કેદારનાથ યાત્રા રોકવામાં આવી, ભારે વરસાદના કારણે લેવાયો મોટો નિર્ણય

સોનપ્રયાગ: કેદારનાથ યાત્રા સંબંધિત મોટા સમાચાર સામે આવ્યા છે. ભારે વરસાદને કારણે કેદારનાથ યાત્રા રોકી દેવામાં આવી છે. સોનપ્રયાગ અને ગૌરીકુંડમાં યાત્રાળુઓને રોકવામાં આવ્યા છે. અહીં ઉલ્લેખનિય છે કે હવામાન વિભાગે આજે રુદ્રપ્રયાગ અને ચમોલી જિલ્લામાં ભારે વરસાદની ચેતવણી જારી કરી છે.

#WATCH | Heavy rainfall in Rudraprayag and adjacent areas of Uttarakhand has increased the water flow in the Alaknanda River. However, the river is still flowing below the danger mark.

#Uttarakhand pic.twitter.com/z3goASQeKO

— ANI (@ANI) July 7, 2025

અલકનંદા નદીમાં પાણીનું સ્તર વધ્યું

ઉત્તરાખંડના રુદ્રપ્રયાગ અને આસપાસના વિસ્તારોમાં ભારે વરસાદને કારણે અલકનંદા નદીમાં પાણીનું સ્તર વધ્યું છે. જોકે, નદી હજુ પણ ખતરાના નિશાનથી નીચે વહી રહી છે.

ભૂસ્ખલન બાદ બદ્રીનાથ જવાનો રસ્તો બંધ

ભૂસ્ખલન બાદ બદ્રીનાથ જવાનો રસ્તો પણ બંધ કરી દેવામાં આવ્યો છે.

ગૌરીકુંડમાં કાટમાળ દૂર કરવાનું કામ ચાલુ છે

ગૌરીકુંડમાં કાટમાળ દૂર કરવાનું કામ ચાલુ છે, જેથી યાત્રા જલ્દી શરૂ કરી શકાય.

વરસાદને કારણે મુસાફરોને મુશ્કેલીનો સામનો કરવો પડી રહ્યો છે

હકીકતમાં જોઈએ તો, ઉત્તરાખંડમાં આ દિવસોમાં ભારે વરસાદ પડી રહ્યો છે. આ કારણે ભૂસ્ખલનની ઘટનાઓ પણ સામે આવી રહી છે. તાજેતરમાં જ ભારે વરસાદને કારણે સોનપ્રયાગમાં ભૂસ્ખલન થયું હતું, જેમાં કેદારનાથથી પરત ફરી રહેલા 40 થી વધુ શ્રદ્ધાળુઓ ફસાયા હતા. જોકે, બાદમાં SDRFએ સોનપ્રયાગ ભૂસ્ખલન વિસ્તાર નજીક ફસાયેલા 40 શ્રદ્ધાળુઓને સફળતાપૂર્વક બચાવી લીધા હતા.

ઉત્તરાખંડમાં સતત વરસાદને કારણે, ઘણા વિસ્તારોમાં વીજ પુરવઠો પણ ખોરવાઈ ગયો છે. ઘણા ભાગોમાં પાણી પુરવઠો પ્રભાવિત થયો છે. તાજેતરમાં, બારકોટ નજીક વાદળ ફાટ્યું હતું.

આ પણ વાંચો: હું યુપીનો છે, પણ મહારાષ્ટ્ર માટે લોહી વહાવ્યું છે, મરાઠી ભાષા વિવાદ વચ્ચે માર્કોસ કમાન્ડોએ રાજ ઠાકરેને પાઠ ભણાવ્યો