મારે જે કરવાનું હતું તે કરી લીધું, હવે કંઈ કરવાની જરુર નથી: રોહિત શર્મા અને ઝહીર ખાન વચ્ચેની વાત લીક થઈ

IPL 2025: લખનઉના ઈકાના ક્રિકેટ સ્ટેડિયમમાં લખનઉ સુપર જાયંટ્સ અને મુંબઈ ઈંડિયસની વચ્ચે મેચ રમાઈ ગઈ. પણ મેચ પહેલા રોહિત શર્મા અને ઝહીર ખાનની વચ્ચે કંઈક વાત થઈ, જે બાદ સોશિયલ મીડિયા પર હોબાળો થઈ ગયો. અમુક યુઝર્સનું કહેવું છે કે, મુંબઈ ઈંડિયંસે રોહિતને બદનામ કરવા માટે આ વીડિયો શેર કર્યો છે. તો વળી કેટલાય યુઝર્સ રોહિત વિરુદ્ધ ઊભા થઈ ગયા છે. તો આવો જાણીએ શું છે આખો મામલો.

મુંબઈ ઈંડિયંસ ક્રિકેટ ટીમે મેચ પહેલા ગુરુવારે ઈકાના ક્રિકેટ સ્ટેડિયમમાં પ્રેક્ટિસ કરી હતી. આ દરમ્યાન લખનઉના પ્લેયર્સ પણ ત્યાં ટ્રેનિંગ કરી રહ્યા હતા. જેનો એક વીડિયો પણ બનાવ્યો છે. જેને મુંબઈ ઈંડિયંસે પોતાના સોશિયલ મીડિયા પેજ એક્સ પર શેર કર્યો છે. આ વીડિયોમાં ઋષભ પંત આવે છે અને રોહિત શર્માને પાછળથી પકડી લે છે. આ દરમ્યાન રોહિત અને ઝાહીરની અમુક વાતો લીક થઈ ગઈ.

Q: For how long are you going to watch this reel? 😍

A: Haaanjiiii 🫂💙#MumbaiIndians #PlayLikeMumbai #TATAIPL #LSGvMI pic.twitter.com/e2oxVieoz2

— Mumbai Indians (@mipaltan) April 3, 2025

શું વાત કરી રહ્યા હતા?

રોહિત શર્મા ઝહીર ખાનને કહી રહ્યા હતા, “મારે જે કંઈ કરવાનું હતું, મેં તે યોગ્ય રીતે કર્યું, હવે મારે કંઈ કરવાની જરૂર નથી.” આ પછી, સોશિયલ મીડિયા બે જૂથોમાં વહેંચાઈ ગયું છે. એક જે રોહિતના પક્ષમાં છે અને બીજો જે રોહિતની વિરુદ્ધ છે. કેટલાક ચાહકો ટિપ્પણીઓમાં કહી રહ્યા છે કે મુંબઈ ઇન્ડિયન્સે રોહિતનું નિવેદન જાણી જોઈને તેને બદનામ કરવા માટે શેર કર્યું છે. જ્યારે કેટલાક રોહિત શર્મા વિરુદ્ધ બોલી રહ્યા છે.

આ ચેટ પરથી, ચાહકો અનુમાન લગાવી રહ્યા છે કે તે તેના ફોર્મ વિશે વાત કરી રહ્યો હતો અને હવે તેને કંઈ કરવાની જરૂર નથી. જોકે, આ સ્પષ્ટ રીતે કહી શકાય નહીં કારણ કે વીડિયોમાં ફક્ત 3-4 સેકન્ડની વાતચીત કેદ થઈ છે. અહીં ઉલ્લેખનિય છે કે, ગયા વર્ષે મુંબઈ ઈન્ડિયન્સે રોહિત શર્માને કેપ્ટનશીપ પરથી હટાવીને હાર્દિક પંડ્યાને કેપ્ટન બનાવ્યો હતો. રોહિતની કેપ્ટનશીપ હેઠળ, ટીમે 5 IPL ટાઇટલ જીત્યા છે.

રોહિત શર્મા હજુ સુધી IPL 2025 માં સારું પ્રદર્શન કરી શક્યો નથી. CSK સામેની પહેલી મેચમાં તે શૂન્ય રનમાં આઉટ થયો હતો. બીજી મેચમાં, ગુજરાત ટાઇટન્સ સામે 8 રન બનાવ્યા બાદ તેને વાપસી કરવી પડી. મુંબઈ ઈન્ડિયન્સને બંને મેચમાં હારનો સામનો કરવો પડ્યો હતો. KKR સામેની છેલ્લી મેચમાં રોહિતે ફક્ત 13 રન બનાવ્યા હતા. તેણે 3 મેચમાં ફક્ત 21 રન બનાવ્યા છે.

આ પણ વાંચો: નોટોના બંડલ ભરેલું ATM મશીન ઉખાડીને લઈ ગયા ચોર, CCTVમાં કાંડ કેદ થયો