કોકરોચ જનતા પાર્ટીના સમર્થનમાં કોંગ્રેસ? કોંગ્રેસ નેતા કન્હૈયા કુમારના નિવેદનથી મચી ખળભળાટ

Kanhaiya Kumar statement: કોંગ્રેસ નેતા કન્હૈયા કુમારે પેપર લીક, SIR અને વિરોધ પક્ષની રાજનીતિને લઈને કેન્દ્ર સરકાર સાથે સાથે કોકરોચ જનતા પાર્ટી પર પણ આકરા પ્રહારો કર્યા. કન્હૈયા કુમારે કહ્યું કે અસલી લડાઈ રસ્તા પર લડાઈ રહી છે, જ્યારે કેટલાક લોકો માત્ર સોશિયલ મીડિયા પર રાજનીતિ કરી રહ્યા છે.

કોકરોચ જનતા પાર્ટી ફક્ત રીલ બનાવી રહી છે

સૌથી વધુ ચર્ચા તેમના કોકરોચ જનતા પાર્ટી અંગેના નિવેદનની રહી. કન્હૈયા કુમારે કહ્યું, “કોકરોચ જનતા પાર્ટી વિરોધ પક્ષની જગ્યા નથી લઈ રહી. તેઓ માત્ર રીલ બનાવનાર લોકો છે. વિરોધ પક્ષ તો રસ્તા પર છે. હાલમાં કોકરોચ જનતા પાર્ટી હજી રાજકીય દળ બની નથી. મારી તેમને શુભેચ્છા છે કે તેઓ દળ બનાવે અને જમીન પર જઈ કામ કરે. ફક્ત રીલના માધ્યમથી રાજનીતિ થતી નથી.”

કન્હૈયા કુમારે સ્પષ્ટ શબ્દોમાં કહ્યું કે રાજનીતિ માત્ર સોશિયલ મીડિયા અને વીડિયો બનાવવાથી ચાલતી નથી, પરંતુ લોકોના મુદ્દાઓ પર જમીન સ્તરે સંઘર્ષ કરવો પડે છે.

પેપર લીક મુદ્દે સરકારને ઘેરી

કન્હૈયા કુમારે પેપર લીકના મુદ્દે સરકાર પર નિશાન સાધતાં કહ્યું કે, “પેપર લીક મામલે સરકાર કેમ ચૂપ છે? મોદીજી પ્રધાનને કેમ બચાવી રહ્યા છે?”

તેમણે કહ્યું કે યુવાનોના ભવિષ્ય સાથે સતત ચેડા થઈ રહી છે અને કોંગ્રેસ આ મુદ્દે પાછળ હટવાની નથી. તેમણે જણાવ્યું, “પેપર લીકના વિરોધમાં યુવાનો રસ્તા પર રહેશે. અમે આવનારા સમયમાં રસ્તા પરના વિરોધ પ્રદર્શનને વધુ તેજ કરીશું.”

કન્હૈયા કુમારે કહ્યું કે બેરોજગારી અને ભરતી પરીક્ષાઓમાં ગડબડીને કારણે યુવાનોમાં ભારે નારાજગી છે અને વિરોધ પક્ષ આ અવાજને સતત ઉઠાવતો રહેશે.

SIR અને ચૂંટણી આયોગ પર પણ સવાલ

બિહાર અને પશ્ચિમ બંગાળમાં મતદાન પ્રક્રિયાને લઈને પણ કન્હૈયા કુમારે સવાલ ઉઠાવ્યા. તેમણે કહ્યું, “બિહાર અને પશ્ચિમ બંગાળમાં વોટ ચોરી થઈ છે. સુપ્રીમ કોર્ટ કહી રહી છે કે SIR માન્ય છે, પરંતુ રાહુલ ગાંધીએ પુરાવા સાથે બતાવ્યું છે કે ચૂંટણી પંચે કેવી રીતે ગડબડી કરી છે.”

તેમણે દાવો કર્યો કે વિરોધ પક્ષ સતત ચૂંટણીમાં થયેલી ગડબડીઓને લઈને જનતા વચ્ચે જઈ રહ્યો છે અને આ મુદ્દે પણ આંદોલન ચાલુ રહેશે.

આ પણ વાંચો: આખરે સેમ ઓલ્ટમેને PM Modiની AI વિશેની વાતને સ્વીકારી, કહ્યું, કદાચ મારી ભૂલ હતી