ધોતી-કુર્તા વાળો પતિ નથી જોઈતો…સબ-ઇન્સ્પેક્ટર બનતા જ પત્નીએ માંગ્યા છૂટાછેડા

મધ્ય પ્રદેશની રાજધાનીમાંથી સંબંધોના બદલાતા સ્વરૂપની એક એવી ઘટના સામે આવી છે, જે માત્ર આશ્ચર્યજનક જ નહીં, પરંતુ વિચારવા મજબુર દે છે. અહીં, પોલીસ વિભાગમાં સબ-ઇન્સ્પેક્ટર (SI) તરીકે સેવા આપતી એક પત્ની હવે તેના પતિ પાસેથી છૂટાછેડા માંગી રહી છે, જેણે પોતાની મહેનતથી કમાયેલા પૈસાથી તેને આ પદ સુધી પહોંચવામાં મદદ કરી હતી. છૂટાછેડાનું કારણ કોઈ ઝઘડો નથી, પરંતુ પતિનો પહેરવેશ અને તેની પૂજારી ફરજો છે.

ભોપાલની ફેમિલી કોર્ટમાં હાલમાં સુનાવણી ચાલી રહી છે, આ કેસમાં પત્ની (સોનમ – નામ બદલ્યું છે) એ કાઉન્સેલિંગ દરમિયાન જણાવ્યું હતું કે તેણીને તેના પતિ સાથે ક્યાંય પણ જવામાં શરમ આવે છે. તેનો પતિ (રોહિત – નામ બદલ્યું છે) વ્યવસાયે પૂજારી છે, ધોતી-કુર્તા પહેરે છે અને ચોટી રાખે છે. સબ-ઇન્સ્પેક્ટર પત્ની માને છે કે તેના પતિનો આ પરંપરાગત દેખાવ તેના વર્તમાન પ્રોફાઇલ અને સ્થિતિ સાથે મેળ ખાતો નથી. કાઉન્સેલિંગ દરમિયાન તેણે કડક શબ્દોમાં ત્યાં સુધી કહી દીધું કે, “તમારી હેસિયત નથી કે તમે મને તમારી સાથે રાખી શકો.”

બીજી બાજુ, પતિ રોહિતની કહાની ખૂબ જ ભાવુક છે. તેણે જણાવ્યુ કે છ વર્ષ પહેલા જ્યારે તેમના લગ્ન થયા, ત્યારે પત્ની પાસે કોઈ નોકરી નહોતી. રોહિતે પોતાની આવકમાંથી એક એક પૈસો બચાવ્યો, જેથી તે પોતાની પત્નીના સપનાને પૂરા કરી શકે. તેણે તેને માત્ર ગ્રેજ્યુએશન જ કરાવ્યું નહીં, પણ સ્પર્ધાત્મક પરીક્ષાઓ માટેનુ કોચિંગ અને પુસ્તકોનો ખર્ચ પણ કર્યો.

પતિ કહે છે કે તેની મહેનત રંગ લાવી અને તેની પત્ની ‘સબ ઇન્સ્પેક્ટર’ બની, પરંતુ તેને ખ્યાલ નહોતો કે યુનિફોર્મ મળતાની સાથે જ તેની પત્નીની નજરમાં તેનો આદર ખતમ થઈ જશે.

કાઉન્સેલિંગમાં પોતાનું દુઃખ વ્યક્ત કરતા, રોહિતે કહ્યું કે તે એ હકીકતથી ખૂબ જ દુઃખી છે કે જે સ્ત્રીને તેણે પોતાનું જીવન બનાવવામાં મદદ કરી, તે હવે તેના “અસ્તિત્વ” અને “સરળતા” પર પ્રશ્ન ઉઠાવી રહી છે. જોકે તે હજુ પણ આ 6 વર્ષ જૂના સંબંધને બચાવવાનો પ્રયાસ કરી રહ્યો છે, તેની પત્નીના વર્તન અને તેની સ્ટેટસ વાળી માનસિકતાએ તેને ખૂબ જ આઘાત આપ્યો છે.

ફેમિલી કોર્ટમાં કાઉન્સેલિંગ ચાલુ છે

કોર્ટના નિષ્ણાતો કહે છે કે પદ અને પ્રતિષ્ઠા મેળવ્યા પછી પોતાના જીવનસાથી પ્રત્યેના વલણમાં ફેરફાર એ એક ગંભીર માનસિક સમસ્યા બની રહી છે. હાલમાં કાઉન્સેલિંગ ચાલી રહ્યું છે અને કેસનું સમાધાન કરવાના પ્રયાસો કરવામાં આવી રહ્યા છે, પરંતુ સબ-ઇન્સ્પેક્ટર પત્ની છૂટાછેડા પર અડગ છે.

આ પણ વાંચો: સોમનાથથી નીકળી શૌર્ય યાત્રા, PM મોદીએ હાથ હલાવીને લોકોનુ અભિવાદન કર્યું, જુઓ વીડિયો