‘શિક્ષણ મંત્રીને કેમ હટાવતા નથી?’ NEET પેપર લીક મામલે રાહુલ ગાંધીએ PM મોદીને કર્યો સવાલ

Rahul Gandhi: લોકસભામાં વિપક્ષના નેતા અને કોંગ્રેસના સાંસદ રાહુલ ગાંધીએ NEET પેપર લીક મામલે કેન્દ્ર સરકાર પર આકરા પ્રહારો કર્યા. તેમણે પ્રધાનમંત્રીને સવાલ પૂછતા કહ્યું કે વારંવાર પરીક્ષાના પેપર લીક થઈ રહ્યા છે, છતાં અત્યાર સુધી શિક્ષણ મંત્રીને કેમ હટાવવામાં આવ્યા નથી?

રાહુલ ગાંધી સતત NEET પેપર લીકનો મુદ્દો ઉઠાવી રહ્યા છે. તેમણે સોશિયલ મીડિયા પ્લેટફોર્મ X પર પોસ્ટ કરીને કેન્દ્ર સરકારની કામગીરી પર સવાલ ઉઠાવ્યા છે.

2024 અને 2026ના NEET પેપર લીકનો કર્યો ઉલ્લેખ

રાહુલ ગાંધીએ પોતાની પોસ્ટમાં લખ્યું કે વર્ષ 2024માં NEET પેપર લીક થયું હતું, પરંતુ પરીક્ષા રદ કરવામાં આવી નહોતી અને કોઈ મંત્રીએ રાજીનામું પણ આપ્યું નહોતું. તે સમયે મામલાની તપાસ CBIને સોંપવામાં આવી હતી અને એક કમિટી બનાવવામાં આવી હતી. હવે 2026માં ફરી NEET પેપર લીક થયું છે. આ વખતે પરીક્ષા રદ કરવામાં આવી, છતાં શિક્ષણ મંત્રીએ રાજીનામું આપ્યું નથી. મામલાની તપાસ ફરી CBI કરી રહી છે અને હવે નવી કમિટી બનાવવામાં આવશે.

PM મોદીને પૂછ્યા ત્રણ મોટા સવાલ

રાહુલ ગાંધીએ પ્રધાનમંત્રી મોદીને સીધા ત્રણ સવાલ પૂછ્યા. તેમણે કહ્યું કે દેશ જવાબ માંગે છે કે વારંવાર પેપર લીક કેમ થઈ રહ્યા છે. તેમણે પૂછ્યું કે “પરીક્ષા પે ચર્ચા” પર સરકાર શા માટે ચૂપ છે અને સતત નિષ્ફળ થઈ રહેલા શિક્ષણ મંત્રીને પદ પરથી કેમ હટાવવામાં નથી આવતા?

જવાબદારીથી ભાગી રહી છે મોદી સરકાર

એક અન્ય પોસ્ટમાં રાહુલ ગાંધીએ આરોપ લગાવ્યો કે મોદી સરકાર જવાબદારી સ્વીકારવાની જગ્યાએ મામલાને દબાવવાનો પ્રયાસ કરે છે. તેમણે લખ્યું કે પહેલા સરકાર લાંબા સમય સુધી ચૂપ રહે છે, પછી આરોપીઓને બચાવવાનો પ્રયાસ થાય છે અને સવાલ ઉઠાવનારાઓ પર હુમલો કરવામાં આવે છે. રાહુલ ગાંધીએ કહ્યું કે NEET પેપર લીક થયા પછી પણ કોઈ મંત્રીએ રાજીનામું આપ્યું નથી. તેમણે આક્ષેપ કર્યો કે 2024માં નેશનલ ટેસ્ટિંગ એજન્સીના ડીજીને હટાવીને બાદમાં તેમને મુખ્યમંત્રીના મુખ્ય સચિવ બનાવવામાં આવ્યા હતા.

NEET 2024:
पेपर लीक हुआ। परीक्षा रद्द नहीं हुई। मंत्री ने इस्तीफ़ा नहीं दिया। CBI ने जांच बिठाई। एक कमेटी बनी।

NEET 2026:
पेपर लीक हुआ। परीक्षा रद्द हुई। मंत्री ने फिर इस्तीफ़ा नहीं दिया। CBI फिर जाँच कर रही है। एक और कमेटी बनेगी।

मोदी जी, देश आपसे कुछ सवाल पूछ रहा है – जवाब…

— Rahul Gandhi (@RahulGandhi) May 17, 2026

22 લાખ વિદ્યાર્થીઓ સાથે દગો

રાહુલ ગાંધીએ એક અન્ય પોસ્ટમાં કેન્દ્રીય શિક્ષણ મંત્રી ધર્મેન્દ્ર પ્રધાન પર પણ નિશાન સાધ્યું. તેમણે કહ્યું કે શિક્ષણ મંત્રીએ 22 લાખ NEET વિદ્યાર્થીઓ સાથે દગો કર્યો છે અને સંસદનું પણ અપમાન કર્યું છે. રાહુલ ગાંધીએ આરોપ લગાવ્યો કે સંસદીય સમિતિની રિપોર્ટને માત્ર એટલા માટે નકારી દેવામાં આવી, કારણ કે તેમાં વિપક્ષના સાંસદો સામેલ હતા. તેમણે કહ્યું કે જે સરકાર સંસદ પર વિશ્વાસ નથી કરતી, તે NEET સુધારાઓ પર શું વિશ્વાસ અપાવી શકશે? રાહુલ ગાંધીએ માંગ કરી કે શિક્ષણ મંત્રીને તાત્કાલિક પદ પરથી હટાવવામાં આવે.

NTA ઓફિસ બહાર વિદ્યાર્થીઓનો વિરોધ

NEET પેપર લીક મામલે વિદ્યાર્થીઓમાં પણ ભારે રોષ જોવા મળી રહ્યો છે. શનિવારે NSUIના નેતૃત્વ હેઠળ સેંકડો વિદ્યાર્થીઓએ NTA ઓફિસ બહાર વિરોધ પ્રદર્શન કર્યું હતું. પ્રદર્શન કરી રહેલા વિદ્યાર્થીઓએ આરોપ લગાવ્યો કે ભ્રષ્ટ NTA અને મોદી સરકારે NEET કૌભાંડ દ્વારા વિદ્યાર્થીઓનું ભવિષ્ય બરબાદ કરી દીધું છે. પ્રદર્શનકારીઓએ બે મુખ્ય માંગણીઓ કરી: પહેલી, કેન્દ્રીય શિક્ષણ મંત્રીની બરતરફી અને બીજી, NTA પર પ્રતિબંધ.

આ પણ વાંચો: ‘જે કરવું હોય કરી લો…’ દિલ્હી મેટ્રોની લિફ્ટમાં મહિલાઓ સામે વડીલે કર્યો પેશાબ અને…