VIDEO: રેલવે ટ્રેક ક્રોસ કરી રહેલી સ્કૂલ બસને ટ્રેને ટક્કર મારી, 3 વિદ્યાર્થીઓના મૃત્યુ
Bus Accident in Tamil Nadu: તમિલનાડુના કુડ્ડલોર જિલ્લામાં આવેલા સંબંકુપ્પમ રેલવે ક્રોસિંગ પર એક ભયાનક અકસ્માત થયો હતો. એક સ્કૂલ બસ ટ્રેન સાથે અથડાઈ, જેમાં ત્રણ વિદ્યાર્થીઓના મૃત્યુ થયા અને ઘણા લોકો ઘાયલ થયા છે. આ ઘટનાનો એક વીડિયો પણ સામે આવ્યો છે, જેમાં સ્પષ્ટપણે જોઈ શકાય છે કે સ્કૂલ બસ રેલવે ટ્રેક ક્રોસ કરી રહી હતી ત્યારે હાઇ-સ્પીડ ટ્રેન તેને ટક્કર મારી દીધી.
મળતી માહિતી મુજબ, બસ ચાલકે રેલવે સિગ્નલ જોયા વિના રેલવે ટ્રેક પાર કરવાની કોશિશ કરી હતી. ત્યારે આ અકસ્માત થયો હતો. આ દરમિયાન એક હાઇ સ્પીડ ટ્રેને બસને ટક્કર મારી દીધી. વીડિયોમાં સ્પષ્ટપણે જોઈ શકાય છે કે ટક્કર એટલી ગંભીર હતી કે બસના ટુકડા અહીં-ત્યાં વિખેરાઈ ગયા હતા.
#WATCH | Tamil Nadu | School bus crossing railway tracks hit by train in Sembankuppam, Cuddalore District
Details awaited. pic.twitter.com/uk6vYz6hhf
— ANI (@ANI) July 8, 2025
ઘાયલોની સારવાર ચાલુ છે
અકસ્માતમાં ત્રણ વિદ્યાર્થીઓના મૃત્યુ થયા છે અને ઘણા વિદ્યાર્થીઓ ઘાયલ થયા છે. ઘાયલ વિદ્યાર્થીઓને નજીકની હોસ્પિટલમાં દાખલ કરવામાં આવ્યા છે, જ્યાં તેમની સારવાર ચાલી રહી છે. તે જ સમયે, ઘટનાની માહિતી મળતા જ પોલીસ અને રાહત કાર્યકરો ઘટનાસ્થળે પહોંચી ગયા છે અને બચાવ કાર્ય શરુ કરી દીધું હતું.
આ પણ વાંચો: મેદાન પર ટીમ ઈંડિયાને દાદાગીરી શીખવાડનારા દાદાનો આજે જન્મદિવસ, ધોની-યુવરાજ-સેહવાગને ઝીરોમાંથી હીરો બનાવ્યા
