PM મોદીએ ફોન પર રેલીને સંબોધિત કરી, બંગાળના લોકોની માંફી માંગી

ખરાબ હવામાનને કારણે પીએમ મોદી પશ્ચિમ બંગાળના તાહેરપુરમાં એક રેલીમાં હાજરી આપી શક્યા ન હતા. તેમનું હેલિકોપ્ટર ત્યાં ઉતરી શક્યું ન હતું. ત્યારબાદ, પીએમ મોદીએ ફોન દ્વારા રેલીને સંબોધિત કરી અને જનતાની માફી માંગી, કહ્યું, “હું ત્યાં હાજર રહેવાનો હતો પણ ખરાબ હવામાનને કારણે રહી શક્યો નહીં.” પોતાની વાત પૂરી કરતા પીએમએ કહ્યું કે જ્યારે તેઓ ત્યાં આવશે, ત્યારે તેઓ બંગાળના વિઝન વિશે લોકો સાથે વાત કરશે.

ફોન દ્વારા રેલીને સંબોધતા વડા પ્રધાન મોદીએ કહ્યું કે તૃણમૂલ કોંગ્રેસ તેમનો અને ભારતીય જનતા પાર્ટી (ભાજપ)નો ગમે તેટલો વિરોધ કરે, પશ્ચિમ બંગાળની પ્રગતિ રોકાવી ના જોઈએ. તેમની સરકારનું લક્ષ્ય બંગાળના દૂરના વિસ્તારો સાથે આધુનિક જોડાણ સુનિશ્ચિત કરવાનું છે, જે પછાતપણાનો સામનો કરી રહ્યા છે.

બિહાર ચૂંટણીમાં તાજેતરમાં મળેલી ઐતિહાસિક જીતનો ઉલ્લેખ કરતા પીએમ મોદીએ કહ્યું કે બિહાર ચૂંટણીના પરિણામોએ પશ્ચિમ બંગાળમાં ભાજપ માટે દરવાજા ખોલી નાખ્યા છે. તેમણે બિહારના લોકોને રાજ્યમાં ડબલ-એન્જિન સરકાર બનાવવાની તક આપવા વિનંતી કરી. પીએમએ કહ્યું કે તેઓ રાજ્યના વિકાસ માટે તમામ પ્રયાસો કરશે.

મમતા બેનર્જી સરકાર પર પ્રહાર કરતા પીએમએ કહ્યું કે તૃણમૂલ કોંગ્રેસ ઘુસણખોરોને ટેકો આપી રહી છે. મમતા દીદી SIRનો વિરોધ કરી રહી છે કારણ કે તે ઘુસણખોરોને રક્ષણ આપી રહી છે અને આ ઘુસણખોરોની ઓળખ છુપાવવા માંગે છે.

આ પણ વાંચો: બેંક એકાઉન્ટ “1111111111”, અનેક ID પર એક જ ફોટો… પ્રધાનમંત્રી કૌશલ વિકાસ યોજના પર CAGનો ચોંકાવનારો રિપોર્ટ