મુલાયમ સિંહ યાદવની નાની પુત્રવધૂ અપર્ણા યાદવનું ઘર તુટશે, પ્રતીક યાદવ છૂટાછેડા આપશે
સમાજવાદી પાર્ટીના વડા અખિલેશ યાદવના ભાઈ પ્રતીક યાદવે તેમની પત્ની અપર્ણા યાદવથી છૂટાછેડા લેવાની જાહેરાત કરી છે. ઇન્સ્ટાગ્રામ પર એક પોસ્ટમાં, પ્રતીક યાદવે અપર્ણા યાદવ પર ગંભીર આરોપો લગાવ્યા છે. પોતાની પોસ્ટમાં, પ્રતીક યાદવે જણાવ્યું કે એક “સ્વાર્થી મહિલા” એ તેમના પરિવારને બરબાદ કરી દીધો છે અને તે ટૂંક સમયમાં છૂટાછેડાની કાર્યવાહી શરૂ કરશે.
તેમણે પોતાની માનસિક સ્થિતિ ખરાબ ગણાવતા કહ્યું કે આ મુશ્કેલ સમયમાં પણ તેમની પત્ની તેમની પરવા કરતી નથી. અપર્ણા યાદવને સ્વાર્થી ગણાવતા, પ્રતીકે તેમના પારિવારિક સંબંધો બગાડવા વિશે લખ્યું. તેમણે કહ્યું કે અપર્ણા ફક્ત ફેમસ થવા માંગે છે. તે ગંભીર માનસિક સ્થિતિમાંથી પસાર થઈ રહ્યો છે, પરંતુ અપર્ણા યાદવને તેની પરવા નથી. પ્રતીકે કઠોર શબ્દોમાં લખ્યું, “Never seen such a bad soul.”
View this post on Instagram
પ્રતીક યાદવની આ પોસ્ટ બાદ રાજકીય જગતમાં ગરમાવો આવવાની અટકળો શરૂ થઈ ગઈ છે. ભાજપ નેતા અને ઉત્તર પ્રદેશ મહિલા આયોગના ઉપાધ્યક્ષ અપર્ણા યાદવ અને પ્રતીક યાદવના લગ્ન પહેલાથી જ ઘણા રાજકીય વિવાદનું કેન્દ્ર રહ્યા છે. પ્રતીકની ઇન્સ્ટાગ્રામ પોસ્ટે રાજકીય અને પારિવારિક વર્તુળોમાં ખળભળાટ મચાવી દીધો છે.
આ પણ વાંચો: શંકરાચાર્ય અવિમુક્તેશ્વરાનંદ 12 સમર્થકો સાથે ભૂખ હડતાળ પર બેઠા
