Mahashivratri 2026: 15 કે 16 ફેબ્રુઆરી, ક્યારે છે મહાશિવરાત્રિ? જાણો શુભ મુહૂર્ત અને પૂજા વિધિ

નવી દિલ્હીઃ 31 જાન્યુઆરી, 2026: આ વર્ષે મહાશિવરાત્રીનો તહેવાર સર્વાર્થ સિદ્ધિ યોગમાં ઉજવવામાં આવશે. ફાગણ મહિનાની શિવરાત્રીના વ્રતનો આ દુર્લભ સંયોગ આધ્યાત્મિક દ્રષ્ટિએ અત્યંત મહત્વપૂર્ણ માનવામાં આવે છે. જ્યોતિષશાસ્ત્ર અનુસાર, મહાશિવરાત્રી એ અજ્ઞાનતાના અંધકારને દૂર કરી જ્ઞાનનો દીપ પ્રગટાવવાનું પર્વ છે. પ્રસિદ્ધ જ્યોતિષાચાર્ય ડો. શ્રીપતિ ત્રિપાઠીએ આ વર્ષની તિથિ, મુહૂર્ત અને પૂજા વિધિ વિશે વિગતવાર માહિતી આપી છે.

મહાશિવરાત્રીની તિથિ અને મુહૂર્ત

ફાગણ વદ તેરસ (ત્રયોદશી) તિથિનો પ્રારંભ 15 ફેબ્રુઆરીએ બપોરે 05:04 વાગ્યે થશે અને તેનું સમાપન 16 ફેબ્રુઆરીએ બપોરે 05:34 વાગ્યે થશે. શાસ્ત્રોક્ત વિધિ મુજબ નિશીથ કાળની પૂજાનું મહત્વ હોવાથી મહાશિવરાત્રીનો તહેવાર 15 ફેબ્રુઆરી 2026 ના રોજ ઉજવવામાં આવશે અને વ્રતના પારણા 16 ફેબ્રુઆરીએ કરવામાં આવશે.

શ્રવણ નક્ષત્ર અને સર્વાર્થ સિદ્ધિનો સંયોગ

આ વખતે મહાશિવરાત્રી શ્રવણ નક્ષત્ર અને સર્વાર્થ સિદ્ધિ યોગના દુર્લભ સંયોગમાં આવી રહી છે. સર્વાર્થ સિદ્ધિ યોગ એટલે તમામ કાર્યોમાં સફળતા અપાવનારો યોગ. આ શુભ સમયમાં કરવામાં આવેલ જપ, તપ, દાન અને પૂજાનું અસાધારણ ફળ મળે છે. સાધકો માટે આ સમય માત્ર સાંસારિક સુખ જ નહીં પરંતુ મોક્ષ પ્રાપ્તિ માટે પણ સુવર્ણ તક સમાન છે.

શિવ-પાર્વતીના વિવાહનું પર્વ

પૌરાણિક માન્યતા મુજબ, આ દિવસે ભગવાન શિવ અને માતા પાર્વતીના લગ્ન થયા હતા. આ કથા માત્ર લગ્નની જ નહીં, પરંતુ પ્રેમ, ત્યાગ અને સમર્પણની પરાકાષ્ઠાનું પ્રતીક છે. તેથી જ મહાશિવરાત્રીને દાંપત્ય સુખ અને પારિવારિક સ્થિરતા માટેનો મહાપર્વ માનવામાં આવે છે.

શિવ ઉપાસના માટેના શક્તિશાળી મંત્રો

• ઓમ નમઃ શિવાય
• મૃત્યુંજય મંત્ર: ॐ त्र्यम्बकं यजामहे सुगन्धिं पुष्टिवर्धनम्। उर्वारुकमिव बन्धनान् मृत्योर्मुक्षीय माऽमृतात्॥
• લઘુ મૃત્યુંજય મંત્ર: ॐ हौं जुं स: मृत्युंजयाय नम:॥
• શિવ ગાયત્રી મંત્ર: ॐ तत्पुरुषाय विद्मહે महादेवाय धीमहि। तन्नो रुद्रः प्रचोदयात्॥