમને પંજાબ સ્થિત એક ગુરુદ્વારાની અંદર જઈને પૂજા સંબંધિત વિધિ (પૂજા) માં ભાગ લેવાનું કહેવામાં આવ્યું હતું. તેમનો તર્ક હતો કે, ખ્રિસ્તી હોવાના કારણે તે મંદિર કે ગુરુદ્વારાના મુખ્ય ગર્ભગૃહમાં જઈ શકે નહીં.

જોકે, સેનાએ કહ્યું કે, કમાન્ડિંગ અધિકારીઓ અને ખ્રિસ્તી પાદરીએ પણ તેમને સમજાવ્યું હતું કે ‘સર્વ-ધર્મ સ્થળ’ માં જવું ખ્રિસ્તી ધર્મની વિરુદ્ધ નથી, છતાં અધિકારીએ પોતાનું વલણ બદલ્યું નહીં. આ આધારે 2021માં તેમને સેવામાંથી બરતરફ કરાયા હતા.

સુપ્રીમ કોર્ટનો ચુકાદો

મે 2024માં દિલ્હી હાઇકોર્ટે પણ કમલેસનની અરજી ફગાવી દીધી હતી અને આ મામલાને અનાચાર અને અનુશાસનહીનતા ગણાવ્યો હતો.

ન્યાયાધીશોની ટિપ્પણી

જસ્ટિસ જૉયમાલા બાગચીએ કહ્યું કે, “જ્યારે તમારા પોતાના પાદરી તમને સલાહ આપે છે, તો તમારે તેનું જ પાલન કરવું જોઈએ. તમે તમારી ખાનગી સમજણના આધારે નક્કી કરી શકતા નથી કે તમારી વર્દીમાં રહેતા તમારો ધર્મ શું પરવાનગી આપે છે અને શું નહીં.”

CJI સૂર્ય કાંતે કહ્યું કે, “આ વ્યક્તિ સેનામાં કેવો સંદેશ આપી રહ્યો છે? આ ભારે અનુશાસનહીનતા છે… આવા લોકો માટે સેનામાં કોઈ સ્થાન નથી.”

કોર્ટે સ્પષ્ટ કહ્યું કે બંધારણ તમને તમારા ધર્મનું પાલન કરવાનો અધિકાર આપે છે, પરંતુ વર્દીમાં રહેતા તમારું વર્તન સૈન્ય અનુશાસનથી બંધાયેલું હોય છે. ખાનગી આસ્થાના નામે સેનાના આદેશને અવગણી ન શકો.

આ પણ વાંચોઃ ઇથોપિયામાં જ્વાળામુખી ફાટવાથી ભારતના અનેક રાજ્યોમાં બન્યા રાખના વાદળ, જાણો ક્યાં સુધી રહેશે તેની અસર

આ પણ વાંચોઃ T20 World Cup 2026 : T20 વર્લ્ડ કપનું શેડ્યૂલ જાહેર, ભારત આ મેદાન પર પાકિસ્તાન સામે રમશે