કર્ણાટક: ભાજપના બળવાખોર ધારાસભ્યએ અલગ પાર્ટી બનાવવાના સંકેત આપ્યા, નામ રાખશે ‘હિન્દુ પાર્ટી’

કર્ણાટક, 31 માર્ચ 2025: કર્ણાટકમાં ભાજપમાંથી હાલમાંથી સસ્પેન્ડ બળવાખોર ધારાસભ્ય બસનગૌડા પાટિલ યતનામે અલગ પાર્ટી બનાવવાના સંકેત આપ્યા છે. રવિવારે તેમને સંકેત આપ્યા છે કે જો ભાજપ બીવાઈ વિજયેન્દ્રને પ્રદેશ અધ્યક્ષ પદ પર ચાલું રાખવાનો નિર્ણય કર્યો છે. તેમના પિતા બીએસ યેદિયુરપ્પની વંશવાદી રાજનીતિનું સમર્થન કરે છે તો કર્ણાટકમાં એક નવી હિન્દુ પાર્ટી બનાવવામાં આવશે.

ભાજપ અને પીએમ મોદી વિરુદ્ધ નહીં – યત્નાલ

ભૂતપૂર્વ કેન્દ્રીય મંત્રી બસનાગૌડા પાટિલ યત્નાલે કહ્યું કે તેઓ ભાજપ કે વડા પ્રધાન નરેન્દ્ર મોદીના વિરોધી નથી. યતનાલે કહ્યું કે તેઓ અને તેમના સાથીઓ નવી પાર્ટીની જરૂરિયાત અંગે જાહેર અભિપ્રાય એકત્રિત કરવાનું શરૂ કરશે. બળવાખોર ધારાસભ્યએ વિજયાદશમી પર તેના અસ્તિત્વમાં આવવાની શક્યતાનો સંકેત આપ્યા છે.

હિન્દુ કાર્યકરો તરફથી મળેલા સંદેશા

યતનાલે કહ્યું કે તેમને રાજ્યભરના હિન્દુ કાર્યકરો તરફથી સંદેશા મળી રહ્યા છે જેમાં તેમને કર્ણાટકમાં “હિન્દુ પાર્ટી” બનાવવાનું કહેવામાં આવી રહ્યું છે કારણ કે વર્તમાન રાજ્ય ભાજપ હેઠળ અહીં હિન્દુઓ સુરક્ષિત નથી. તેમણે રાજ્ય ભાજપ પર મુખ્યમંત્રી સિદ્ધારમૈયા, નાયબ મુખ્યમંત્રી ડીકે શિવકુમાર અને અન્ય કોંગ્રેસ નેતાઓ સાથે “સમાધાન” કરવાનો આરોપ લગાવ્યો છે.

પાર્ટીમાંથી 6 વર્ષ માટે હાંકી કાઢવામાં આવ્યા

ભાજપે બુધવારે યત્નલને વારંવાર પાર્ટી શિસ્તનું ઉલ્લંઘન કરવા બદલ છ વર્ષ માટે પાર્ટીના પ્રાથમિક સભ્યપદમાંથી હાંકી કાઢ્યા હતા. યત્નાલે આરોપ લગાવ્યો કે, ‘યેદિયુરપ્પાના પુત્રના સ્વાર્થને કારણે પાર્ટીમાં હિન્દુત્વની હિમાયત કરનારા લોકોને દબાવવામાં આવી રહ્યા છે, આજે વિજયેન્દ્ર અને યેદિયુરપ્પાના વંશીય રાજકારણને કારણે મને પણ દબાવવામાં આવી રહ્યો છે.’

ભાજપ પરનો વિશ્વાસ ખતમ થઈ જશે – યત્નાલ

બળવાખોર ધારાસભ્ય યતનાલે કહ્યું કે, પાર્ટી વંશીય રાજકારણ અને ભ્રષ્ટાચારની વિરુદ્ધ છે. તેથી, તેઓ હજુ પણ પાર્ટી હાઇકમાન્ડને વિનંતી કરે છે કે જો તેઓ એડજસ્ટમેન્ટ પોલિટિક્સ કરનારાઓને દૂર નહીં કરે, તો રાજ્યના લોકો ભાજપમાંથી વિશ્વાસ ગુમાવી દેશે.

આ પણ વાંચો: VIDEO: કોઈ મરી ગયું કે શું? લેમ્બોર્ગિની કારે બે મજૂરોને ટક્કર માર્યા બાદ નબીરાનો જવાબ, પોલીસે કરી ધરપકડ