લાંબા સમય પછી સેટ પર પરત ફરી કંગના રનૌત, દેશભક્તિથી ભરપૂર નવી ફિલ્મ ‘ભારત ભાગ્યવિધાતા’ની શૂટિંગ શરૂ
મુંબઈ, 7 જાન્યુઆરી 2026: બોલીવુડ અભિનેત્રી અને મંડીની સાંસદ કંગના રાણાવત લાંબા સમયથી કેમેરાથી દૂર હતી. રાજકીય પ્રવૃત્તિઓમાં વ્યસ્ત રહેવાના કારણે તેમણે ફિલ્મી પ્રોજેક્ટ્સથી થોડો વિરામ લીધો હતો. હવે લાંબા ગાળાના બ્રેક બાદ કંગનાએ મોટા પડદા પર પોતાની વાપસીનો એલાન કર્યો છે.
કંગનાએ સોશિયલ મીડિયા પર વીડિયો પોસ્ટ કરી પોતાની નવી ફિલ્મ **‘ભારત ભાગ્યવિધાતા’**ની શૂટિંગ શરૂ થયાની માહિતી આપી છે. આ ફિલ્મ ‘ઇમરજન્સી’ બાદ કંગના માટે વ્યાવસાયિક તથા વ્યક્તિગત રીતે પણ ખુબ જ મહત્વપૂર્ણ માનવામાં આવી રહી છે.
ફિલ્મ સેટ પર પરત ફરતા ઉત્સાહિત કંગના
વાયરલ વીડિયોમાં કંગના સાથે ફિલ્મના નિર્દેશક મનોજ ટાપડિયા પણ જોવા મળે છે. કંગના સીનની ડિટેલિંગ સમજતી અને ટીમ સાથે ચર્ચા કરતી દેખાય છે. વિડીયો શેર કરતી વખતે તેમણે લખ્યું:
“ફિલ્મ સેટ પર પાછાં આવીને બહુ સારું લાગી રહ્યું છે.”
કંગના આ વીડિયોમાં ઓફ-વ્હાઇટ સુટમાં દેખાય છે અને ડિરેક્ટર સાથે સંવાદ કરતી નજરે પડે છે.
શું છે ‘ભારત ભાગ્યવિધાતા’ની કહાની?
આ ફિલ્મની જાહેરાત ‘ઇમરજન્સી’ની રિલીઝ દરમ્યાન થઈ હતી. પરંતુ ત્યારબાદ કંગનાએ પોતાનું ધ્યાન રાજકારણ તરફ ફેરવતાં પ્રોજેક્ટમાં વિલંબ થયો. હવે શૂટિંગ ફરી શરૂ થઈ છે અને કંગના ફિલ્મમાં અગત્યની ભૂમિકા ભજવશે.
ફિલ્મનું નિર્માણ આદી શર્મા કરી રહ્યા છે અને નિર્દેશનની જવાબદારી મનોજ ટાપડિયા સંભાળી રહ્યા છે, જેમણે અગાઉ મદ્રાસ કેફે, ચીની કમ અને NH10 જેવી જાણીતી ફિલ્મોમાં કામ કર્યું છે.
દેશભક્તિથી ઓતપ્રોત ફિલ્મ
માહિતી મુજબ, ‘ભારત ભાગ્યવિધાતા’માં એવા ગુમનામ નાયકોની કહાનીઓ રજૂ કરવામાં આવશે, જેઓના દેશપ્રેમ અને યોગદાન વિશે જનતાને વધુ જાણકારી નથી. ફિલ્મનું પ્લોટ ગુપ્ત રાખવામાં આવ્યું છે, પરંતુ ટાઇટલથી સ્પષ્ટ થાય છે કે ફિલ્મ સાહસ, બલિદાન અને મૌન વિરતા પર આધારિત હશે.
કંગના માટે કેમ મહત્વપૂર્ણ છે આ ફિલ્મ?
કંગના રાણાવત માટે આ ફિલ્મ બહુ જ અગત્યપૂર્ણ છે કારણ કે તાજેતરની તેમની અનેક ફિલ્મો બોક્સ ઑફિસ પર સફળ રહી નથી. તેમની છેલ્લી ફિલ્મ ‘ઇમરજન્સી’ પણ પ્રદર્શન દરમિયાન મુશ્કેલીઓમાં ફસાઈ અને અંતે નિષ્ફળ રહી. લગભગ 60 કરોડના બજેટની આ ફિલ્મે ભારતમાં ફક્ત 20 કરોડની કમાણી કરી હતી.
આ પરિસ્થિતિમાં ‘ભારત ભાગ્યવિધાતા’ કંગનાને ફરીથી બૉક્સ ઑફિસ પર મજબૂત વાપસી કરાવવાની શક્યતા ધરાવે છે.
આ પણ વાંચો : …તો ચીનના 1 લાખ સૈનિકો ઠાર થશે, ચોંકાવનારા રિપોર્ટમાં મોટો દાવો કર્યો
