ભારત માટે મોટા રાહતના સમાચાર: LPG સંકટ વચ્ચે સમુદ્ર માર્ગે આવી રહ્યા છે બે વિશાળ ભારતીય ટેન્કરો

LPG Supply Crisis Relief: દેશમાં એલપીજી (LPG) ની ઉપલબ્ધતાને લઈને ચાલી રહેલી ચિંતાઓ વચ્ચે ભારત માટે એક રાહતભર્યા સમાચાર આવ્યા છે. આગામી 48 થી 60 કલાકની અંદર બે વિશાળ ભારતીય ટેન્કરો— ‘પાઇન ગેસ’ (Pine Gas) અને ‘જગ વસંત’ (Jag Vasant)— જંગી માત્રામાં રાંધણ ગેસ લઈને ભારતીય બંદરો પર પહોંચવાના છે.

હોર્મુઝની સામુદ્રધુની પાર: ભારતીય નૌસેનાનું કડક રક્ષણ

પશ્ચિમ એશિયામાં યુદ્ધના તણાવ વચ્ચે અત્યંત જોખમી ગણાતા ‘સ્ટ્રેટ ઓફ હોર્મુઝ’ (Strait of Hormuz) ને આ બંને જહાજોએ સુરક્ષિત રીતે પાર કરી લીધું છે. જે ક્ષણે આ ટેન્કરો હોર્મુઝની બહાર નીકળ્યા, તરત જ ભારતીય યુદ્ધ જહાજોએ (Indian Warship-2 અને Warship-3) તેમને પોતાના સુરક્ષા કવચમાં લઈ લીધા છે. ભારતીય નૌસેના આ ટેન્કરોને એસ્કોર્ટ કરી રહી છે જેથી તે નિર્વિઘ્ને ભારત પહોંચી શકે.

91 હજાર ટન ગેસનો જથ્થો: 63 લાખ સિલિન્ડરનો બેકઅપ

આ બંને જહાજોમાં મળીને કુલ 91,000 ટન એલપીજી લોડ છે, જે દેશની જરૂરિયાતો માટે મોટો આધાર બનશે.

પાઇન ગેસ (Pine Gas): આ ટેન્કરમાં 45,000 ટન ગેસ છે. તે 27 માર્ચ સુધીમાં ‘ન્યૂ મેંગલોર પોર્ટ’ પહોંચવાની શક્યતા છે. આ જથ્થામાંથી અંદાજે 31 લાખથી વધુ ઘરેલું સિલિન્ડર ભરી શકાશે.

જગ વસંત (Jag Vasant): આ ટેન્કરમાં 46,000 ટન ગેસ છે. તે 26 માર્ચના રોજ ગુજરાતના ‘કંડલા પોર્ટ’ પર પહોંચશે. આનાથી અંદાજે 31.70 લાખ સિલિન્ડર ભરી શકાશે.

આ બંને ટેન્કરો પર કુલ 60 ભારતીય ક્રૂ મેમ્બર્સ સવાર છે, જેઓ સંપૂર્ણ સુરક્ષિત છે.

સરકારનો દાવો: સપ્લાય ચેઈન સંપૂર્ણ સ્થિર

પેટ્રોલિયમ મંત્રાલયના જણાવ્યા અનુસાર, ઘરેલું એલપીજીના પુરવઠામાં કોઈ અછત નથી. સરકારે સ્પષ્ટ કર્યું છે કે, ભારતીય રિફાઇનરીઓએ કટોકટી પહેલાના સમયગાળાની સરખામણીમાં એલપીજીના ઉત્પાદનમાં 40% નો વધારો કર્યો છે. ઓનલાઇન બુકિંગ 84% થી વધીને 93% થયું છે, જેના કારણે પેનિક બુકિંગમાં મોટો ઘટાડો જોવા મળ્યો છે. દેશના કોઈ પણ ખૂણે સિલિન્ડર ખૂટી પડ્યા હોવાના અહેવાલ નથી અને ડિલિવરી પ્રક્રિયા રાબેતા મુજબ ચાલુ છે. કોમર્શિયલ એલપીજીનો પુરવઠો પણ ધીમે ધીમે પૂર્વવત કરવામાં આવી રહ્યો છે અને અત્યાર સુધીમાં આશરે 16,000 મેટ્રિક ટન કોમર્શિયલ ગેસનો સપ્લાય કરવામાં આવ્યો છે.

આ પણ વાંચોઃ Zomato બાદ Swiggyએ પણ વધારી પ્લેટફોર્મ ફી, Food Order કરવાનું મોંઘુ બન્યું!

આ પણ વાંચોઃ IPL ઈતિહાસની બે ફાઈનલ મેચમાં જોવા મળ્યો એક રનનો રોમાંચ, હાર-જીત થઈ નક્કી

અમારી WhatsApp ચેનલમાં જોડાવા આ લિંક પર ક્લીક કરો

https://whatsapp.com/channel/0029VauCUMx6LwHmdrOBwa2X